SHIVSRUSTHI NEWS मराठी

  इंदापूर तालुका शिक्षण प्रसारक मंडळाच्या कला, विज्ञान आणि वाणिज्य महाविद्यालयाच्या कनिष्ठ विभागाच्या वतीने शाहीर अमर शेख सभागृहामध्ये राष्ट्रीय सहकारी साखर कारखाना महासंघाचे अध्यक्ष व माजी मंत्री हर्षवर्धन पाटील तसेच महाविद्यालयाचे प्राचार्य डॉ. जीवन सरवदे यांच्या मार्गदर्शनाखाली 'परीक्षेस सामोरे जाताना ' या कार्यक्रमाचे तसेच इयत्ता 11वी विद्यार्थ्याकडून इयत्ता 12वी विद्यार्थ्यांकरिता निरोप समारंभाचे आयोजन करण्यात आले होते यावेळी बोलताना सहाय्यक पोलीस निरीक्षक स्मिता पाटील यांनी परीक्षेत विद्यार्थ्यांनी चांगले यश संपादन करावे असे मत व्यक्त केले तसेच विद्यार्थ्यांना त्यांनी परीक्षेसाठी शुभेच्छा दिल्या.     संस्थेचे निरीक्षक प्रा. मदन हराळ पाटील म्हणाले की,' विद्यार्थ्यांनी अंतर्मुख होऊन परीक्षेत तसेच जीवनात यशस्वी होण्यासाठी जिगरबाज असे कार्य पार पाडावे. कार्यकर्तृत्वान व्यक्तींचा इतिहास व त्यांचे शौर्य , कार्य लक्षात घेतल्यास त्या विचाराने प्रभावित होऊन आपण यशसिद्धी मिळवावी.     प्रास्ताविकात महाविद्यालयाचे उपप्राचार्य प्रा. दत्तात्रय गोळे म्हणाले क...

इंदापूर मागील वर्षी पूणे येथे सायंकाळी ०६ वा सिलेंडर चा स्फोट होऊन युवकाचा मृत्यू झाला वय 45वर्ष यांचा सिलेंडर स्फोट होऊन अपघात झाला.  काही दिवसांपूर्वी सोलापूर येथे सकाळी 11 वाजण्याच्या सुमारास सिलेंडर ची गॅस गळती होऊन मोठ्या प्रमाणात घरामध्ये गॅस पसरला व भडका झाला त्यामध्ये महिला वय वर्ष 23व तिचा मुलगा वय वर्षे 5 होरपळी गेली तसेच त्यांचे शव ऐकमेकाना चिटकून मिळाले होते अशा प्रकारे घटना घडत असतात सदरच्या दोन्ही घटना भविष्यात आपल्या बाबतीत देखील होवू शकते कारण एक सिलींडर तीन आर सी सी स्लॅब पाडू शकतो ईतकी त्याची क्षमता आहे त्यामुळे अशी घरगुती गॅस सिलिंडरची गळती रोखण्यासाठी व त्यांवरील उपाययोजना याबाबत *गुरुवार 30/01/2025 रोजी दुपारी 2:15 वाजता* *सूर्या गॅस कंपनी मार्फत सेमिनार हाॅल मध्ये २० मिनिटे प्रशिक्षण घेणेसाठी सर्व विद्यार्थी, शिक्षक, शिक्षकेतर पुरुष व महिला वर्गाने आवर्जून उपस्थित होते. सूर्या गॅस कंपनी तर्फे आपले कूटूंब सुरक्षित करावे असे आव्हान करण्यात आले. फार्मसी कॉलेजचे प्राचार्य डॉ. सुजित देसाई यांनी सूर्या गॅस कंपनीचे आभार मानले, तसेच या कार्यक्र...

इंदापूर चेतना फाउंडेशन इंदापूर संचलित चेतना कॉलेज ऑफ फार्मसी मध्ये मराठी भाषा संवर्धन पंधरवडा मोठ्या उत्साहाने साजरा करण्यात आला. उच्च व तंत्र शिक्षण मंडळ महाराष्ट्र राज्य तसेच महाराष्ट्र तंत्र शिक्षण मंडळ विभागीय कार्यालय पुणे यांच्यामार्फत 14 जानेवारी ते 28 जानेवारी दरम्यान मराठी भाषा संवर्धन पंधरवडा सर्व महाविद्यालयांमध्ये साजरा करण्यात यावा असे आव्हान केले होते त्याचाच एक भाग म्हणून चेतना कॉलेज ऑफ फार्मसी सरडेवाडी इंदापूर येथे विविध उपक्रमांद्वारे मराठी भाषेचे संवर्धन हा उपक्रम महाविद्यालयातील सर्व विद्यार्थ्यांसाठी राबविण्यात आला यामध्ये निबंध स्पर्धा, वक्तृत्व स्पर्धा मराठी फलक लेखन इत्यादी उपक्रम राबविण्यात आले. सदर कार्यक्रमासाठी महाविद्यालयाचे प्राचार्य डॉ. सुजित देसाई हे अध्यक्षस्थानी होते. महाविद्यालयातील प्राध्यापक वर्ग प्रा. चैतन्य महारनवर प्रा. सुरज माने यांनीही मराठी भाषेचे संवर्धन याबद्दल उपस्थित विद्यार्थ्यांना माहिती दिली तसेच महाविद्यालयामधील पदवी आणि पदविका मधील विद्यार्थ्यांनी सुद्धा मनोगती व्यक्त केली. सदर कार्यक्रमासाठी संस्थेचे अध्यक्ष मा. उदय देशपां...

इंदापूर, ता. ३० - इंदापूर येथील शंकरराव पाटील चँरिटेबल ट्रस्ट , इंदापूर मध्ये पहिल्या मराठी बालसाहित्य संमेलनाचे आयोजन करण्यात आले आहे. येत्या १ आणि २ फेब्रुवारीला हे संमेलन होत आहे. ट्रस्टच्या वतीने गेली अनेक वर्षे या परिसरात ऊसतोडणी कामगारांच्या मुलांसाठी कोपीवरची शाळा,  ओजस बाल संस्कार केंद्र, आरोग्यविषयक उपक्रम राबवविले जातात. ट्रस्टचे खजिनदार तुषार रंजनकर व सहकाऱ्यांच्या मार्फत वेगवेगळे उपक्रम राबविण्यासाठी  प्रयत्नशील असतात. त्यांच्या संकल्पनेतून  यावेळी  तालुक्यातील सर्व विद्यार्थी-विद्यार्थिनींसाठी या बालसाहित्य संमेलनचे आयोजन करण्यात आले आहे.  ख्यातनाम साहित्यिक राजीव तांबे संमेलनाचे अध्यक्ष असून साहित्यिक डॉ. ज्ञानेश्वर जाधवर उदघाटक आहेत. साहित्य अकादमी पुरस्कार विजेते  डॉ. संगीता बर्वे, संजय वाघ, पुस्तकविश्वचे संस्थापक नवनाथ जगताप प्रमुख पाहुणे म्हणून उपस्थित असतील. संमेलनात विद्यार्थ्यांसाठी नृत्य, क्रीडा  आणि वेशभूषा स्पर्धांचे आयोजन करण्यात आले आहे.  ट्रस्टच्या अध्यक्ष पद्माताई भोसले, सचिव डॉ. गिरीश देसाई, विश...

बारामती सुनिलजी  शिंदे यांचे कडून माहीती  -भारतीय राज्यघटनेचे शिल्पकार, विश्वभूषण भारतरत्न डॉ. बाबासाहेब आंबेडकर यांच्या अमृतसर पंजाब या ठिकाणी असणाऱ्या पुतळ्याची समाजकंटकाने घोर विटंबना केल्याचे निषेधार्थ येथील रिपब्लिकन पक्षाचे वतीने निषेध करण्यात आला असून विविध मागण्याचे निवेदन प्रांत अधिकारी वैभव नावडकर यांना देण्यात आले.  या निवेदनामध्ये पुतळ्याची विटंबना करणाऱ्या समाजकंटकाला तात्काळ फाशी देण्यात यावी, पुतळा विटंबना घटनेची सविस्तर चौकशी करून या षडयंत्रात सामील असणाऱ्या सर्व लोकांवर कडक कायदेशीर करावी, पुतळा विटंबनेच्या प्रकरणात अक्षम्य दुर्लक्ष करणाऱ्या पंजाब पोलिसातील सर्व वरिष्ठ अधिकाऱ्यांचे निलंबन करावे व त्यांच्यावर चौकशी करून कारवाई करावी, या सर्व प्रकरणाची नैतिक जबाबदारी स्वीकारून पंजाब गृहमंत्री यांनी राजीनामा द्यावा व पंजाब सरकार बरखास्त करावे आदी मागण्यांचे निवेदन देण्यात आले        यावेळी रिपब्लिकन पक्षाचे पश्चिम महाराष्ट्र सचिव सुनील शिंदे, महिला आघाडी उपाध्यक्ष रत्नप्रभाताई साबळे, रिपाई जिल्हा युवक कार्याध्यक्...

पुणे, : गुलियन बॅरे सिंड्रोम अर्थात ‘जीबीएस’ पसरलेल्या भागातील या आजारामागची कारणे शोधण्यासह पाणीपुरवठा स्रोतांची, पाणीपुरवठा करणाऱ्या खासगी व शासकीय टँकरमधील पाण्याची तपासणी, घरोघरी जाऊन सर्वेक्षण करणे, लक्षणे आढळलेल्या व्यक्तींना तात्काळ रुग्णालयात दाखल होण्यासाठी आवाहन तसेच जनजागृती करणे आदी सर्वंकष उपाययोजना कराव्यात असे निर्देश सार्वजनिक आरोग्यमंत्री प्रकाश आबीटकर यांनी दिले. आजारातून बरे होण्याचे प्रमाण मोठे असून नागरिकांनी घाबरून जाऊ नये, असेही ते म्हणाले. विधानभवन येथे ‘जीबीएस’ आजाराविषयी आढावा बैठकीत मंत्री आबीटकर बोलत होते. यावेळी विभागीय आयुक्त डॉ. चंद्रकांत पुलकुंडवार, पुणे महानगरपालिकेचे आयुक्त डॉ. राजेंद्र भोसले, पिंपरी चिंचवड महानगरपालिका आयुक्त शेखर सिंह, जिल्हाधिकारी जितेंद्र डूडी, जिल्हा परिषदेचे मुख्य कार्यकारी अधिकारी गजानन पाटील, राज्याचे आरोग्य सेवा संचालक डॉ. नितीन आंबाडेकर, प्रभारी अतिरिक्त विभागीय आयुक्त समिक्षा चंद्राकार, सहसंचालक आरोग्य सेवा बबीता कमलापूरकर, उपसंचालक डॉ. आर. बी. पवार, जिल्हा शल्यचिकित्सक डॉ. नागनाथ येम्पल्ले, जिल्हा आ...

 इंदापूर: नितीन क्षीरसागर यांच्या कडुन मौजे कालठण क्रमांक एक  ता.इंदापुर येथील उत्कर्ष विद्यालयाचे ध्वजारोहण  श्री तुकाराम जाधव यांनी केले.यावेळी प्रशालेचे मुख्याध्यापक श्री रघुनाथ पन्हाळकर उपस्थित होते. कालठण ग्रामपंचायत ध्वजारोहण   ग्रामसेवक श्री दिपक बोरावके व प्राथमिक शाळा ध्वजारोहण  मुख्याध्यापक  राजेंद्र जगताप यांनी केले.   दरम्यान विद्यार्थ्यांनी प्रभात फेरीतून बेटी बचाव बेटी पढाओ जय जवान जय किसान आदी स्वतंत्र्याचा नारा देत सामाजिक संदेश दिला. कार्यक्रमाचे अध्यक्षस्थानी प्रशासकीय समन्वयक राधीका कुलकर्णी होत्या . अध्यक्षीय भाषणातून  म्हणाले की विद्यार्थ्यांनी स्वातंत्र्याचा माध्यमातून वैचारिक वारसा पुढे चालवत न्याय स्वातंत्र्य समता बंधुता या तत्त्वांचा पुरस्कार करायला हवा असे सांगितले. उत्कर्ष विद्यालयाचे मुख्याध्यापक श्री रघुनाथ पन्हाळकर यांनी मनोगत व्यक्त केले.  प्रजासत्ताकतक दिनाच्या निमित्ताने संविधान वाचन कवायत  संस्कृतीक कार्यक्रम गुणवंत विद्यार्थी व शिक्षक सत्कार आदी उपक्रम राबविले. शैक्षणिक कार्याबद्दल...

 इंदापूर तालुका शिक्षण प्रसारक मंडळाच्या कला, विज्ञान आणि वाणिज्य महाविद्यालयाच्या प्रांगणात 76 व्या भारतीय प्रजासत्ताक दिनाच्या कार्यक्रमात बोलताना इंदापूर तालुका शिक्षण प्रसारक मंडळाचे सचिव ॲड. मनोहर चौधरी यांनी वरील मत व्यक्त केले.ॲड.मनोहर चौधरी यांच्या हस्ते यावेळी ध्वजवंदन करण्यात आले.    राष्ट्रीय छात्र सेनेच्या विद्यार्थ्यांनी यावेळी उत्कृष्ट असे संचलन सादर केले.संविधान अमृत महोत्सवानिमित्त संविधान उद्देशिकाचे मान्यवरांच्या हस्ते अनावरण करून वाचन करण्यात आले.मान्यवरांच्या हस्ते राष्ट्रीय छात्र सेनेतील उत्कृष्ट कामगिरी केलेल्या विद्यार्थ्यांचा यावेळी सत्कार करण्यात आला तसेच अर्थशास्त्र विभागाच्या वतीने घेण्यात आलेल्या अर्थशास्त्रीय सामान्य ज्ञान स्पर्धेतील यशस्वी विद्यार्थ्यांचा देखील मान्यवरांच्या हस्ते सन्मान करण्यात आला.       मनोहर चौधरी म्हणाले की,' भारतातील सर्व भौगोलिक, सामाजिक, सांस्कृतिक गोष्टी डोळ्यासमोर ठेवून ही घटना तयार केली आहे आज यामुळे भारताची सर्व क्षेत्रात प्रगती होत आहे. घटनेच्या माध्यमातून शांतता , कायदा व ...

इंदापूरात जिल्हा, अतिरिक्त सत्र न्यायाधीश आणि दिवाणी न्यायाधीश वरिष्ठ स्तर या न्यायालयाचे न्यायमूर्ती रेवती मोहिते डेरे, उपमुख्यमंत्री अजित पवार, क्रीडामंत्री दत्तात्रय भरणे, खासदार सुप्रिया सुळे यांच्या प्रमुख उपस्थितीत झाले उद्घाटन. इंदापूर, डॉ. संदेश शहा. न्यायालयात वाढत असलेली खटल्यांची संख्या ही न्याय व्यवस्थेवर वाढत्या विश्वासाचे प्रतीक आहे. न्याय हा सर्वांसाठी सारखा आहे मात्र यामध्ये आणखी पारदर्शकता व न्याय देण्यामध्ये जलदता येण्यासाठी युवा वकिलांनी जेष्ठ वकिलांकडून या व्यवसायातील तंत्र व मंत्र शिकून घेणे गरजेचे आहे असे मत मुंबई उच्च न्यायालयाच्या न्यायमूर्ती रेवती मोहिते डेरे यांनी व्यक्त केले. शनिवार दिनांक २५ जानेवारी रोजी इंदापूर न्यायालयात जिल्हा, अतिरिक्त सत्रन्यायाधीश आणि दिवाणी न्यायाधीश वरिष्ठ स्तर न्यायालयाचे उद्घाटन मुंबई उच्च न्यायालया च्या न्यायमूर्ती रेवती मोहिते डेरे यांच्या प्रमुख उपस्थितीत न्यायालयीन शिष्टाचाराप्रमाणे झाले. यावेळी राज्याचे उपमुख्यमंत्री अजित पवार, क्रीडामंत्री दत्तात्रय भरणे, उच्च न्यायालयाचे न्यायमूर्ती संदीप...

 इंदापूर: -राष्ट्रवादी काँग्रेस पक्षाचे राष्ट्रीय अध्यक्ष मा.ना.श्री. अजितदादा पवार उपमुख्यमंत्री, महाराष्ट्र राज्य, आपले मार्गदर्शक मा.ना.श्री. दत्तात्रय (मामा) भरणे मंत्री, क्रीडा व युवककल्याण, अल्पसंख्यांक विकास, महाराष्ट्र राज्य आणि मा.श्री. प्रदिपदादा गारटकर जिल्हाध्यक्ष, राष्ट्रवादी काँग्रेस पक्ष यांच्या मार्गदर्शन नेतृत्वाखाली समाजातील गोर-गरीब, उपेक्षित, वंचित घटकांचे प्रश्न सोडवून पक्षाचे संघटन मजबुत करण्यासाठी मा. श्री. प्रशांत भानुदास शिताप.यांची निवड करण्यात आली, व निवडीचे पत्र मा.श्री. हनुमंत (आचा) कोकाटे-पाटील अभ्यक्ष, इंदापूर तालुका राष्ट्रवादी काँग्रेस पार्टी यांनी दिले, आशी माहीती,प्रशांत शिताप यांनी दिली. त्यांचे सर्वत्र कौतुक होत आहे. सामाजिक कार्यात उल्लेखनीय कामगिरी करणारे प्रशांत दादा शिताप गोरगरीब जनतेच्या सुखदुःखात सामील होणारे पक्षाने सार्थ निवड केल्यामुळे सर्वत्र त्यांचे अभिनंदन होत आहे.

मुंबई, दि. 19:-खो-खो चा पहिला विश्वचषक दिल्लीतील इंदिरा गांधी स्टेडियमवर खेळला गेला. या स्पर्धेत भारतीय महिला आणि पुरुष संघांकडून ऐतिहासिक खेळ पहायला मिळाला. भारतीय संघाने नेपाळला हरवून ऐतिहासिक विजेतेपद पटकावले. या विजयानंतर क्रीडा मंत्री दत्तात्रय भरणे यांनी दूरदृश्य प्रणालीद्वारे खेळाडूंशी संवाद साधत अभिनंदन केले. खो-खो साठी क्रीडा मंत्री श्री. भरणे यांच्या निर्देशानुसार दहा कोटींचा निधी नुकताच दिला होता. हा निधी दिल्याबद्दल खेळाडूंनी क्रीडा मंत्री श्री. भरणे यांचे आभार मानले. यावेळी मंत्री श्री. भरणे खेळाडूंना म्हणाले, निधी देणं ही आमची जबाबदारी आहे. पण या जनतेच्या पैशाचे खेळाडूंनी आपल्या कर्तृत्वाने चीज केले आहे. भारतीयांच्या माना उंचावल्या आहेत. खेळाडूंच्या कामगिरीचा आम्हाला अभिमान आहे. महाराष्ट्राची कन्या प्रियांका इंगळे यांच्या नेतृत्वाखाली भारतीय महिला संघाने ऐतिहासिक यश प्राप्त केले आहे. खो-खो वर्ल्डकपवर भारतीय संघाने नाव कोरले आहे. महिला व पुरुष संघाने नवी दिल्ली येथे अंतिम सामन्यात नेपाळचा मोठ्या फरकाने पराभव करत विजेतेपद पटकावले. स्पर्धेच्या पहिल्या सामन्य...

इंदापूर, डॉ. संदेश शहा. जागतिक स्पर्धेच्या युगात सर्वाधिक युवापिढी आपल्या देशात असून युवापिढी ने आपले कौशल्य सिद्ध करून उद्योजकता विकसित करण्यासाठी डिजिटल मीडिया आणि फ्रीलान्सिंग महत्त्वाचे आहे असे प्रतिपादन आयकॉन पुरस्कार विजेते मास्टर समर्थ भोईटे यांनी केले. उद्योजकता विकसित करण्यासाठी उद्योजकतेचे मार्ग या विषयावर इंदापूर येथील विद्या प्रतिष्ठान पॉलिटेक्निक कॉलेज मध्ये युवापिढीस मार्गदर्शन करताना बारामती आयकॉन पुरस्कार विजेते मास्टर समर्थ भोईटे बोलत होते. यावेळी यशस्वी फ्रीलांसर असलेले मास्टर समर्थ भोईटे यांनी त्यांचा यशस्वी जीवन प्रवास उलगडला. वयाच्या १७ व्या वर्षांपासून तीन कंपन्यांद्वारे त्यांनी त्यांचा व्यवसाय सुरू केला, त्याची उभारणी केली. आपल्या यशस्वी व्यवसायाचे त्यांनी तपशीलवार वर्णन करून विद्यार्थ्यांना प्रेरणा दिली. यावेळी त्यांनी स्वतःचा व्यवसाय स्थापित करण्यासाठी आणि वाढवण्यासाठी वैयक्तिक कौशल्यांचा वापर करण्याचे महत्त्व अधोरेखित केले. असंख्य उदाहरणांद्वारे त्यांनी उद्योजकता आणि व्यवसाय वाढीच्या दिशेने फ्रीलांसिंग कसे महत्त्वाचे पाऊल असू शकत...

पुणे जिल्हा परिषद सदस्या, एस बी पाटील शैक्षणिक संस्थेच्या उपाध्यक्षा अंकिता पाटील ठाकरे  या वर्ल्ड इकॉनॉमिक फोरमच्या (जागतिक गुंतवणूक परिषद)  दावोस येथे होणाऱ्या वार्षिक २०२५ च्या बैठकीस उपस्थित राहणार आहेत. २० ते २४ जानेवारी दरम्यान स्वित्झर्लंड येथील दावोस येथे होणाऱ्या वर्ल्ड इकॉनॉमिक फोरमच्या वार्षिक बैठकीसाठी त्या उपस्थित राहणार आहेत.        जागतिक व्यापार, व्यवसाय, राजकारण, शिक्षण आणि इतर क्षेत्रातील व्यक्तींना एकत्र आणून जगाच्या आणि एखाद्या प्रदेशाच्या विकासाला चालना देण्याच्या उद्देशानं 1971 साली WEF ची स्थापना झाली होती. दरवर्षी या संस्थेतर्फे स्वित्झर्लंडच्या दावोस या नयनरम्य ठिकाणी एका परिषदेचं आयोजन केलं जातं. एस.बी. पाटील शैक्षणिक संस्थेच्या उपाध्यक्षा, ऑल इंडिया शुगर मिल असोसिएशनच्या (इस्मा) कायदेशीर उपसमितीच्या मा.सहअध्यक्ष व इंडियन शुगर एक्झिम कॉर्पोरेशन लि.च्या संचालिका अंकिता पाटील ठाकरे आहेत.   अंकिता पाटील ठाकरे या उच्च विद्याविभूषित आहेतच व सर्वसामान्य व्यक्तींसाठी सर्व क्षेत्रात अगदी मनापासून कार्य करीत असू...

इंदापूर, डॉ. संदेश शहा.यांचे कडून इंदापूर तालुक्यातील कर्मयोगी शंकररावजी पाटील सहकारी साखर कारखाना कार्यक्षेत्रात उजनी धरण पाणलोट क्षेत्रातील गलांडवाडी नंबर १ व नरुटवाडी ग्रुप ग्रामपंचायत हद्दीत ऊस तोड करणाऱ्या ऊस तोडणी मजुरांचे थंडी पासून रक्षण व्हावे म्हणून त्यांना इंदापूर येथील श्री नारायणदास रामदास हायस्कूल इयत्ता दहावी बॅच सन २००५-०६ मधील विद्यार्थी विद्यार्थिनी यांनी ब्लँकेट वाटप केले तसेच ऊस तोडणी मजुरांच्या मुलांचे थंडी पासून संरक्षण व्हावे म्हणून त्यांना कानटोपी वाटप करण्यात आले. ऊस तोडणी सुरू असलेल्या शेतात जावून विद्यार्थ्यांनी ब्लँकेट व कान टोपी वाटप करून सामाजिक बांधिलकी जोपासली. १८ वर्षां नंतर झालेल्या गेट -टुगेदर मधून या विद्यार्थ्यांनी शाळेस घड्याळ तसेच सॅनिटरी नॅपकीन मशीन दिले होते. त्यातून राहिलेल्या पैशातून योग्य गरजूंना मदत मिळावी म्हणून गरज ओळखून ब्लॅंकेट व लहान बालकांना कानटोपी वाटप करण्यात आले. यावेळी वर्गातील सर्व विद्यार्थी उपस्थित होते. यावेळी विद्यार्थ्यांनी ऊस तोडणी मजुरांना आपल्या मुलांना त्यांच्या आवडी प्रमाणे शिक्षण देण्याचे आवाहन केले. या...

पुणे येथे हर्षवर्धन पाटील यांच्या अध्यक्षतेखाली साखर संकुलमध्ये बैठक देशभरातील अधिकारी व तज्ञांची बैठकीस उपस्थिती इंदापूर : प्रतिनिधी दि.17/1/25                       आगामी काळात इथेनॉलचे उत्पादन हे धान्याचा वापर करून वर्षभर घेता येणार आहे, त्याचा आर्थिक फायदा कारखान्यांना होणार आहे. त्यासाठी साखर कारखान्यांनी सध्याच्या आसवनी प्रकल्पांचे मल्टिफीड मध्ये रूपांतर केल्यास वर्षभर इथेनॉलचे उत्पादन घेणे शक्य होणार आहे, असे प्रतिपादन राष्ट्रीय सहकारी साखर कारखाना महासंघाचे अध्यक्ष, माजी मंत्री हर्षवर्धन पाटील यांनी पुणे येथे शुक्रवारी (दि.17) केले.         पुणे येथील साखर संकुलमध्ये देशातील इथेनॉल उत्पादन वाढीसाठी कोणती पाऊले उचलावीत यावर विचार करणेसाठी देशभरातील सहकार क्षेत्रात काम करणारे अधिकारी व तज्ज्ञांची बैठक राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील यांच्या अध्यक्षतेखाली संपन्न झाली.      या बैठकीस राज्याचे साखर आयुक्त डॉ. कुणाल खेमनार, अन्न व सार्वजनिक वितरण विभाग...

बारामती: - महाराष्ट्र राज्य क्रीडा व युवक सेवा संचालनालय व महाराष्ट्र राज्य कबड्डी असोसिएशन यांच्या संयुक्त विद्यमाने बारामती येथे सुरू असलेल्या २३ व्या छत्रपती शिवाजी महाराज चषक पुरुष विभागात पालघर,पुणे शहर, कोल्हापूर, अहमदनगर, पिंपरी चिंचवड, मुंबई उपनगर व महिला विभागात ठाणे शहर, सांगली, पुणे शहर, पालघर आपआपल्या गटात विजय मिळविले. रेल्वे मैदानावर सुरू असलेल्या वरिष्ठ पुरूष व महिला गट कबड्डी स्पर्धेच्या दुसऱ्या दिवशीच्या सायंकाळच्या सत्रात पुरूषांच्या अ गटात पालघर संघाने अमरावती संघावर ५३-३२ असा विजय मिळविला. मद्यंतराला पालघर संघाकडे २७-१४ अशी आघाडी होती. पालघरच्या प्रतिक जाधवने आक्रमक खेळ करीत आपल्या संघाला विजय मिळवून दिला. अमरावतीच्या अभिषेक पवार याने चांगल्या खेळाचे प्रदर्शन करीत एकाकी लढत दिली. ड गटात पुणे शहर संघाने सांगली संघावर ३५-२७ असा विजय मिळविला. मद्यंतराला पुणे शहर १३-१४ असा पिछाडीवर होता मात्र प्रशिक्षक तुषार नागरगोजे यांनी खेळाडूंना संयम ठेऊन खेळण्यास सांगितले व त्याचा सकारात्मक परिणाम होऊन संघाला विजय मिळाला. पुणे शहर संघाच्य...

इंदापूर: समाज कल्याण विभाग, पुणे जिल्हा परिषद, पुणे आयोजित जिल्हास्तरीय दिव्यांग शालेय क्रीडा स्पर्धा सन 2024- 25 मूकबधिर निवासी शाळा इंदापूर जिल्हा पुणे, या शाळेची विद्यार्थिनी कुमारी साक्षी धनाजी पाटील हिचा गोळा फेक या स्पर्धेमध्ये प्रथम क्रमांक मिळविल्या बद्दल तिचे शाळेच्या वतीने मुख्याध्यापक, शिक्षक, शिक्षकेतर कर्मचाऱ्यांच्या वतीने हार्दिक अभिनंदन जिल्हा परिषद पुणे यांचे तर्फे आयोजित जिल्हास्तरीय दिव्यांगाच्या क्रीडा स्पर्धा पुणे या ठिकाणी आयोजित करण्यात आल्या होत्या या स्पर्धेमध्ये 82 शाळातील 465 विद्यार्थ्यांनी सहभाग घेतला होता त्यात इंदापूर येथील मूकबधिर निवासी शाळेतील विद्यार्थी सहभागी झाले होते राज्यस्तरीय क्रीडा स्पर्धेसाठी शाळेची विद्यार्थिनी तिचा जिल्ह्यातून प्रथम क्रमांक आल्याने निवड झाली आहे गोळा फेक या प्रकारांमध्ये सदर विद्यार्थ्यांचा जिल्ह्यात प्रथम क्रमांक आला आहे शाळेतील एकूण 14 विद्यार्थी या स्पर्धेत सहभागी झाले होते त्यापैकी सर्व विद्यार्थ्यांनी चांगले कामगिरी केले आहे या यशाबद्दल शाळेचे संस्थापक अध्यक्ष प्रदीप दादा गारटकर व अमोल उन्हाळे सर...

 इंदापूर महाराष्ट्र राज्य कला संचालनालय मुंबई यांचे मार्फत घेण्यात आलेल्या एलिमेंटरी व इंटरमिजिएट चित्रकला ग्रेड परीक्षेचा निकाल 99.30 टक्के लागला. दहा जानेवारी 2025 रोजी इंटरमिजिएट चित्रकला ग्रेड परीक्षा व 13 जानेवारी 2025 रोजी एलिमेंटरी चित्रकला ग्रेड परीक्षेचा निकाल दुपारी एक वाजता ऑनलाईन पद्धतीने जाहीर करण्यात आला. श्री. नारायणदास रामदास हायस्कूल मधून दोन्ही परीक्षेसाठी एकूण 142 विद्यार्थी सहभागी झाले होते. त्यापैकी 141 विद्यार्थी उत्तीर्ण झाले. एलिमेंटरी परीक्षेसाठी 79 विद्यार्थी सहभागी होते. त्यापैकी 78 विद्यार्थी उत्तीर्ण झाले. तसेच इंटरमिजिएट चित्रकला ग्रेड परीक्षेसाठी 63 विद्यार्थी सहभागी झाले होते. सर्व विद्यार्थी उत्तीर्ण झाले.  A ग्रेड 8 विद्यार्थी ,B ग्रेड 22 विद्यार्थी तर उरलेले 111 विद्यार्थी हे सी ग्रेड मध्ये उत्तीर्ण झाले. या सर्व विद्यार्थ्यांना प्रशालेच्या कला शिक्षिका श्रीमती शिर्के व्ही .एस. यांनी मार्गदर्शन केले. यशस्वी सर्व विद्यार्थ्यांचे संस्थेचे अध्यक्ष मा श्री हर्षवर्धनजी पाटील साहेब व प्राचार्य श्री.संजय सोरटे यांनी यांनी अभिनंदन केले.

*इंदापूर* : (दि.१४) येथील मातोश्री रमाबाई आंबेडकर विद्यार्थी वसतिगृह ट्रस्टच्या डॉ. बाबासाहेब आंबेडकर शैक्षणिक संकुलात वार्षिक स्नेहसंमेलनाचे सोमवारी (दि.१३) आयोजन करण्यात आले होते. कार्यक्रमाचे उद्घाटन गोपीचंद गलांडे (माजी सरपंच, गलांडवाडी नं.२), संस्थेच्या अध्यक्षा शकुंतला मखरे,पालक यांच्या हस्ते बहुजन महामाता, इंदापूरचे माजी नगराध्यक्ष दिवंगत रत्नाकर मखरेंच्या प्रतिमांचे पुजन व दीप प्रज्वलन करण्यात आले. याप्रसंगी प्रमुख पाहुण्यांचा सत्कार भिमाई परिवाराच्या वतीने करण्यात आला  या महोत्सवाची सुरुवात विद्यार्थ्यांनी पिंपळाच्या पानावर या गीताने केली. मराठंमोळी गीतं, हिंदी सिनेमातील गीतं,भीमगीते, पोतराज, रिमिक्स गीतं,लोकगीते, लावण्या, देशभक्तीपर गीते, मराठी नाटकं,छत्रपती शिवाजी महाराजांवरील गीतं,आदिवासी नृत्य आदी कलाविष्कार सादर करत मायबाप रसिकांची मने जिंकली. पालकांसह उपस्थितीतांनी कलाविष्कार सादर करणाऱ्या विद्यार्थ्यांवर कौतुकाची थाप देत त्यांच्यावर बक्षिसांचा वर्षाव केला. याप्रसंगी संस्थेचे कार्याध्यक्ष ॲड. राहुल मखरे, सचिव ॲड, समीर मखरे, संचालक...

 इंदापूर मकर संक्रांतीच्या निमित्ताने प्रा.भास्कर ईश्वर गटकुळ यांच्या निवासस्थानी माजी आमदार श्री.दत्तात्रय अच्युतराव सावंत, पुणे विभाग शिक्षक मतदारसंघाचे माजी आमदार यांनी सदिच्छा भेट देऊन मकर संक्रांतीच्या शुभेच्छा दिल्या. ग्रामीण भागात शैक्षणिक विकास, नवीन शैक्षणिक धोरण बाबत चर्चासत्र आयोजन, शिक्षकांच्या अडचणी या संदर्भात शासन दरबारी प्रश्न सोडवण्यासाठी नक्की प्रयत्न करू असे आश्वासन मा. दत्तात्रय अच्युतराव सावंत यांनी दिले. जिजाऊ इन्स्टिट्यूटच्या अध्यक्षा प्रा.जयश्री गटकुळ, जिजाऊ ब्रिगेड इंदापूर तालुकाध्यक्ष सौ.कल्पना भोर, पतंजली योगपीठ इंदापूरचे विलास गाढवे, आडेगाव हायस्कूलचे मुख्याध्यापक बंडू जाधव आदी मान्यवर उपस्थित होते.

*सलग तीन दिवसीय मल्हार महोत्सवाचे भव्य असे आयोजन नियोजन* जय भवानीगड विकास प्रतिष्ठान संचलित, विद्यानिकेतन स्कूल अँड ज्युनिअर कॉलेज,प्रेसिडेन्सी इंटरनॅशनल स्कूल व विद्यानिकेतन कॉलेज ऑफ फार्मसी यांच्या संयुक्त विद्यमाने दिनांक 09/जानेवारी,2025,10/जानेवारी2025,11 जानेवारी2025 अशा सलग तीन दिवसीय मल्हार महोत्सव कार्यक्रमाचे आयोजन, नियोजन करण्यात आले.  विद्यार्थ्यांच्या अंगी असणाऱ्या सुप्त गुणांना वाव मिळावा,पुस्तकी ज्ञानाबरोबर सुसंस्कार ही मिळायला हवेत म्हणून प्रशालेमध्ये श्रीकृष्ण थीम मल्हार महोत्सवाचे आयोजन करण्यात आले. मान्यवरांच्या हस्ते नटराज मूर्तीचे पूजन व श्रीकृष्ण मूर्तीचे पूजन तिन्ही दिवस करण्यात आले. स्नेहसंमेलन म्हणजेच मुलांना घडवण्याची संधी आहे.स्नेहसंमेलन हा कार्यक्रम केवळ मनोरंजन म्हणून नाही तर एक संस्कार करण्याची संधी आहे म्हणूनच प्रशालेमध्ये अशा संस्कार महोत्सवाचेच आयोजन करण्यात आले. भारतात संस्कृती विकासाच्या सर्व अडथळ्यावर मात करत वेगवेगळ्या जाती-जमातींना एकत्र आणण्याचे काम नृत्य आणि संगीताने केले आहे. नृत्य हे फक्त कलावंतासाठीच नसते प्रत्येक व्यक्ती हा जन...

         राज्यात क्रीडा संस्कृतीचे संवर्धन, प्रचार, प्रसार व जोपासना करणेसाठी पोषक वातावरण निर्माण करणेसाठी क्रीडा धोरण जाहीर करणारे महाराष्ट्र हे देशातील पहीले राज्य आहे. त्यानुषंगाने जिल्हास्तरावर अधिकारी / कर्मचारी यांच्याकरिता क्रीडा स्पर्धा व सांस्कृतिक कार्यक्रम आयोजित केल्यामुळे अधिकारी व कर्मचाऱ्यांची शारीरिक तंदुरुस्ती व कार्यक्षमता वाढीस हातभार लागेल. नगरपरिषदा व नगरपंचायती मध्ये विविध खेळ प्रकारात वेगवेगळ्या स्तरावर प्राविण्यप्राप्त खेळाडू असल्याने क्रीडा स्पर्धा घेतल्यामुळे अधिकारी व कर्मचारी यांमध्ये उत्साह येईल व त्याचा उपयोग कार्यक्षमता वाढीकरिता होईल, जेणेकरून अधिकारी व कर्मचारी यांचा कामाचा व मानसिक ताण कमी होण्यास मदत होईल या उद्देशाने पहिल्यांदाच नगरविकास विभाग,नगरपरिषद प्रशासन संचालनालय,पुणे जिल्हास्तरीय क्रीडा स्पर्धा व सांस्कृतिक कार्यक्रम 2024-25 चे आयोजन श्री.व्यंकटेश दुर्वास,जिल्हा सह आयुक्त जिल्हाधिकारी कार्यालय पुणे यांच्या मार्गदर्शनाखाली 9 जानेवारी ते 11 जानेवारी 2025 या कालावधीत बारामती शहरात करण्यात आले होते.   ...

  इंदापूर  स्वराज्य प्रेरिका राजमाता जिजाऊ आणि स्वामी विवेकानंद जयंती निमित्त इंदापूर महाविद्यालयात आयोजित केलेल्या कार्यक्रमामध्ये बोलताना राष्ट्रीय सहकारी साखर कारखाना महासंघाचे अध्यक्ष व माजी मंत्री हर्षवर्धन पाटील म्हणाले की ,' राजमाता जिजाऊ यांना आपल्या ७२ वर्षाच्या आयुष्यामध्ये खूप संकटाचा सामना करावा लागला परंतु अनेक आघात होऊनही राजमाता जिजाऊ यांनी राष्ट्रभक्तीचे संस्कार घडविले.' सरदार कान्होजी जेधे यांचे 14 वे वंशज युवराज यशवंत जेधे यावेळी प्रमुख पाहुणे म्हणून उपस्थित होते. कामधेनु परिवाराचे संस्थापक अध्यक्ष समाजभूषण डॉ. लक्ष्मण आसबे यांनी राजमाता जिजाऊ आणि छत्रपती शिवरायांचा गौरवशाली इतिहास सांगितला.      सुरुवातीला सरदार कान्होजी जेधे यांच्या शिवकालीन तलवारीची शोभायात्रा काढण्यात आली. कार्यक्रमाची सुरुवात राजमाता जिजाऊ आणि स्वामी विवेकानंद यांच्या पुतळ्यांचे मान्यवरांनी पूजन करून झाली.      अमर शहीद जवान ज्ञानदेव लक्ष्मण पवार रा. पवारवाडी ता. इंदापूर यांच्या वीरपत्नी सौ. सावित्रीबाई ज्ञानदेव पवार यांना मान्यवरांच्या हस्ते जि...

क्रीडा क्षेत्रात यशस्वी विद्यार्थ्यांचा सन्मान क्रीडा मंत्री दत्तात्रय भरणे यांच्या हस्ते संपन्न. स्पर्धा परीक्षेतून मिळणाऱ्या यशाएवढेच क्रीडा क्षेत्रातील विद्यार्थ्यांनाही यश मिळत आहे.त्यामुळे युवा पिढीने खेळाकडे गांभीर्याने पाहण्याची गरज असल्याचे मत राज्याचे क्रीडामंत्री दत्तात्रय भरणे यांनी व्यक्त केले.           भरणेवाडी ता.इंदापूर येथे मंत्री भरणे यांच्या निवासस्थानी शनिवार दि.११ रोजी राष्ट्रीय पातळीवरील शालेय कुराश (कराटे) स्पर्धेतील सुवर्ण पदक विजेते खेळाडू व इतर यशस्वी विद्यार्थ्यांचा सत्कार समारंभ आयोजित करण्यात आला होता.यावेळी खेळाडूंशी बोलताना क्रीडामंत्री भरणे म्हणाले, सध्याची युवा पिढी खेळामध्ये करिअर शोधत असून येणाऱ्या काळात क्रीडा क्षेत्रात नावीन्यपूर्ण उपक्रम राबवून आपण खेळाडूंना प्रोत्साहन देण्याचा प्रयत्न करणार आहे.येणाऱ्या काळात आपण राज्यातील ग्रामीण भागामध्ये क्रीडांगणे उभारण्यासह विविध स्पर्धा घेणार आहोत.खेळाडूंना क्रीडा क्षेत्रातून जास्तीत जास्त लाभ देण्याचा प्रयत्न करणार असल्याचे सांगितले. यावेळी शालेय राष्ट्रीय कूराश स्पर्धेत ...

इंदापूर चेतना फाउंडेशनचे,चेतना कॉलेज ऑफ फार्मसी, सरडेवाडी, इंदापूर* यांनी सामंजस्य करारावर स्वाक्षरी करून एक महत्त्वपूर्ण पाऊल पुढे टाकले आहे.  (MOU) *SAGLO Research Equipments Pvt. सह. लि. प्लॉट नंबर ४१ सर्व्हे नंबर १०४ कुपवाड एमआयडीसी, मिरज ४१६४१०* या उद्योग सहकार्याचा उद्देश संस्थात्मक विद्यार्थी आणि प्राध्यापकांसाठी उद्योग संस्था परस्परसंवाद, इंटर्नशिप, संशोधन आणि व्यावसायिक विकास उपक्रमांना बळकट करणे आहे. या सामंजस्य कराराच्या वेळी सॅग्लो रिसर्च चे डायरेक्टर सायंटिस्ट सचिन लोकापुरे आणि चेतना कॉलेज ऑफ फार्मसी चे प्राचार्य डॉ. सुजित देसाई हे उपस्थित होते. या उपक्रमासाठी चेतना फाउंडेशन चे अध्यक्ष श्री उदय काका देशपांडे सचिव श्री विलास भोसले, खजिनदार सोमनाथ माने यांचे विशेष सहकार्य लाभले.

इंदापूर, ११ जानेवारी २०२५ - "वाचन संकल्प महाराष्ट्र" उपक्रमाचा एक भाग म्हणून, इंदापूर येथील विद्या प्रतिष्ठान पॉलिटेक्निक कॉलेजने वाचन संस्कृतीला चालना देण्यासाठी ग्रंथ प्रदर्शनाचे आयोजन केले होते. ११ जानेवारी २०२५ रोजी ग्रंथालयाच्या वाचन कक्षात आयोजित केलेले हे प्रदर्शन, विद्यार्थी आणि प्राध्यापकांमध्ये वाचनाला प्रोत्साहन देण्यासाठी पुणे येथील तंत्रशिक्षण विभागीय कार्यालयाच्या नेतृत्वाखालील राज्यव्यापी प्रयत्नांचा एक भाग होते.  या कार्यक्रमाचे उद्घाटन महाविद्यालयाचे प्राचार्य डॉ. सुजय देशपांडे यांनी केले, ज्यांनी ज्ञानाचा विस्तार आणि बौद्धिक विकासात पुस्तकांची महत्त्वपूर्ण भूमिका यावर भर दिला. त्यांनी उपस्थितांना पाठ्यपुस्तकांपासून कादंबऱ्या, चरित्र आणि कवितांपर्यंत उपलब्ध असलेल्या विविध पुस्तकांचा शोध घेण्यास प्रोत्साहित केले. डॉ. सुजय देशपांडे यांनी वाचकांना वेगवेगळ्या जगात घेऊन जाण्याची आणि मानवी अनुभवांची त्यांची समज कशी वाढवते यावर प्रकाश टाकला. ऑटोमोबाईल्स विभागाचे प्रमुख आणि कार्यक्रम समन्वयक प्राध्यापक सुनील शिंदे यांनी कार्यक्रमाची ओळख करून ...

इंदापूर, डॉ. संदेश शहा. इंदापूर तालुक्यातील रामवाडी - वडापुरी येथील तात्यासाहेब फडतरे यांनी तेरा वर्षापूर्वी ४६ हजार रुपयांच्या पगाराची नोकरी सोडून काहीतरी वेगळे करायचे म्हणून भरड धान्य उत्पादन व प्रकिया उद्योग सुरु केला. त्यावेळी त्यांची अनेकांनी चेष्टा केली, त्यांना अव्यवहारी म्हटले मात्र आता लोकल टू ग्लोबल अंतर्गत ' गुड टू इट ' या ब्रँड व्दारे त्यांच्या ज्वारी व इतर ४५ हून जास्त उत्पादनाने जागतिक बाजारपेठेत घेतलेली गरुड भरारी पाहून अनेक जण त्यांच्या मेहनतीस उस्फुर्त दाद देत आहेत, त्यांचा आदर्श घेत आहेत. त्यांना नावे ठेवणारे आता त्यांचे गोडवे गात आहेत ! ज्वारी हे महाराष्ट्रातील रब्बी हंगामातील प्रमुख पीक असून राज्याच्या प्रत्येक कानाकोपऱ्यात ज्वारीचे पीक घेतले जाते. मात्र आपल्या आहारात पौष्टिक, आरोग्यदायी ज्वारीच्या भाकरीचे प्रमाण कमी झाले आहे. आपला देश मधुमेह या आजाराची राजधानी झाली आहे तर कॅन्सर ची राजधानी होवू पहात आहे. लकवा , थायरॉईड, शुक्रधातू कमतरता, मुल बाळ न होणे यासारख्या विविध समस्या वाढत असून दिवसेंदिवस आपली रोगप्र...

 इंदापूर  शिवभक्त परिवार इंदापूर आणि इंदापूर तालुका शिक्षण प्रसारक मंडळ इंदापूर आयोजित रविवार दिनांक 12 जानेवारी रोजी सकाळी 8 वाजता इंदापूर महाविद्यालयाच्या प्रांगणात सरदार कान्होजी जेधे यांचे 14 वे वंशज युवराज यशवंतराव जेधे व राष्ट्रीय सहकारी साखर कारखान्याचे अध्यक्ष व माजी मंत्री हर्षवर्धन पाटील यांच्या उपस्थितीत जिजाऊ जन्मोत्सवाचे आयोजन करण्यात आले आहे.     या कार्यक्रमामध्ये अमर शहीद जवान ज्ञानदेव लक्ष्मण पवार , पवारवाडी यांच्या वीरपत्नी सौ. सावित्रीबाई ज्ञानदेव पवार यांना यावर्षीचा जिजाऊ पुरस्कार देऊन सन्मानित करण्यात येणार आहे तसेच कामधेनू सेवा परिवारचे संस्थापक अध्यक्ष समाजभूषण शिवव्याख्याते डॉ. लक्ष्मणराव आसबे यांचे शिवव्याख्यान आयोजित करण्यात आले आहे.     यावेळी सर्व आजी-माजी सैनिक , एस. पी.आर .एफ ., सी. आर. पी. एफ. यांच्या माता किंवा पत्नी यांचे जिजाऊ पूजन शिवभक्त परिवार इंदापूर यांच्यावतीने करण्यात येणार आहे.     यावेळी शिवप्रताप मर्दानी आखाडा पंधारवडी ता. इंदापूर यांचे मर्दानी शिवकालीन युद्ध कला प्रात्यक्षिकाचे सादरी...

इंदापूर :                    शहाजीनगर येथील निरा भिमा सहकारी साखर कारखान्याने चालु सन 2024-25 च्या उस गळीत हंगामासाठी ऊस बिलाचा हप्ता प्रति टन रु. 2800 प्रमाणे जाहीर केला असून, शेतकऱ्यांच्या बँक खात्यामध्ये शुक्रवारी (दि.10) वर्ग केला जाईल, अशी माहिती कारखान्याचे अध्यक्ष लालासाहेब पवार यांनी गुरुवारी (दि.9) दिली.         कारखान्याचे संस्थापक व माजी मंत्री हर्षवर्धन पाटील यांचे मार्गदर्शनाखाली कारखान्याने चालु गळीत हंगामामध्ये आज अखेर 1.5 लाख मे. टन ऊस गाळप पुर्ण केले आहे. या गळीत हंगामामध्ये दि.15 डिसेंबर अखेर गाळप झालेल्या ऊस बिलाची रक्कम उद्या शुक्रवारी उस उत्पादक शेतकऱ्यांच्या बँक खात्यात जमा केली जाईल, अशी माहितीही लालासाहेब पवार यांनी दिली.            निरा भिमा कारखान्याकडून चालु हंगामामध्ये गाळप होणाऱ्या उसाची बिले नियमितपणे शेतकऱ्यांना अदा केली जाणार आहेत. तरी शेतकऱ्यांनी कारखान्यास गळीतास जास्तीत जास्त ऊस देऊन सहकार्य करावे, असे आवाहनही यावेळी अध्यक्ष लालासाहेब पवार ...

पुणे, : उप प्रादेशिक कार्यालयामार्फत आयोजित 'बारामती रस्ता सुरक्षा अभियान-२०२५' अंतर्गत बारामती, इंदापूर आणि दौंड तालुक्यात रस्ते सुरक्षाबाबत जनजागृती कार्यक्रम आयोजित करण्यात आले, अशी माहिती उप प्रादेशिक परिवहन अधिकारी सुरेंद्र निकम यांनी दिली. इंदापूर बसस्थानक येथे प्रवाशी, बसचालकांना रस्ता सुरक्षा नियम तसेच बसमधून प्रवास करतांना घ्यावयाची काळजीबाबत मार्गदर्शन करण्यात आले. बसस्थानका बाहेर रहदारीस अडथळा निर्माण करणाऱ्या वाहनावर कारवाई करण्यात आली.दौंड येथे अनुज्ञप्ती चाचणीसाठी आलेल्या उमेदवारांमध्ये रस्ता सुरक्षानियमाविषयक जनजागृती करण्यात आली. उपप्रादेशिक परिवहन कार्यालय बारामती व इंदापूर पोलिस स्टेशन यांच्या संयुक्त विद्यमाने विद्या प्रतिष्ठान पॉलिटेक्निक कॉलेज इंदापूर येथे विद्यार्थ्याना रस्ता सुरक्षा अभियनांतर्गत वाहतुकीचे नियम तसेच अपघाताची प्रमुख कारणे आणि सुरक्षात्मक उपाययोजनांबाबत प्रबोधन करण्यात आले. अनेकांत इंग्लिश मिडीयम स्कूलयेथे 'रस्ता सुरक्षा काळाची गरज' या विषयी मार्गदर्शन करून रस्ता सुरक्षा प्रतिज्ञा घेण्यात आली. डॉ.हर्षल राठी डोळ्यांचा दवा...

मुंबई, दि.8:-राज्यातील अल्पसंख्याक समाजाचा  सामाजिक, शैक्षणिक, आर्थिक विकास करण्यासाठी शासनाकडून विविध योजना राबविल्या जातात. या योजनांची प्रभावी अमंलबजावणी करावी, नाविन्यपूर्ण योजनांच्या माध्यमातून लोकाभिमुख उपक्रम राबवावेत अशा सूचना अल्पसंख्याक विकास मंत्री दत्तात्रय भरणे यांनी संबधीत अधिकाऱ्यांना दिल्या. अल्पसंख्याक समाजाच्या सर्वांगीण प्रगतीसाठी निधी कमी पडू देणार नाही असेही त्यांनी स्पष्ट केले. आज मंत्रालयात मंत्री श्री. भरणे यांनी अल्पसंख्याक विकास विभागाचा आढावा घेतला. यावेळी सचिव रुचेश जयवंशी, सहसचिव मोईन ताशिलदार, वरिष्ठ अधिकारी उपस्थित होते. मंत्री श्री. भरणे म्हणाले, अल्पसंख्याक समाजाला मुख्य प्रवाहत आणण्यासाठी प्रयत्न करणार असून त्यांच्या सर्वांगिण प्रगतीसाठी कटिबद्ध आहे. अल्पसंख्याक विद्यार्थ्यांकरिता शिष्यवृत्ती योजना, मौलाना आझाद अल्पसंख्याक आर्थिक विकास महामंडळाचा निधी वाढविण्यासाठी पाठपुरावा करणे, स्वयंसहायता बचतगट योजना महत्वपूर्ण आहेत. या विभागाच्या योजना समाजातील शेवटच्या घटकापर्यंत पोहोचवा, अशी सूचनाही त्यांनी अधिकाऱ्यांना केली. 000000