SHIVSRUSTHI NEWS मराठी

१२ ऑगस्टला सोलापूर सिंचन भवनावर धडक मोर्चाचा इशारा उजनी धरणावर उभारण्यात येणारा प्रस्तावित तरंगता सौरऊर्जा प्रकल्प आणि मत्स्य व्यवसायाचे खासगीकरण करण्याचे शासकीय धोरण मच्छिमारांच्या मुळावर उठले आहे. हे दोन्ही निर्णय तातडीने मागे घेण्यात यावेत, या प्रमुख मागणीसाठी ‘महाराष्ट्र राज्य मच्छिमार संघर्ष कृती समिती’च्या वतीने कृषीमंत्री दत्तात्रय भरणे यांना भरणेवाडी येथे एक विशेष निवेदन सुपूर्द करण्यात आले. प्रशासनाने यावर लवकरात लवकर सकारात्मक पाऊल न उचलल्यास येत्या १२ ऑगस्ट रोजी सोलापूर येथील सिंचन भवनावर भव्य जनआंदोलन उभारण्याचा थेट इशारा संघटनेच्या वतीने देण्यात आला आहे.           उजनी धरण हे संपूर्ण महाराष्ट्रात गोड्या पाण्यातील मासेमारीचे एक प्रमुख केंद्र मानले जाते. या धरणाच्या पाण्यावर आणि मत्स्य व्यवसायावर हजारो स्थानिक मच्छिमार, व्यावसायिक व छोटे व्यापारी यांच्या चुली पेटतात. जलसंपदा विभागाने या धरणातील तब्बल १० हजार हेक्टर क्षेत्रावर १,००० मेगावॅट क्षमतेचा ‘फ्लोटिंग सोलर प्रोजेक्ट’ (तरंगता सौर प्रकल्प) उभारण्याचे नियोजन केले आहे. सुमारे १४,५७६ कोट...

इंदापूर  आयुर्वेदाचार्य तथा आधुनिक धन्वंतरी आचार्य बाळकृष्णजी महाराज यांच्या जन्मदिवसानिमित्त इंदापूर पतंजली योग समितीच्या वतीने जडी-बुटी दिन उत्साहात साजरा करण्यात आला. इंदापूर नगरपालिकेजवळील प्राथमिक शाळा क्रमांक १ व २ येथील योगवर्गात या कार्यक्रमाचे आयोजन करण्यात आले होते. यावेळी इंदापूरचे आयुर्वेदाचार्य मल्हारी घाडगे व रविंद्र परबत यांनी विविध औषधी वनस्पतींची प्रत्यक्ष माहिती देत त्यांच्या आरोग्यदायी गुणधर्मांविषयी मार्गदर्शन केले. गुळवेल, कोरफड, तुळस, विदारा, पारिजातक, तेजपत्र, कडुनिंब, पानफुटी, पुनर्नवा, शिसम, रुई, पिंपळ, कढीपत्ता आदी औषधी वनस्पतींचे विविध आजारांमध्ये होणारे उपयोग, त्यांचा योग्य वापर व सेवन करण्याच्या पद्धती याबाबत उपस्थितांना उपयुक्त माहिती देण्यात आली. कार्यक्रमाच्या शेवटी उपस्थितांना गुळवेल व कोरफडीच्या रोपांचे वाटप करण्यात आले. कार्यक्रम यशस्वी करण्यासाठी प्रशांत गिड्डे, अशोक अनपट, काशिनाथ पारेकर, भालचंद्र भोसले, शरद झोळ, रामेश्वर साठे, बिभीषण खबाले व हमीद आतार यांनी परिश्रम घेतले.

इंदापूर: खासदार संजय राऊत यांच्या विधाना विरोधात भारतीय जनता पार्टी युवा मोर्चा इंदापूर तालुक्याच्या वतीने इंदापूर तहसील कार्यालयासमोर तीव्र आक्रमक आंदोलन करण्यात आले. या आंदोलनादरम्यान संजय राऊत यांच्या प्रतिकात्मक पुतळ्याचे दहन करण्यात आले असून, त्यांच्यावर तात्काळ कायदेशीर कारवाई करण्यात यावी, अशी मागणी करणारे निवेदन इंदापूर तालुक्याचे तहसीलदार जीवन बनसोडे यांना देण्यात आले. प्रमुख उपस्थिती या आंदोलनात भाजप युवा मोर्चाचे अनेक पदाधिकारी व कार्यकर्ते मोठ्या संख्येने सहभागी झाले होते. यामध्ये प्रामुख्याने:  * मयूर शिंदे (सरचिटणीस, युवा मोर्चा, पुणे जिल्हा)  * सुयोगजी सावंत (सचिव, युवा मोर्चा, पुणे जिल्हा)  * लखन (भैय्या) जगताप (अध्यक्ष, इंदापूर शहर युवा मोर्चा)  * सुरज बनसुडे (सरचिटणीस)  * शुभम (भैय्या) कांबळे (सरचिटणीस)  * दिग्विजय सोनवणे, अथर्व कांबळे, अजय सोनवणे, रोहित पवार, अक्षय खराटे, राज राऊत, योगेश कुटे (उपाध्यक्ष)  * राजेश अवचार, सागर पवार, मंगेश माने, गणेश बागल, सुहास घोगरे, अनिल भोंगळे, नितीन दादा आरडे, रमेशजी पाटील यांच्यासह इंद...

*इंदापूर:* शैक्षणिक आणि स्पर्धा परीक्षांच्या तयारीचे माहेरघर म्हणून ओळखल्या जाणाऱ्या इंदापूर शहरात, विद्यार्थी जीवनाच्या आडोशाने सुरू असलेल्या काही संशयास्पद आणि अनैतिक प्रकारांमुळे संपूर्ण शहरात खळबळ उडाली आहे. शहरात भाड्याने दिलेल्या खोल्यांचा काही समाजकंटकांकडून गैरवापर होत असल्याच्या तक्रारी आता गंभीर स्वरूप धारण करू लागल्या आहेत. शिक्षणासाठी आलेल्या विद्यार्थ्यांच्या नावाखाली चालणारे हे गैरप्रकार शहराच्या संस्कृतीला आणि प्रतिमेला कााळीमा फासणारे आहेत. सुरक्षेचा प्रश्न आणि घरमालकांची अनास्था मिळालेल्या माहितीनुसार, काही ठिकाणी भाड्याच्या रूम्सवर अनोळखी व्यक्ती आणि महिलांची वर्दळ वाढली असून, पैशांच्या मोबदल्यात या खोल्यांचा वापर अनैतिक गतिविधियोंसाठी होत असल्याची कुजबूज सुरू आहे. व्यावसायिक लाभापोटी अनेक घरमालक एकाच छोट्या खोलीत क्षमतेपेक्षा जास्त विद्यार्थ्यांना कोंबून ठेवत आहेत आणि प्रत्येकाकडून भरभक्कम भाडे उकळत आहेत. सर्वात चिंतेची बाब म्हणजे, बहुतांश ठिकाणी भाडेकरूंच्या तोंडी माहितीवर विश्वास ठेवून त्यांना जागा दिल्या जातात. भाडेकरूंचा कायमस्वरूपी पत्ता, छायाचित्र,...

कृषीमंत्री दत्तात्रय भरणे यांच्या हस्ते उद्घाटन; विविध आजारांच्या ५,३२५ हून अधिक तपासण्या - नगराध्यक्ष भरतभाऊ शहा  इंदापूर | प्रतिनिधी उपमुख्यमंत्री तथा राष्ट्रवादी काँग्रेसचे नेते मा. अजितदादा पवार यांच्या जयंतीनिमित्त राष्ट्रवादी काँग्रेस पक्ष व नारायणदास रामदास ट्रस्ट यांच्या संयुक्त विद्यमाने इंदापूर येथे भव्य मोफत आरोग्य तपासणी शिबिराचे आयोजन करण्यात आले. या शिबिराचे उद्घाटन महाराष्ट्र राज्याचे कृषीमंत्री मा. दत्तात्रय (दत्तामामा) भरणे यांच्या हस्ते उत्साहपूर्ण वातावरणात संपन्न झाले. यावेळी जिजामाता शिक्षण प्रसारक मंडळाचे अध्यक्ष मा. अप्पासाहेब जगदाळे, इंदापूर नगरपरिषदेचे नगराध्यक्ष मा. भरतशेठ शहा, डॉ. विद्युत शहा, शकीलभाई सय्यद, अक्षय सूर्यवंशी यांची समयोचित भाषणे झाली. कार्यक्रमास वृक्षप्रेमी मुकुंदशेठ शहा, माजी नगराध्यक्षा सौ. अंकिताताई शहा, वैशालीताई शहा, डॉ. संजय शहा, डॉ. रोहन हेगडे, डॉ. श्रेणिक शहा, डॉ. सुहास शेळके यांच्यासह अनेक मान्यवर उपस्थित होते. तसेच अंगद शहा, अजिंक्य डहाणे, निखिल महाजन, अमोल माने, मनोज राजगुरू, शेखर पवार, गणेश महाजन, आरशाद सय्यद, ...

इंदापूर | प्रतिनिधी उपमुख्यमंत्री अजितदादा पवार यांच्या जयंतीनिमित्त राष्ट्रवादी काँग्रेस पक्ष व नारायणदास रामदास ट्रस्ट यांच्या संयुक्त विद्यमाने इंदापूर येथे भव्य मोफत आरोग्य तपासणी व आरोग्य शिबिराचे आयोजन करण्यात आले. महाराष्ट्राचे कृषिमंत्री दत्तात्रय (दत्तामामा) भरणे यांच्या हस्ते शिबिराचे उद्घाटन करण्यात आले. ग्रामीण भागातील हजारो नागरिकांनी या शिबिराचा लाभ घेत विविध तज्ज्ञ डॉक्टरांकडून आरोग्य तपासणी, उपचार व मार्गदर्शन घेतले. कार्यक्रमाच्या अध्यक्षस्थानी जिजामाता शिक्षण प्रसारक मंडळाचे अध्यक्ष अप्पासाहेब जगदाळे होते. यावेळी इंदापूर नगरपरिषदेचे नगराध्यक्ष भरतशेठ शहा, डॉ. विद्युत शहा, शकीलभाई सय्यद आणि अक्षय सूर्यवंशी यांनी मनोगत व्यक्त केले. यावेळी बोलताना कृषिमंत्री दत्तात्रय भरणे म्हणाले, "अजितदादा पवार यांनी विकासाबरोबरच सर्वसामान्यांच्या आरोग्यालाही प्राधान्य दिले आहे. त्यांच्या प्रेरणेतून समाजोपयोगी उपक्रम राबविले जात असून ग्रामीण भागातील नागरिकांना तज्ज्ञ डॉक्टरांची सेवा एकाच ठिकाणी उपलब्ध करून देण्याचे हे महत्त्वपूर्ण माध्यम आहे. लोकसेवेच्या...

इंदापूर नगरपरिषदेच्या वतीने विविध सुविधांचे आज लोकार्पण इंदापूर | प्रतिनिधी इंदापूर नगरपरिषदेच्या वतीने रविवार, दि. २६ जुलै २०२६ रोजी सकाळी ११ वाजता शहा सांस्कृतिक भवन, इंदापूर येथे विविध नागरी सुविधा व उपक्रमांच्या लोकार्पणाचा कार्यक्रम आयोजित करण्यात आला आहे. या कार्यक्रमाचे उद्घाटन महाराष्ट्र राज्याचे कृषिमंत्री मा. दत्तात्रय (मामा) भरणे यांच्या शुभहस्ते होणार आहे. या कार्यक्रमात शहराच्या स्वच्छता व आरोग्य व्यवस्थेला बळकटी देणाऱ्या अत्याधुनिक सिव्हर सक्शन-जेटिंग-डीवॉटरिंग मशीनचे लोकार्पण करण्यात येणार आहे. तसेच नागरिकांच्या तक्रारींचे जलद निवारण व्हावे यासाठी ऑनलाइन तक्रार निवारण प्रणाली (ॲप) सुरू करण्यात येणार आहे. याशिवाय नगरपरिषदेच्या आरोग्य विभागातील कर्मचाऱ्यांच्या सुरक्षिततेसाठी पीपीई (PPE) किटचे वाटप करण्यात येणार असून, या उपक्रमामुळे स्वच्छता व आरोग्य सेवा अधिक सक्षम होण्यास मदत होणार आहे. या कार्यक्रमास नगराध्यक्ष भरतशेठ शाह, उपनगराध्यक्ष बाबासाहेब नदके-पवार, मुख्याधिकारी रमेश डोंगे, तसेच सर्व नगरसेवक, अधिकारी, कर्मचारी आणि नागरिकांनी मोठ्या संख्येने उपस्थित राह...

रस्ता दिसावा म्हणून लाईट लावतात की समोरच्याला आंधळं करण्यासाठी.? दापूर शहरात सध्या दुचाकी आणि चारचाकी वाहनांवर बसविण्यात येणाऱ्या अतितीव्र निळ्या, पांढऱ्या आणि पिवळ्या "चायना एलईडी" लाईटमुळे सर्वसामान्य वाहनचालक अक्षरशः त्रस्त झाले आहेत. समोरून येणाऱ्या वाहनांच्या प्रखर प्रकाशामुळे काही क्षण रस्ता दिसेनासा होतो आणि अपघाताला निमंत्रण मिळते, अशी संतप्त प्रतिक्रिया नागरिक व्यक्त करत आहेत. नंबर प्लेटचा फाँट बदलला, आकार बदलला किंवा नियम मोडले म्हणून तत्काळ कारवाई करणाऱ्या संबंधित यंत्रणांना रस्त्यावर दिवसरात्र डोळे दिपवणाऱ्या या प्रखर लाईट दिसत नाहीत का, असा सवाल नागरिक उपस्थित करत आहेत. विशेष म्हणजे, इंदापूरातील काही गॅरेज आणि वाहन अॅक्सेसरी दुकानांमध्ये अशा नियमबाह्य एलईडी लाईटची खुलेआम विक्री व बसविण्याचे काम सुरू असल्याची चर्चा आहे. त्यामुळे संबंधित विभागाने अशा दुकानांवर धाडी टाकून नियमबाह्य बल्ब जप्त करावेत आणि विक्रेते तसेच वाहनधारकांवर कठोर कारवाई करावी, अशी मागणी जोर धरत आहे. "रस्ता दिसावा म्हणून लाईट लावतात की समोरच्याला आंधळं करण्यासाठी?" असा उपरोध...

इंदापूर शहरात शिक्षणासाठी आलेल्या शाळकरी विद्यार्थ्यांची स्थानिक घरमालकांकडून आर्थिक आणि मानसिक पिळवणूक सुरू असल्याचे धक्कादायक वास्तव समोर आले आहे. शहरात एका छोट्याशा खोलीत क्षमतेपेक्षा जास्त म्हणजे तब्बल ५ ते ६ मुलांना डांबून, त्यांच्याकडून अवाजवी आणि चढ्या दराने भाडे वसूल करण्याचा बेकायदेशीर धंदा जोरात सुरू आहे. प्रशासनाच्या डोळ्यांदेखत सुरू असलेल्या या गोरखधंद्यामुळे विद्यार्थ्यांचे आरोग्य आणि भवितव्य धोक्यात आले आहे. इंदापुरातील भयानक वास्तव क्षमता २ लोकांची, राहतात ६ मुले: अत्यंत छोट्या खोल्यांमध्ये ५ ते ६ शाळकरी मुलांना एकत्र राहावे लागत आहे. : खोलीत पाय ठेवायला जागा नसल्याने मुलांना बळजबरीने गादीवर किंवा कोपऱ्यात बसून अभ्यास करावा लागतो. पाणी आणि आरोग्याचा प्रश्न: एकाच स्वच्छतागृहावर ६ मुले अवलंबून असल्याने अस्वच्छता पसरून आजारपण वाढत आहे. मजबुरीचा गैरफायदा: ग्रामीण भागातून इंदापूर शहरात नामांकित शाळा-कॉलेजमध्ये शिकायला आलेल्या मुलांच्या हतबलतेचा घरमालक गैरफायदा घेत आहेत. बेकायदेशीर भाडेवसुलीचा आकडा थक्क करणारा मिळालेल्या माहितीनुसार, घरमालक संपूर्ण रूमचे भा...

धर्मादाय आयुक्तांचे सर्टिफिकेट कार्यालयात टांगले की,  जनतेच्या खिशाला कात्री लावण्याचा अधिकृत परवानाच' मिळाला,  लग्नाळू पोरांच्या बापाची लूट! इंदापूर तालुक्यात सध्या शेती पिकाला काय भाव मिळतोय यापेक्षा, लग्नाळू मुलांचे भाव कसे कडाडलेत यावर गल्लीबोळांत गंभीर चर्चा सुरू असतात. मुलाला शेती असली तरी मुलगी मिळेना आणि नोकरी असली तरी अपेक्षेचा गोफ विणता येईना, अशा विचित्र कात्रीत आजचा बाप सापडला आहे. सर्वसामान्य पालकांची हीच हतबलता हेरून इंदापूर तालुक्यात काही 'धंदेवाईक' टोळ्यांनी वधु-वर सूचक केंद्रांचा जणू पूरच आणला आहे. मुळात समाजोपयोगी कामासाठी धर्मादाय आयुक्तांकडे (Charity Commissioner) संस्था नोंदणी करायची आणि त्याच कायदेशीर कागदाचा ढाल म्हणून वापर करून लाखो रुपयांना जनतेला गंडवायचे, असा एक नवा 'पोटभरू' धंदा तालुक्यात उघडपणे सुरू आहे. हा प्रकार केवळ चिंताजनक नसून, इंदापूरच्या सामाजिक व्यवस्थेला लागलेली वाळवी आहे. ## १. 'नोंदणीकृत' पाटी: लुटमारीचा अधिकृत परवाना? धर्मादाय आयुक्तांचे सर्टिफिकेट कार्यालयाच्या भिंतीवर टांगले की, आपल्याला जनतेच्या खिशाला...

इंदापूर: हिंगणगाव येथील शेतकरी देवकर यांच्या शेतातील विक्रीसाठी तयार असलेल्या डाळिंब पिकाची अज्ञात चोरट्यांनी चोरी केल्याची घटना घडली आहे. सोन्यासारखे जपलेले पीक काही क्षणांत लंपास झाल्याने शेतकऱ्याला मोठा आर्थिक फटका बसला असून परिसरातील डाळिंब उत्पादकांमध्ये चिंतेचे वातावरण निर्माण झाले आहे. शेतकऱ्यांनी दिलेल्या माहितीनुसार, ही चोरी रात्री साधारण साडेदहा ते अकरा वाजण्याच्या दरम्यान झाली. शेतात राखण असतानाही चोरट्यांनी अंधाराचा फायदा घेत धूळफेक करत डाळिंबाचा माल लंपास केला. या घटनेमुळे शेतकऱ्यांच्या सुरक्षेचा प्रश्न पुन्हा ऐरणीवर आला आहे. स्थानिक शेतकऱ्यांचे म्हणणे आहे की, शेतीसाठी आवश्यक असलेला वीजपुरवठा वेळेवर मिळत नसल्याने रात्री शेत परिसरात अंधाराचे वातावरण असते. याच परिस्थितीचा फायदा चोरटे घेत असल्याचा आरोप शेतकऱ्यांकडून केला जात आहे. तसेच डाळिंब पिकासाठी कोणत्याही प्रकारचे प्रभावी विमा संरक्षण उपलब्ध नसल्याने चोरी किंवा नैसर्गिक संकटांचा संपूर्ण आर्थिक भार शेतकऱ्यांवरच पडत आहे. हिंगणगाव परिसरात सुमारे २०० एकरांहून अधिक क्षेत्रावर डाळिंबाची लागवड करण्यात आली असून, सध्य...

अकलूज : आरोग्यदूत तथा माळशिरसचे आमदार मा. रामभाऊ सातपुते यांच्या मार्गदर्शनाखाली जनसेवक किरण बाबा गायकवाड यांनी अकलूज नगरपरिषदेचे मुख्याधिकारी यांना विविध नागरी समस्यांबाबत निवेदन सादर केले. सादर केलेल्या निवेदनात अकलूज शहरात सध्या भीषण पाणीटंचाई निर्माण झाल्याने नागरिकांना मोठ्या अडचणींचा सामना करावा लागत असल्याचे नमूद करण्यात आले आहे. नागरिकांना पिण्याच्या पाण्यासाठी होणारा त्रास कमी करण्यासाठी नगरपरिषद हद्दीतील बंद अवस्थेतील सर्व हातपंप व बोरवेल तातडीने दुरुस्त करून सुरू करण्यात याव्यात, अशी मागणी करण्यात आली आहे. यासोबतच नवीन बसस्थानक परिसरात सुरू असलेल्या रस्त्याच्या रुंदीकरणाच्या कामाचा वेग अत्यंत संथ असल्याने वाहतुकीसह नागरिकांना मोठा त्रास सहन करावा लागत असल्याचेही निवेदनात नमूद करण्यात आले आहे. आगामी पालखी सोहळ्यापूर्वी हे काम पूर्ण करून भाविक व नागरिकांची गैरसोय टाळावी, अशी मागणी जनसेवक किरण बाबा गायकवाड यांनी केली. नागरिकांच्या मूलभूत सुविधांना प्राधान्य देत नगरपरिषद प्रशासनाने या दोन्ही मागण्यांची तातडीने दखल घेऊन आवश्यक कार्यवाही करावी, ...

बारामती, ता. ५ : ग्रामीण भागातील शेती, शेतकऱ्यांचे प्रश्न आणि आधुनिक कृषी तंत्रज्ञान यांची सांगड घालणारा ग्रामीण कृषी कार्यानुभव कार्यक्रम (Rural Agricultural Work Experience - RAWE) पवईमाळ (ता. बारामती) येथे सुरू झाला असून, डॉ. शरदचंद्र पवार कृषी महाविद्यालय, बारामती येथील कृषी पदवीच्या चौथ्या वर्षातील विद्यार्थ्यांचे शुक्रवारी (दि. ३) गावात दाखल झाले. प्रत्यक्ष शेतात राहून कृषी शिक्षणाचा अनुभव घेणे आणि संशोधनातून विकसित झालेले तंत्रज्ञान शेतकऱ्यांपर्यंत पोहोचविणे, हा या कार्यक्रमाचा मुख्य उद्देश आहे. श्री भैरवनाथ मंदिर येथे झालेल्या स्वागत कार्यक्रमात विद्यार्थ्यांनी ग्रामस्थांशी संवाद साधत कार्यक्रमाची माहिती दिली. यावेळी प्रत्येक विद्यार्थ्याने स्वतःचा परिचय करून देत आगामी दोन ते चार महिन्यांच्या कालावधीत गावात राबविण्यात येणाऱ्या कृषीविषयक उपक्रमांची रूपरेषा मांडली. आधुनिक शेती पद्धती, पीक नियोजन, पीक संरक्षण, संतुलित खत व्यवस्थापन, मृदा परीक्षण, सेंद्रिय शेती, जलसंधारण, हवामान बदलाचा शेतीवरील परिणाम, कृषीपूरक व्यवसाय तसेच शासकीय कृषी योजनांविषयी शेतकऱ्यांना मार्गदर्शन...

 इंदापूर:- वाढदिवसाला फटाके, केक, डीजे, डिजिटल फलक (बैनर) आणि हारतुरे यांसारख्या गोष्टींवर विनाकारण खर्च न करता, तोच पैसा विद्यार्थ्यांच्या शिक्षणासाठी वापरण्याचा आदर्श पायंडा प्रविण माने यांनी घालून दिला. या अंतर्गत संपूर्ण तालुक्यात हजारो वह्या-पेनचे वाटप करण्यात आले. तसेच, सरडेवाडी शाळेसाठी भविष्यात कुठल्याही प्रकारची मदत लागेल, ती देण्याची संपूर्ण जबाबदारी माझी राहील,"अशी ग्वाही देखील त्यांनी यावेळी दिली. कार्यक्रमादरम्यान विद्यार्थ्यांशी संवाद साधताना प्रविण भैय्या माने यांनी आपल्या जुन्या आठवणींना उजाळा दिला. ते म्हणाले, *"मी स्वतः जिल्हा परिषद शाळेचा विद्यार्थी आहे. आज अनेक मोठे अधिकारी हे जिल्हा परिषदेच्या शाळांमध्ये शिकूनच उच्च पदांवर कार्यरत आहेत. विद्यार्थ्यांनी गुरुजनांचा नेहमी मान राखला पाहिजे, तरच तुम्ही भविष्यात मोठे अधिकारी आणि एक उत्तम माणूस बनू शकाल. या कौतुकास्पद उपक्रमाच्या वेळी परिसरातील अनेक प्रतिष्ठित नागरिक आणि पदाधिकारी उपस्थित होते: सचिन शिरसट (अध्यक्ष, भाजप युवा मोर्चा), रवींद्र वामन सरडे विजय मामा शिद, लालासाहेब पिंपरे, विशाल (पिनु शेठ)...

महाराष्ट्र:-   सगळेच सारखी नसतात पण अपवादात्मक काही बेगडी प्रेमाचा दिखावा करणारे लोकं सोशल मीडियाच्या आभासी दुनियेत आज 'फादर्स डे'चा महापूर आला असून, एरवी बापाकडे ढुंकूनही न पाहणाऱ्या कृतघ्न मुलांचा पुळका अचानक उफाळून आल्याचे धक्कादायक चित्र समोर आले आहे. २४ तासांनंतर गायब होणाऱ्या व्हाट्सॲप स्टेटसवर बापाला 'माझं आभाळ' ठरवणारे हेच ते 'भामटी पोरं' आहेत, जे प्रत्यक्ष आयुष्यात मात्र बापाच्या हक्काच्या गोळ्यांसाठीही घरात कटकट करत असल्याची वस्तुस्थिती समोर आली आहे,. आज सकाळपासूनच फेसबुक, इंस्टाग्रामवर "बाप माझा विठ्ठल" अशा कॅप्शनसह फोटोंची स्पर्धा लागली आहे. परंतु, याच विठ्ठलाला घरात साधी वागणूक कशी मिळते, याचा ग्राऊंड रिपोर्ट अत्यंत भयानक आहे.   बापाची शुगर वाढली किंवा बी.पी.ची गोळी संपली की "अजून मागच्या आठवड्यात तर आणून दिली होती, एवढ्या लवकर कशी संपली?" असा हिशोब मागणारे सुपुत्र आज सोशल मीडियावर बापावर प्रेमाचा वर्षाव करत आहेत. गोळ्यांच्या पैशांवरून घरात रोज वाद घालणारे हेच 'शहाणे' आज स्टेटसवर बापाचा आदर करण्याचे ढोंग करत ...

इंदापूर: येथील श्री. रनछोडदास कल्याण शहा विद्यालयात आंतरराष्ट्रीय योग दिन आणि वृक्षारोपण कार्यक्रम अत्यंत उत्साहात आणि आनंदी वातावरणात साजरा करण्यात आला. संस्थेचे संस्थापक अध्यक्ष ॲड. गिरीश शहा यांच्या प्ररणेने आणि मार्गदर्शनाखाली या संयुक्त उपक्रमाचे यशस्वी आयोजन करण्यात आले होते. कार्यक्रमाच्या पहिल्या सत्रात उपस्थित विद्यार्थी आणि शिक्षकांना योग शिक्षिका सौ. सायराभाभी हमीद आत्तार, योग शिक्षक श्री. चंद्रकांत देवकर, अशोक अनपट आणि देवराव मते यांनी योगासनांचे सखोल मार्गदर्शन केले. यावेळी सर्वांकडून विविध योगासने, प्राणायाम आणि ध्यानधारणा करून घेण्यात आली. "रोजच्या धावपळीच्या जीवनात योगाचा समावेश केल्यास शारीरिक आणि मानसिक आरोग्य कसे उत्तम राहते," याबद्दल मार्गदर्शकांनी मोलाचा सल्ला दिला. योग साधना झाल्यानंतर शालेय परिसरात पर्यावरण रक्षणाचा संदेश देत भव्य वृक्षारोपण करण्यात आले. संस्थेचे संस्थापक अध्यक्ष ॲड. गिरीश शहा, वृक्ष संजिवनी परिवाराचे सायरा आत्तार, श्री. चंद्रकांत देवकर , श्री. अशोक अनपट आणि श्री. हमीदभाई आत्तार तसेच विद्यार्थ्यांच्या...

 इंदापूर:- सामाजिक बांधिलकी जपत शिक्षण व पर्यावरण संवर्धनाचा संदेश देणारे विविध उपक्रम प्रवीण भैय्या माने मित्रपरिवार, शेटफळगडे यांच्या वतीने आयोजित करण्यात आले. प्रवीण भैय्या माने यांच्या वाढदिवसानिमित्त गुरुवारी रात्री आयोजित कार्यक्रमात वृक्षारोपण करून पर्यावरण संवर्धनाचा संदेश देण्यात आला. तसेच विद्यार्थ्यांच्या शैक्षणिक प्रगतीसाठी शालेय साहित्य वाटपाचा उपक्रमही राबविण्यात आला. या उपक्रमांतर्गत सोनाई परिवाराचे संचालक किशोर भैय्या माने यांच्या हस्ते जिल्हा परिषद प्राथमिक शाळा, वडापुरी तसेच श्रीनाथ विद्यालय, वडापुरी येथे विद्यार्थ्यांना शालेय साहित्याचे वाटप करण्यात आले. वह्या, शैक्षणिक साहित्य व इतर आवश्यक वस्तूंचे वितरण करून विद्यार्थ्यांना शिक्षणासाठी प्रोत्साहन देण्यात आले. याचबरोबर जिल्हा परिषद प्राथमिक शाळा, सुरवड येथेही प्रवीण भैय्या माने मित्रपरिवाराच्या वतीने विद्यार्थ्यांना शालेय साहित्याचे वाटप करण्यात आले. या कार्यक्रमालाही किशोर भैय्या माने यांनी उपस्थित राहून विद्यार्थ्यांना मार्गदर्शन केले व त्यांच्या उज्ज्वल भविष्यासाठी शुभेच्छा दिल्या. शिक...

इंदापूर तालुक्याचे युवा नेते, माजी बांधकाम व आरोग्य सभापती जिल्हा परिषद पुणे तथा सोनाई उद्योग समूहाचे संचालक सन्माननीय श्री. प्रविणभैय्या माने यांच्या वाढदिवसानिमित्त प्रविणभैय्या माने मित्रपरिवाराच्या वतीने विविध सामाजिक, शैक्षणिक आणि पर्यावरणपूरक उपक्रमांचे आयोजन करण्यात आले. समाजोपयोगी कार्याला प्राधान्य देत साजरा करण्यात आलेला हा वाढदिवस नागरिकांसाठी प्रेरणादायी ठरला. यावेळी श्री. प्रविणभैय्या माने यांची शैक्षणिक तुला करण्यात आली. विशेष म्हणजे, वाढदिवसानिमित्त पुष्पगुच्छ, हार-तुरे किंवा इतर भेटवस्तू न आणण्याचे आवाहन त्यांनी यापूर्वीच नागरिकांना केले होते. त्यांच्या या आवाहनाला प्रतिसाद देत इंदापूर तालुक्यातील नागरिक, कार्यकर्ते, मित्रपरिवार व हितचिंतकांनी पुष्पगुच्छाऐवजी वह्या, पुस्तके, पेन, पेन्सिली, दप्तर आणि इतर शालेय उपयोगाच्या वस्तू भेटस्वरूपात आणल्या. या सर्व शालेय साहित्याचे संकलन करून गरजू व होतकरू विद्यार्थ्यांना त्याचे वाटप करण्यात येणार असल्याची माहिती आयोजकांनी दिली. शिक्षण क्षेत्राला प्रोत्साहन देण्याच्या उद्देशाने रयत शिक्षण संस्थेच्या कस्तुराब...

बारामती : - महाराष्ट्र राज्याचे उपमुख्यमंत्री एकनाथ शिंदे यांचे विशेष कार्यकारी अधिकारी आणि उपमुख्यमंत्री वैद्यकीय मदत कक्ष प्रमुख 'आरोग्य दूत' मंगेश चिवटे यांच्या वाढदिवसानिमित्त बारामती तालुक्यातील गोजुबावी येथे समाजोपयोगी उपक्रमाचे आयोजन करण्यात आले. उपमुख्यमंत्री वैद्यकीय मदत कक्ष व शिवसेना वैद्यकीय मदत कक्षाचे बारामती तालुका उपसमन्वयक प्रवीण सोनू माकर यांच्या पुढाकारातून या विशेष कार्यक्रमाची अंमलबजावणी करण्यात आली. शाळेच्या पहिल्या दिवशी गोजुबावी येथील जिल्हा परिषद शाळा आणि अंगणवाडी शाळेतील विद्यार्थ्यांचे स्वागत सरस्वती पूजन करून करण्यात आले. याप्रसंगी विद्यार्थ्यांना खाऊचे वाटप करण्यात आले. याचबरोबर आरोग्य उपकेंद्र गोजुबावीच्या वतीने आयोजित आरोग्य तपासणी शिबिरात डॉ. नयनेश मुंडे यांनी विद्यार्थ्यांची कान, नाक, घसा आणि डोळ्यांची तपासणी केली. गरजूंना आवश्यक औषधोपचार व गोळ्यांचे वाटप यावेळी करण्यात आले. या कार्यक्रमाप्रसंगी उपस्थित मान्यवरांनी मंगेश चिवटे यांना वाढदिवसाच्या शुभेच्छा दिल्या. चिवटे यांच्या कार्यप्रेरणेतून होत असलेल्या या उपक्रमाचे ग्र...

इंदापूर तालुक्यातील शेतकऱ्यांना खडकवासला कालव्याचे पाणी पूर्ण दाबाने व नियमित स्वरूपात मिळावे, यासाठी भारतीय जनता पार्टीचे ज्येष्ठ नेते मा.श्री.प्रदीपदादा गारटकर यांनी राज्याचे जलसंपदा मंत्री मा.ना.श्री.राधाकृष्ण विखे पाटील यांना सविस्तर निवेदन सादर केले. या निवेदनात इंदापूर तालुक्यातील शेती क्षेत्र, पाण्याची वाढती गरज तसेच कालव्याच्या शेवटच्या टप्प्यात पाणी पोहोचताना येणाऱ्या अडचणी याबाबत सविस्तर माहिती देण्यात आली. शेतकऱ्यांच्या हिताचा विचार करून पाणी वितरण व्यवस्था अधिक प्रभावी करण्याची मागणी यावेळी करण्यात आली. या निवेदनाची दखल घेत जलसंपदा मंत्री मा.श्री.रधाकृष्ण विखे पाटील यांनी संबंधित विभागाच्या अधिकाऱ्यांना तात्काळ कार्यवाही करण्याचे आदेश दिले आहेत. खडकवासला कालव्याचे पाणी कोणत्याही अडथळ्याशिवाय व पूर्ण क्षमतेने इंदापूर तालुक्यातील शेवटच्या टप्प्यापर्यंत पोहोचावे, यासाठी तातडीने उपाययोजना करण्याच्या स्पष्ट सूचना देण्यात आल्या आहेत. या निर्णयामुळे इंदापूर तालुक्यातील शेतकऱ्यांना मोठा दिलासा मिळण्याची शक्यता असून, पिकांच्या सिंचनासाठी आवश्यक पाणी वेळेवर उपलब्ध होणार आ...