सौ. अनिताताई नानासाहेब खरात राज्यस्तरीय आदर्श समाज रत्न' पुरस्काराने सन्मानित

पुणे::-

नाव न घेता थेट 'वा-वा' मिळवणाऱ्यांच्या खाक्यात खोडा घालणे काय असते, याचा जिवंत नमुना आज पुण्यात पाहायला मिळाला. प्रसिद्ध सामाजिक कार्यकर्त्या सौ. अनिताताई नानासाहेब खरात यांना राष्ट्रभक्त परिवार आणि प्रहार युथ ऑर्गनायझेशन तर्फे 'राज्यस्तरीय आदर्श समाज रत्न' पुरस्काराने सन्मानित करण्यात आले. एकीकडे पुरस्काराचा गोडवा होता, तर दुसरीकडे अनिताताईंनी आपल्या भाषणातून विघ्नसंतोषी लोकांची काढलेली चव चांगलीच झणझणीत ठरली.

पुण्यातील या शानदार सोहळ्याला राष्ट्रभक्ती महिला संघटनेच्या प्रदेशाध्यक्ष सौ. भारती तुपे, सहाय्यक पोलीस निरीक्षक रतिलाल चौधरी,राष्ट्रभक्त परिवाराचे अध्यक्ष सुनीलजी गोरे, आणि अष्टविनायक मित्र मंडळ ट्रस्टचे अध्यक्ष राजेंद्र पवार यांच्यासह अनेक बड्या असामी हजर होत्या. मान्यवरांच्या हस्ते अनिताताईंना गौरवण्यात आले, तेव्हा टाळ्यांचा कडकडाट झाला.

पुरस्कार स्वीकारल्यानंतर अनिताताईंनी उत्तर द्यायला सुरुवात केली आणि सभागृहात अचानक शांतता पसरली. काम न करता फक्त 'क्रेडिट' लाटणाऱ्या आणि अरेरावी करणाऱ्या हौशा-नवशांची त्यांनी चांगलीच कानउघाडणी केली.

 काही लोकांना स्वतः काम करायचे नसते. पण दुसऱ्याच्या कामाचे श्रेय लाटण्यासाठी अरेरावी करून कुणालातरी पुढे करायचे आणि खरी मेहनत करणाऱ्यांना त्रास द्यायचा, हाच धंदा त्यांनी मांडलाय.,कमी कामात जास्त वा-वा: या विघ्नसंतोषी लोकांना कमीत कमी कष्टात जास्तीत जास्त प्रसिद्धी आणि फुकटची 'वा-वा' पाहिजे असते.

 प्रामाणिकपणे काम करताना नाहक टीका आणि बिनबुडाच्या आरोपांना सामोरे जावे लागते. पण अशा रिकामटेकड्या लोकांकडे लक्ष न देता आपले काम करत राहणे, हाच त्यांना सर्वोत्तम जबाब आहे

शेवटी, विरोधकांना त्यांच्याच भाषेत उत्तर दिल्यानंतर अनिताताईंनी सर्व मान्यवरांचे मनापासून आभार मानले. "या पुरस्काराला शोभेल असेच कार्य इथून पुढेही सुरू राहील. शेतकरी, विद्यार्थी, महिला भगिनी, अनाथ आणि वृद्ध यांच्या मदतीसाठी मी २४ तास तत्पर असेन," अशी ग्वाही त्यांनी दिली.