इंदापूर
शहरात सकल हिंदू समाजाच्या वतीने येत्या १७ एप्रिल २०२६रोजी भव्य 'विराट हिंदू संमेलन' आयोजित करण्यात आले आहे. हिंदू संस्कृतीचे रक्षण, सामाजिक समरसता आणि राष्ट्र सुरक्षेच्या उद्देशाने आयोजित करण्यात आलेले हे संमेलन इंदापूर नगरपरिषद मैदानात सायंकाळी ५ ते रात्री ८ या वेळेत पार पडणार आहे.
या संमेलनासाठी प्रमुख मार्गदर्शक म्हणून मातृशक्तीच्या प्रतिनिधी कु. जागृती आयचीत आणि पुणे विभागाचे सह-संयोजक श्री. सुनील भालेराव उपस्थित राहणार आहेत. तसेच, हिंदुत्ववादी वक्ते आशुतोष झा यांची प्रमुख उपस्थिती या कार्यक्रमाला लाभणार असून, त्यांच्या प्रभावी भाषणातून हिंदुत्वाचा जागर केला जाणार आहे.
आयोजकांनी या संमेलनाचे आयोजन करण्यामागची भूमिका स्पष्ट केली असून, त्यात खालील मुद्द्यांवर भर दिला आहे:
स्वराज्य रक्षण छत्रपती शिवरायांच्या स्वराज्य विचारांची जोपासना करणे.
राष्ट्र सुरक्षा हिंदू संघटित तरच राष्ट्र आणि संविधान सुरक्षित राहू शकते, हा संदेश देणे.सामाजिक एकताजातीपाती विसरून 'हिंदू' म्हणून एकत्र येणे आणि सामाजिक समरसता वाढवणे.
जागृती:कुटुंब प्रबोधन, आत्मबोध, पर्यावरण संरक्षण आणि नागरी कर्तव्यांविषयी समाजात जनजागृती करणे.
या संमेलनासाठी इंदापूर शहर आणि तालुक्यातील सकल हिंदू समाजामध्ये मोठा उत्साह पाहायला मिळत आहे. कार्यक्रमाच्या नियोजनासाठी विविध समित्या स्थापन करण्यात आल्या असून, मोठ्या संख्येने नागरिकांनी या संमेलनास उपस्थित राहावे, असे आवाहन आयोजक - सकल हिंदू समाज, इंदापूर शहर यांच्या वतीने करण्यात आले आहे.
बॅनरवर प्रभु श्रीराम, छत्रपती शिवाजी महाराज, डॉ. बाबासाहेब आंबेडकर यांच्यासह अनेक थोर महापुरुषांच्या प्रतिमा असून, 'सशक्त हिंदू, समर्थ भारत' हा संदेश देण्यात आला आहे. या विराट संमेलनाकडे संपूर्ण जिल्ह्याचे लक्ष लागले आहे,जास्तीत जास्त लोकांनी या कार्यक्रमाचा लाभ घ्या अशी माहीती कार्यवाहक प्रशांत भिसे यांनी शिवसृष्टी न्यूज शी बोलताना दिली,
टिप्पण्या