इंदापूर
शहर विकास प्रतिष्ठान संचलित, श्री. रणछोडदास कल्याणदास शहा विद्यालय येथे वार्षिक स्नेहसंमेलन आणि बक्षीस वितरण समारंभ अत्यंत दिमाखात पार पडला. जल्लोष चिमुकल्यांचा, आविष्कार कलागुणांचा'या संकल्पनेवर आधारित या कार्यक्रमाने उपस्थितांची मने जिंकली.
कार्यक्रमाचे उद्घाटन मा. डॉ. अविनाश पाणबुडे आणि प्राचार्य जीवन सरवदे यांच्या हस्ते दीपप्रज्वलनाने करण्यात आले.
विद्यार्थ्यांनी नृत्य, संगीत आणि नाटिकांच्या माध्यमातून विविध कलागुणांचे सादरीकरण केले. चिमुकल्यांनी आपल्या सादरीकरणातून महत्त्वाचे सामाजिक संदेश दिले. शैक्षणिक वर्ष २०२५-२६ मधील क्रीडा, कला आणि शैक्षणिक क्षेत्रात विशेष प्राविण्य मिळवणाऱ्या गुणवंत विद्यार्थ्यांचा गौरव करण्यात आला. विद्यार्थ्यांना सन्मानचिन्ह व प्रशस्तीपत्रक देऊन गौरविण्यात आले.
या संपूर्ण कार्यक्रमाचे नियोजन इंदापूर शहर विकास प्रतिष्ठानचे संस्थापक अध्यक्ष ॲड. गिरीश शहा यांच्या मार्गदर्शनाखाली करण्यात आले होते.
या सोहळ्याला अनेक मान्यवरांनी उपस्थिती लावून विद्यार्थ्यांचे कौतुक केले:प्राचार्य जीवन सरवदे (अध्यक्ष, आय कॉलेज), ॲड. गिरीश शहा (संस्थापक अध्यक्ष).
प्रा. शिवाजीराव,वीर श्री. पुष्पराज जमदाडे (माजी विस्तार अधिकारी), हमीदभाई आत्तार, सौ. सायराभाभी अत्तार, वृक्षमित्र चंद्रकांत देवकर, श्री. अशोक अनपट,सोमेश सर (अंगणवाडी समन्वयक).
सौ. उमा गिरीश शहा, सौ. अर्पिता आदित्य शहा, श्री. आदित्य गिरीश शहा, ॲड. ओमकार गिरीश शहा, आणि हुसेन इलाही मोमीन (अध्यक्ष, शाळा व्यवस्थापन समिती).
या कार्यक्रमासाठी पालकांनी मोठी गर्दी केली होती. मुख्याध्यापक, शिक्षक वृंद, अंगणवाडी सेविका आणि शाळा व्यवस्थापन समितीच्या सदस्यांच्या सहकार्याने हा कार्यक्रम यशस्वीरीत्या पार पडला. विद्यार्थ्यांच्या कलागुणांच्या या आविष्काराचे सर्व स्तरांतून कौतुक होत आहे.
---
टिप्पण्या