इंदापूरच्या कला, विज्ञान आणि वाणिज्य महाविद्यालयात आज वार्षिक पारितोषिक वितरण समारंभ उत्साहात संपन्न होणार

इंदापूर तालुका शिक्षण प्रसारक मंडळाच्या **कला, विज्ञान आणि वाणिज्य महाविद्यालयात** शैक्षणिक वर्ष २०२५-२६ चा भव्य **वार्षिक पारितोषिक वितरण आणि वार्षिक क्रीडा व गुणवत्ता पारितोषिक वितरण समारंभ** आज, गुरुवार दि. १६ एप्रिल २०२६ रोजी आयोजित करण्यात आला आहे.

हा सोहळा पिंपरी चिंचवड विद्यापीठाचे कुलगुरू मा. डॉ. संतोष सोनवणे** यांच्या शुभहस्ते संपन्न होणार आहे. कार्यक्रमाच्या अध्यक्षस्थानी इंदापूर तालुका शिक्षण प्रसारक मंडळाचे अध्यक्ष **मा. श्री. हर्षवर्धनजी पाटील** राहणार आहेत.

याप्रसंगी मंडळाचे सचिव मा. श्री. अॅड. मनोहर चौधरी आणि विश्वस्त मा. राजवर्धनदादा पाटील यांची प्रमुख उपस्थिती लाभणार आहे.दिनांक: गुरुवार, १६ एप्रिल २०२६ सकाळी ठीक १०:०० वाजता,शाहीर अमर शेख सभागृह, कला, विज्ञान आणि वाणिज्य महाविद्यालय, इंदापूर.

या कार्यक्रमात वर्षाभरात विविध क्रीडा स्पर्धांमध्ये नैपुण्य मिळवलेल्या खेळाडूंचा आणि शैक्षणिक क्षेत्रात विशेष गुणवत्ता प्राप्त केलेल्या विद्यार्थ्यांचा गौरव करण्यात येणार आहे.

या सोहळ्यासाठी महाविद्यालयाचे प्राचार्य डॉ. जीवन सरवदे, उपप्राचार्य प्रा. दत्तात्रय गोळे, क्रीडा शिक्षक प्रा. बापू घोगरे, तसेच विविध शाखाप्रमुख डॉ. सदाशिव उंबरदंउ (वाणिज्य), डॉ. भरत भुजबळ (कला), डॉ. शिवाजी वीर (विज्ञान) यांच्यासह सर्व शिक्षक, शिक्षकेतर कर्मचारी आणि विद्यार्थी परिश्रम घेत आहेत.महाविद्यालयाच्या वतीने या गौरव सोहळ्याला बहुसंख्येने उपस्थित राहण्याचे आवाहन करण्यात आले आहे.

---