इंदापूर
शहरातील दलित वस्ती परिसरात असलेल्या सावता माळी मंदिरासमोर पेव्हर ब्लॉक बसवण्याच्या कामाला सार्वजनिक बांधकाम विभागाने 'तांत्रिक मान्यता' प्रदान केली आहे. या महत्त्वपूर्ण विकासकामासाठी खासदार स्थानिक विकास कार्यक्रमांतर्गत (२०२५-२६) १० लाख रुपयांचा निधी उपलब्ध करून देण्यात आला आहे.
मिळालेल्या माहितीनुसार, सार्वजनिक बांधकाम उपविभाग इंदापूरचे उपअभियंता यांनी या संदर्भातील अधिकृत पत्र (जा.क्र. ३७/२०२६) प्रसिद्ध केले आहे. या कामांतर्गत परिसराचे नूतनीकरण करून नागरिकांना अधिक सोयी-सुविधा उपलब्ध करून दिल्या जाणार आहेत.
अशी होणार कामे:या मंजूर विकासकामामध्ये प्रामुख्याने खालील बाबींचा समावेश आहे:,जागेचे सपाटीकरण करणे.
०.३० मी. जाडीचे सोलिंग करणे.एम-१० प्रकारच्या काँक्रीटचा बेस तयार करणे.६०.० मी.मी. जाडीचे दर्जेदार पेव्हर ब्लॉक बसवणे.कामाच्या ठिकाणी नामफलक लावणे.
या कामाचे सविस्तर अंदाजपत्रक ९,९९,०९४ रुपयांचे असून त्यास नियमानुसार तांत्रिक मंजुरी देण्यात आली आहे. हे काम पूर्ण करताना दर्जावर विशेष लक्ष देण्यात येणार आहे. कामासाठी वापरल्या जाणाऱ्या साहित्याची चाचणी 'VQCC' प्रयोगशाळेतून करणे अनिवार्य करण्यात आले असून, मंजूर रकमेपेक्षा जास्त खर्च होणार नाही याची दक्षता घेण्याचे आदेश संबंधित विभागाला देण्यात आले आहेत.
खासदार निधीतून होणाऱ्या या कामामुळे सावता माळी मंदिर परिसरातील भाविकांची आणि स्थानिक रहिवाशांची गेल्या अनेक दिवसांची मागणी पूर्ण होणार आहे. यामुळे परिसराचा कायापालट होण्यास मदत होईल.
टिप्पण्या