लक्ष्मी वैभव न्युज शिवसृष्टी न्युज

इंदापूर तहसील कार्यालया॒- समोर बाटली फोड आंदोलन, प्रहार जनशक्ती पक्षाच्या व प्रहार अपंग क्रांती संस्था इंदापुर यांच्या पहिल्याच आंदोलनाने प्रशासकीय अधिकार्‍यांचे धाबे दणाणले

इंदापुर: दि 6.रोजी ‌ प्रहार जनशक्ती पक्षाचे संस्थापक अध्यक्ष ना. बच्चुभाऊ कडू

 राज्यमंत्री महाराष्ट्र राज्य,संपर्कप्रमुख मा.अजय महाराज बारस्कर व पुणे जिल्हा संघटक शिवश्री नीरज भाऊ कडू पाटील.

यांच्या मार्गदर्शनाखाली बाटली फोड आंदोलन करण्यात आले इंदापूर तालुक्यात अवैध व्यवसायांना ऊत आलेला असून यावर ज्या प्रशासकीय अधिकाऱ्यांचे नियंत्रण आहे

ते अधिकारी मात्र सोयिस्करपणे डोळे झाकून बसलेले आहेत.या मागचं कारण काय असेल

असा प्रश्न तालुक्यातील सुज्ञ नागरिकांना पडलेला आहे.याबाबत ‌ प्रहार जनशक्ती पक्षाच्या प्रमुख कार्यकर्त्यांनी सदरच्या गोष्टीबाबत तालुक्यात पहाणी केली असता तालुक्यात शेकडो ठिकाणी अवैध धंदे सुरू असुन सदरचा प्रकार चाललेला खरा असल्याचे निदर्शनास आले.

त्यामुळे प्रहार जनशक्ती पक्षाच्या संपूर्ण कार्यकारिणीने तालुका अध्यक्ष संजय राऊत, उपाध्यक्ष शशिकांत सोनटक्के, शहराध्यक्ष अनिल मोहिते यांच्या नेतृत्वाखाली इंदापूर  पोलीस स्टेशनचे पी आय सारंगकर साहेब,तसेच इंदापूरच्या तहसीलदार सोनाली मेटकरी  यांना 26/9/2020रोजी निवेदन देण्यात आले होते.

निवेदनात तालुक्यातील अवैध व्यवसाय पूर्णपणे बंद करण्याची मागणी करण्यात आली होती.

यावर दहा दिवस उलटून गेले तरीही,यावर काहीही कारवाई झालेली दिसुन येत नाही.प्रहार पक्षाच्या ह्या निवेदनाकडे त्यांनी गंभीरतेने लक्ष घातलेले दिसून येत नाही . त्यामुळे दि 6 नोव्हेंबर रोजी इंदापूर तहसील कार्यालया॒- समोर बाटली फोड आंदोलनाचे नियोजन करण्यात आले होते.

आंदोलन चालू असताना

तहसील कार्यालयाकडून पक्षाच्या कार्यकर्त्यांना चर्चा करण्यास बोलावून घेतले व  यावर तातडीने कारवाई करण्याचे लेखी आदेश इंदापूर पोलिस स्टेशनचे पी. आय. सारंगकर यांना देण्यात आला.सदरील आदेशानुसार कारवाई न झाल्यास पुढील काळात प्रहार स्टाइलने‌ आंदोलन करण्याचा इशाराही यावेळी देण्यात आला आहे.असे आमच्या प्रतिनिशी बोलताना प्रतिक्रिया सर्व कार्यकर्त्यांनी व्यक्त केली.

सदरचे आंदोलन यशस्वी करण्यामागे प्रहार जनशक्ती पक्ष इंदापूर तालुका कार्यकारणी, तसेच प्रहार अपंग क्रांती संस्था, पुणे जिल्हा उपाध्यक्ष बाबासाहेब पाडुळे , इंदापूर शहराध्यक्ष दीपक आरडे, कार्यकर्ते अनंतराव गायकवाड ,भोसले, ‌ इत्यादी कार्यकर्त्यांनी व पक्ष प्रहार जनशक्ती पक्ष शेतकरी आघाडी अध्यक्ष अशोक शिंदे व इतर कार्यकर्ते यांनी परिश्रम घेतले. आंदोलनास पाठिंबा देण्यासाठी भटक्या विमुक्त जाती जमाती संघटनेचे सरचिटणीस तानाजी (अण्णा )धोत्रे, रिपब्लिकन क्रांती सेना चे संस्थापक अध्यक्ष ‌ प्राध्यापक बाळासाहेब लोखंडे सर, बसपाचे कार्यकर्ते श्रीपती चव्हाण , दलित पॅंथर माथाडी कामगार संघटना इंदापुर शहराध्यक्ष व नामदार बच्चु भाऊ यांचेवर प्रेम करणारे

सोनू भाऊ ढावरे व इतर कार्यकर्ते उपस्थित होते.