SHIVSRUSTHI NEWS मराठी

 इंदापूर:- सामाजिक बांधिलकी जपत शिक्षण व पर्यावरण संवर्धनाचा संदेश देणारे विविध उपक्रम प्रवीण भैय्या माने मित्रपरिवार, शेटफळगडे यांच्या वतीने आयोजित करण्यात आले. प्रवीण भैय्या माने यांच्या वाढदिवसानिमित्त गुरुवारी रात्री आयोजित कार्यक्रमात वृक्षारोपण करून पर्यावरण संवर्धनाचा संदेश देण्यात आला. तसेच विद्यार्थ्यांच्या शैक्षणिक प्रगतीसाठी शालेय साहित्य वाटपाचा उपक्रमही राबविण्यात आला. या उपक्रमांतर्गत सोनाई परिवाराचे संचालक किशोर भैय्या माने यांच्या हस्ते जिल्हा परिषद प्राथमिक शाळा, वडापुरी तसेच श्रीनाथ विद्यालय, वडापुरी येथे विद्यार्थ्यांना शालेय साहित्याचे वाटप करण्यात आले. वह्या, शैक्षणिक साहित्य व इतर आवश्यक वस्तूंचे वितरण करून विद्यार्थ्यांना शिक्षणासाठी प्रोत्साहन देण्यात आले. याचबरोबर जिल्हा परिषद प्राथमिक शाळा, सुरवड येथेही प्रवीण भैय्या माने मित्रपरिवाराच्या वतीने विद्यार्थ्यांना शालेय साहित्याचे वाटप करण्यात आले. या कार्यक्रमालाही किशोर भैय्या माने यांनी उपस्थित राहून विद्यार्थ्यांना मार्गदर्शन केले व त्यांच्या उज्ज्वल भविष्यासाठी शुभेच्छा दिल्या. शिक...

इंदापूर तालुक्याचे युवा नेते, माजी बांधकाम व आरोग्य सभापती जिल्हा परिषद पुणे तथा सोनाई उद्योग समूहाचे संचालक सन्माननीय श्री. प्रविणभैय्या माने यांच्या वाढदिवसानिमित्त प्रविणभैय्या माने मित्रपरिवाराच्या वतीने विविध सामाजिक, शैक्षणिक आणि पर्यावरणपूरक उपक्रमांचे आयोजन करण्यात आले. समाजोपयोगी कार्याला प्राधान्य देत साजरा करण्यात आलेला हा वाढदिवस नागरिकांसाठी प्रेरणादायी ठरला. यावेळी श्री. प्रविणभैय्या माने यांची शैक्षणिक तुला करण्यात आली. विशेष म्हणजे, वाढदिवसानिमित्त पुष्पगुच्छ, हार-तुरे किंवा इतर भेटवस्तू न आणण्याचे आवाहन त्यांनी यापूर्वीच नागरिकांना केले होते. त्यांच्या या आवाहनाला प्रतिसाद देत इंदापूर तालुक्यातील नागरिक, कार्यकर्ते, मित्रपरिवार व हितचिंतकांनी पुष्पगुच्छाऐवजी वह्या, पुस्तके, पेन, पेन्सिली, दप्तर आणि इतर शालेय उपयोगाच्या वस्तू भेटस्वरूपात आणल्या. या सर्व शालेय साहित्याचे संकलन करून गरजू व होतकरू विद्यार्थ्यांना त्याचे वाटप करण्यात येणार असल्याची माहिती आयोजकांनी दिली. शिक्षण क्षेत्राला प्रोत्साहन देण्याच्या उद्देशाने रयत शिक्षण संस्थेच्या कस्तुराब...

बारामती : - महाराष्ट्र राज्याचे उपमुख्यमंत्री एकनाथ शिंदे यांचे विशेष कार्यकारी अधिकारी आणि उपमुख्यमंत्री वैद्यकीय मदत कक्ष प्रमुख 'आरोग्य दूत' मंगेश चिवटे यांच्या वाढदिवसानिमित्त बारामती तालुक्यातील गोजुबावी येथे समाजोपयोगी उपक्रमाचे आयोजन करण्यात आले. उपमुख्यमंत्री वैद्यकीय मदत कक्ष व शिवसेना वैद्यकीय मदत कक्षाचे बारामती तालुका उपसमन्वयक प्रवीण सोनू माकर यांच्या पुढाकारातून या विशेष कार्यक्रमाची अंमलबजावणी करण्यात आली. शाळेच्या पहिल्या दिवशी गोजुबावी येथील जिल्हा परिषद शाळा आणि अंगणवाडी शाळेतील विद्यार्थ्यांचे स्वागत सरस्वती पूजन करून करण्यात आले. याप्रसंगी विद्यार्थ्यांना खाऊचे वाटप करण्यात आले. याचबरोबर आरोग्य उपकेंद्र गोजुबावीच्या वतीने आयोजित आरोग्य तपासणी शिबिरात डॉ. नयनेश मुंडे यांनी विद्यार्थ्यांची कान, नाक, घसा आणि डोळ्यांची तपासणी केली. गरजूंना आवश्यक औषधोपचार व गोळ्यांचे वाटप यावेळी करण्यात आले. या कार्यक्रमाप्रसंगी उपस्थित मान्यवरांनी मंगेश चिवटे यांना वाढदिवसाच्या शुभेच्छा दिल्या. चिवटे यांच्या कार्यप्रेरणेतून होत असलेल्या या उपक्रमाचे ग्र...

इंदापूर तालुक्यातील शेतकऱ्यांना खडकवासला कालव्याचे पाणी पूर्ण दाबाने व नियमित स्वरूपात मिळावे, यासाठी भारतीय जनता पार्टीचे ज्येष्ठ नेते मा.श्री.प्रदीपदादा गारटकर यांनी राज्याचे जलसंपदा मंत्री मा.ना.श्री.राधाकृष्ण विखे पाटील यांना सविस्तर निवेदन सादर केले. या निवेदनात इंदापूर तालुक्यातील शेती क्षेत्र, पाण्याची वाढती गरज तसेच कालव्याच्या शेवटच्या टप्प्यात पाणी पोहोचताना येणाऱ्या अडचणी याबाबत सविस्तर माहिती देण्यात आली. शेतकऱ्यांच्या हिताचा विचार करून पाणी वितरण व्यवस्था अधिक प्रभावी करण्याची मागणी यावेळी करण्यात आली. या निवेदनाची दखल घेत जलसंपदा मंत्री मा.श्री.रधाकृष्ण विखे पाटील यांनी संबंधित विभागाच्या अधिकाऱ्यांना तात्काळ कार्यवाही करण्याचे आदेश दिले आहेत. खडकवासला कालव्याचे पाणी कोणत्याही अडथळ्याशिवाय व पूर्ण क्षमतेने इंदापूर तालुक्यातील शेवटच्या टप्प्यापर्यंत पोहोचावे, यासाठी तातडीने उपाययोजना करण्याच्या स्पष्ट सूचना देण्यात आल्या आहेत. या निर्णयामुळे इंदापूर तालुक्यातील शेतकऱ्यांना मोठा दिलासा मिळण्याची शक्यता असून, पिकांच्या सिंचनासाठी आवश्यक पाणी वेळेवर उपलब्ध होणार आ...

महावितरण अधिकाऱ्यांना भारतीय जनता पार्टीच्या वतीने निवेदन इंदापूर तालुक्यातील ग्रामीण भागात गेल्या काही दिवसांपासून सुरू असलेल्या वारंवार व दीर्घकाळाच्या भारनियमनामुळे शेतकरी, व्यापारी, विद्यार्थी तसेच सर्वसामान्य नागरिकांचे जनजीवन पूर्णपणे विस्कळीत झाले आहे. या गंभीर प्रश्नाकडे प्रशासनाचे लक्ष वेधण्यासाठी भारतीय जनता पार्टी, इंदापूर तालुक्याच्या वतीने महावितरणच्या अधिकाऱ्यांना निवेदन देऊन सुरू असलेले भारनियमन तात्काळ बंद करण्याची मागणी करण्यात आली. सध्या उन्हाळ्याच्या तीव्रतेमुळे ग्रामीण भागात पाण्याची समस्या दिवसेंदिवस गंभीर बनत आहे. अशा परिस्थितीत शेतीसाठी आवश्यक असलेले सिंचन, विहिरी, बोअरवेल तसेच विविध विद्युत पंपांचा वापर मोठ्या प्रमाणात केला जातो. मात्र सततच्या भारनियमनामुळे शेतकऱ्यांना पिकांना वेळेत पाणी देणे अशक्य होत असून शेतीचे मोठ्या प्रमाणात नुकसान होत आहे. अनेक ठिकाणी उभ्या पिकांचे नुकसान होण्याची भीती निर्माण झाली आहे. ग्रामीण भागातील लघु व मध्यम व्यावसायिकांनाही या भारनियमनाचा मोठा फटका बसत आहे. वीज नसल्यामुळे अनेक उद्योगधंदे व व्यावसायिक आस्थापना...

भाजप नेते प्रदीप गारटकर आणि प्रविण माने यांनी घेतली नुकसानग्रस्त भागाची बांधावर जाऊन पाहणी; तात्काळ सरसकट पंचनामे व मदतीची मागणी इंदापूर (प्रतिनिधी): इंदापूर तालुक्यात काल झालेल्या भीषण अवकाळी वादळी पावसामुळे आणि सोसाट्याच्या वाऱ्यामुळे शेतकऱ्यांच्या पिकांचे मोठ्या प्रमाणावर नुकसान झाले आहे. या अस्मानी संकटामुळे हाता तोंडाशी आलेला घास हिरावला गेल्याने तालुक्यातील शेतकरी पूर्णपणे हवालदिल झाला आहे. प्रामुख्याने केळी, डाळिंब, ऊस तसेच इतर भाजीपाला व फळबागांना या वादळाचा मोठा फटका बसला असून शेतकऱ्यांचे मोठे आर्थिक नुकसान झाले आहे. तालुक्यातील वडापुरी, सुरवड, वकीलवस्ती, शेटफळ हवेली, बावडा, टणू, गणेशवाडी, पिंपरी बु., लाखेवाडी, गिरवी या गावांमध्ये या वादळी पावसाने मुख्यत्वे थैमान घातले. अनेक ठिकाणी केळीच्या बागा जमिनीदोस्त झाल्या असून झाडे उन्मळून पडली आहेत. डाळिंब बागांचेही अतोनात नुकसान झाले असून काढणीस आलेला ऊस वाऱ्यामुळे आडवा झाला आहे. नेत्यांकडून प्रत्यक्ष बांधावर जाऊन पाहणी या भीषण परिस्थितीची पार्श्वभूमी लक्षात घेऊन भाजपचे ज्येष्ठ नेते प्रदीप गारटकर व नेते प्रविण माने यांनी ...

पुणे::- नाव न घेता थेट 'वा-वा' मिळवणाऱ्यांच्या खाक्यात खोडा घालणे काय असते, याचा जिवंत नमुना आज पुण्यात पाहायला मिळाला. प्रसिद्ध सामाजिक कार्यकर्त्या सौ. अनिताताई नानासाहेब खरात यांना राष्ट्रभक्त परिवार आणि प्रहार युथ ऑर्गनायझेशन तर्फे 'राज्यस्तरीय आदर्श समाज रत्न' पुरस्काराने सन्मानित करण्यात आले. एकीकडे पुरस्काराचा गोडवा होता, तर दुसरीकडे अनिताताईंनी आपल्या भाषणातून विघ्नसंतोषी लोकांची काढलेली चव चांगलीच झणझणीत ठरली. पुण्यातील या शानदार सोहळ्याला राष्ट्रभक्ती महिला संघटनेच्या प्रदेशाध्यक्ष सौ. भारती तुपे, सहाय्यक पोलीस निरीक्षक रतिलाल चौधरी,राष्ट्रभक्त परिवाराचे अध्यक्ष सुनीलजी गोरे, आणि अष्टविनायक मित्र मंडळ ट्रस्टचे अध्यक्ष राजेंद्र पवार यांच्यासह अनेक बड्या असामी हजर होत्या. मान्यवरांच्या हस्ते अनिताताईंना गौरवण्यात आले, तेव्हा टाळ्यांचा कडकडाट झाला. पुरस्कार स्वीकारल्यानंतर अनिताताईंनी उत्तर द्यायला सुरुवात केली आणि सभागृहात अचानक शांतता पसरली. काम न करता फक्त 'क्रेडिट' लाटणाऱ्या आणि अरेरावी करणाऱ्या हौशा-नवशांची त्यांनी चांगलीच का...