अजितदादा पवार यांच्या जयंतीनिमित्त इंदापूरात भव्य आरोग्य शिबिर; हजारो नागरिकांनी घेतला मोफत आरोग्यसेवेचा लाभ

इंदापूर | प्रतिनिधी

उपमुख्यमंत्री अजितदादा पवार यांच्या जयंतीनिमित्त राष्ट्रवादी काँग्रेस पक्ष व नारायणदास रामदास ट्रस्ट यांच्या संयुक्त विद्यमाने इंदापूर येथे भव्य मोफत आरोग्य तपासणी व आरोग्य शिबिराचे आयोजन करण्यात आले. महाराष्ट्राचे कृषिमंत्री दत्तात्रय (दत्तामामा) भरणे यांच्या हस्ते शिबिराचे उद्घाटन करण्यात आले. ग्रामीण भागातील हजारो नागरिकांनी या शिबिराचा लाभ घेत विविध तज्ज्ञ डॉक्टरांकडून आरोग्य तपासणी, उपचार व मार्गदर्शन घेतले.
कार्यक्रमाच्या अध्यक्षस्थानी जिजामाता शिक्षण प्रसारक मंडळाचे अध्यक्ष अप्पासाहेब जगदाळे होते. यावेळी इंदापूर नगरपरिषदेचे नगराध्यक्ष भरतशेठ शहा, डॉ. विद्युत शहा, शकीलभाई सय्यद आणि अक्षय सूर्यवंशी यांनी मनोगत व्यक्त केले.

यावेळी बोलताना कृषिमंत्री दत्तात्रय भरणे म्हणाले, "अजितदादा पवार यांनी विकासाबरोबरच सर्वसामान्यांच्या आरोग्यालाही प्राधान्य दिले आहे. त्यांच्या प्रेरणेतून समाजोपयोगी उपक्रम राबविले जात असून ग्रामीण भागातील नागरिकांना तज्ज्ञ डॉक्टरांची सेवा एकाच ठिकाणी उपलब्ध करून देण्याचे हे महत्त्वपूर्ण माध्यम आहे. लोकसेवेच्या भावनेतून आयोजित करण्यात आलेल्या या उपक्रमाचे सर्व आयोजक अभिनंदनास पात्र आहेत."
अप्पासाहेब जगदाळे म्हणाले, "समाजातील प्रत्येक घटक निरोगी असेल तरच सर्वांगीण विकास शक्य आहे. शिक्षण, आरोग्य आणि सामाजिक बांधिलकी या तिन्ही क्षेत्रांना समान महत्त्व देणे आवश्यक असून समाजहिताचे असे उपक्रमच अजितदादा पवार यांना खरी मानवंदना ठरतात."
नगराध्यक्ष भरतशेठ शहा यांनी सांगितले की, "अजितदादा पवार यांच्या जयंतीनिमित्त समाजोपयोगी कार्य करण्याचा संकल्प आम्ही केला आहे. त्यातूनच या भव्य आरोग्य शिबिराचे आयोजन करण्यात आले. भविष्यातही अशाच लोककल्याणकारी वैद्यकीय व सामाजिक उपक्रमांचे आयोजन करण्यात येईल."

कार्यक्रमाला मुकुंदशेठ शहा, माजी नगराध्यक्षा सौ. अंकिताताई शहा, सौ. वैशालीताई भरतशेठ शहा, डॉ. संजय शहा, डॉ. रोहन हेगडे, डॉ. श्रेणिक शहा, डॉ. सुहास शेळके,धरमचंद लोढा,यांच्यासह तालुक्यातील विविध संस्थांचे पदाधिकारी, सामाजिक कार्यकर्ते व मान्यवर उपस्थित होते.
तसेच अंगद शहा, अजिंक्य डहाणे, निखिल महाजन, अमोल माने, मनोज राजगुरू, शेखर पवार, गणेश महाजन, आरशद सय्यद, श्रीनिवास माने, उमेश डावरे, बापू अडसूळ, गौरव ढावरे, गोरख राऊत, ॲड. केकान, जावेद शिकलकर, फिरोज पठाण, सौरभ शिंदे, गणेश पाटील, किशोर बागल, अमोल कारंडे, आदित्य बोराटे, प्रसाद सावंत, मयूर बनसोडे, सागर सूर्यवंशी, शिवाजी मखरे, बाळासाहेब सरवदे, सुभाष खरे, गायकवाड सर, हनुमंत कांबळे ,नितीन आरडे,आणि अशोकराव मखरे यांच्यासह मोठ्या संख्येने नागरिक उपस्थित होते.
शिबिरामध्ये विविध आजारांची तपासणी, तज्ज्ञ डॉक्टरांचे मार्गदर्शन, औषधोपचार तसेच आरोग्यविषयक जनजागृती करण्यात आली. ग्रामीण भागातील नागरिकांनी या उपक्रमाचे स्वागत करत आयोजकांचे कौतुक केले. हजारो नागरिकांना मोफत आरोग्यसेवा उपलब्ध करून देणारे हे शिबिर समाजोपयोगी उपक्रम म्हणून विशेष ठरले.