अपघातातील जखमीचा जीव वाचवून 'दाळज' वाहतूक पोलिसांची माणुसकी; नागरिकांकडून कौतुक

इंदापूर

असिफभाई शेख इंदापूर तालुक्यातील सरडेवाडी टोल नाक्याजवळ, संगम हॉटेलसमोर झालेल्या एका भीषण मोटारसायकल अपघातात, दालज वाहतूक पोलीस विभागाने समयसूचकता आणि तत्परता दाखवत एका जखमी व्यक्तीचा जीव वाचवला आहे. पोलिसांच्या या कामगिरीचे सर्वत्र कौतुक होत आहे.सरडेवाडी टोल नाक्याजवळ मोटारसायकलचा अपघात झाल्याची माहिती मिळताच, दालज वाहतूक पोलीस विभागाचे अधिकारी आणि कर्मचारी काही मिनिटांतच घटनास्थळी दाखल झाले. अपघात स्थळी झालेली गर्दी आणि वाहतूक कोंडी लक्षात घेता, पोलिसांनी सर्वप्रथम वाहतूक सुरळीत केली. त्यानंतर, कोणतीही वेळ न घालवता टोल प्रशासनाच्या रुग्णवाहिकेला तातडीने पाचारण केले आणि जखमी व्यक्तीला उपचारासाठी तातडीने उपजिल्हा रुग्णालयात दाखल केले.अपघातानंतर दाखवलेल्या या तत्परतेबद्दल आणि माणुसकीच्या या कार्याबद्दल खालील पोलीस अधिकारी व कर्मचाऱ्यांचे विशेष कौतुक होत आहे.ए.एस.आय. भानुदास बंडगर,ए.एस.आय. ए.एस आय सतिश हिरवे,सचिन वाघ,ए.एस.आय. देविदास ढोले,हेड कॉन्स्टेबल विठ्ठल गायकवाड,हेड कॉन्स्टेबल शशिकांत खाडे नागरिकांकडून पोलिसांचे अभिनंदन पोलिसांच्या या तत्परतेमुळे जखमी व्यक्तीला वेळेत उपचार मिळाले. या कार्याबद्दल सरडेवाडी ग्रामस्थ, वाहन चालक आणि टोल प्रशासनाने संबंधित पोलीस अधिकारी व कर्मचाऱ्यांचे आभार मानले आहेत. "जर पोलीस अशी तत्परता दाखवत असतील, तर सामान्य नागरिकही त्यांना मदतीसाठी खांद्याला खांदा लावून नक्कीच साथ देतील," अशी भावना या वेळी स्थानिक नागरिकांमध्ये व्यक्त होत होती.