*इंदापूर:
कै. विठ्ठलराव गुंडेकर (काका) बहुद्देशीय सेवा संस्था, इंदापूर यांच्या वतीने आयोजित तीन दिवसीय भव्य कीर्तन महोत्सवाचा कार्यक्रम नुकताच इंदापूर येथे उत्साहात पार पडला. राहुल सिनेप्लेक्स शेजारील गुरुकृपा मंगल कार्यालय येथे सोमवार दि. ३० मार्च ते बुधवार दि. १ एप्रिल २०२६ या कालावधीत या महोत्सवाचे आयोजन करण्यात आले होते.
या महोत्सवाचे मुख्य आकर्षण म्हणजे याचे संपूर्ण चित्रीकरण प्रसिद्ध वाहिनी 'झी टॉकीज'वर प्रसारित होणार आहे. या सोहळ्याचे आयोजन शौर्य प्रतिष्ठान, इंदापूर आणि राहुल गुंडेकर मित्र परिवाराच्या वतीने मा. श्री. राहुल (दादा) गुंडेकर यांनी केले होते.
**महोत्सवातील कीर्तन सेवा:**
या तीन दिवसांत महाराष्ट्रातील नामांकित कीर्तनकारांनी आपली सेवा रुजू केली. यामध्ये ह.भ.प. पल्लवीताई धोंड-मुंढे (येवला-नाशिक), ह.भ.प. नितेश महाराज रायकर (कोल्हापूर), ह.भ.प. कुमार महाराज शिंदे (इंदापूर), ह.भ.प. नवनाथ महाराज माने (इंदापूर), ह.भ.प. सागर महाराज बोराटे (नातेपुते) आणि ह.भ.प. रवी महाराज पिंपळगावकर (संगमनेर) यांचा समावेश होता.
या महोत्सवासाठी 'श्री राम वारकरी शिक्षण संस्था अकलूज' यांच्या टाळकरी संचाने साथ दिली. भक्तीमय वातावरणात पार पडलेल्या या महोत्सवाला इंदापूर शहर व तालुक्यातील भाविकांनी मोठ्या संख्येने उपस्थिती लावली होती. अध्यात्म आणि संस्कृतीचा वारसा जतन करणाऱ्या या उपक्रमाचे सर्व स्तरांतून कौतुक होत आहे.
टिप्पण्या