'जिम' तोडली पण 'पट्या' नडला! इंदापूरच्या अधिकाऱ्यांच्या 'फिल्डिंग'समोर गावकऱ्यांची 'बॅटिंग'; जिल्हा परिषदेत उपोषणाचा धडाका!

जिममध्ये घाम गाळण्याऐवजी आता जिल्हा परिषदेच्या दारात उपोषणाचा 'परफॉर्मन्स'!

इंदापूर १४ व्या वित्त आयोगातून उभारलेली गावाची हक्काची 'ओपन जिम' एका रात्रीत जेसीबी लावून भुईसपाट केली आणि आता त्या भ्रष्ट अधिकाऱ्यांना पाठीशी घालणाऱ्यांच्या विरोधात गावकऱ्यांनी पुणे जिल्हा परिषदेसमोर ठिय्या मांडला आहे.

काळठण नंबर १ मध्ये नागरिकांच्या आरोग्यासाठी सुमारे २.६३ लाखांची ओपन जिम बसवण्यात आली होती. पण जिल्हा परिषद शाळेच्या नवीन बांधकामाचे 'वस्त्रहरण' होऊ नये म्हणून की काय, कनिष्ठ अभियंता वसंत शेंडे यांनी कोणालाही न सांगता, परस्पर जेसीबी लावून या जिमचा 'चक्काचूर' केला.चौकशीवर दबाव येऊ नये म्हणून बी.डी.ओ. सचिन खुडे आणि कनिष्ठ अभियंता शेंडे यांना तात्काळ सक्तीच्या रजेवर पाठवण्याची मागणी.कारवाई टाळण्यासाठी मोठी 'आर्थिक देवाणघेवाण' झाली असावी, असा गावकऱ्यांचा थेट संशय.लाखो रुपयांची सरकारी मालमत्ता जेसीबीने उद्ध्वस्त केल्याचा आरोप.

या प्रकरणात फक्त शेंडे साहेबच नाहीत, तर त्यांना 'कव्हर' देणाऱ्यांची फौज मोठी आहे. कनिष्ठ अभियंत्यापासून ते गटविकास अधिकारी (BDO) सचिन खुडे यांच्यापर्यंत सगळ्यांनी जणू 'एकमेका सहाय्य करू, भ्रष्टाचार अवघा धरू' अशी शपथ घेतल्याचे दिसते. गावकऱ्यांनी तक्रार केली की त्यांना उडवाउडवीची उत्तरे मिळतात किंवा चक्क खोटी माहिती देऊन उपोषण सोडवण्याचा प्रयत्न होतो.

'शायनिंग' मारणाऱ्यांना आता 'शॉक' बसणार!

"तुम्हाला काय करायचे ते करा, कारवाई होणार नाही," अशी उर्मट भाषा वापरणाऱ्या अधिकाऱ्यांना आता गावकऱ्यांनी हिसका दाखवला आहे. प्रमोद चव्हाण, शामराव लावंड, मनीषाताई चंदनशिवे, सागर चंदनशिवे, सुनील सोनवणे आणि हनुमंत कांबळे यांनी आता थेट पुणे जिल्हा परिषदेचे मैदान गाठले आहे