इंदापूर
शंकरराव पाटील चॅरिटेबल ट्रस्ट गणेशोत्सवही पर्यावरणपूरक आणि सामाजिक संदेश देणाऱ्या अनोख्या पद्धतीने साजरा करत आहे. संस्थेच्या अध्यक्षा मा. पद्माताई भोसले,सचिव डॉ.गिरीश देसाई, खजिनदार श्री.तुषार रंजनकर, विश्वस्त श्री.अरविंद गारटकर यांच्या मार्गदर्शनाखाली पर्यावरणाचे रक्षण आणि समाजप्रबोधन या दोन्ही गोष्टींचा समन्वय साधत, एक आगळावेगळा उपक्रम राबवण्यात आला आहे.
या वर्षीच्या गणेशोत्सवाचा मुख्य विषय "मोबाईल व्यसनमुक्ती" आहे. मोबाईलच्या अतिवापरामुळे समाजात निर्माण होत असलेल्या समस्यांबाबत जनजागृती करणे हा यामागील मुख्य उद्देश आहे.
गणेश मूर्तीची स्थापना करण्यात आली. गणेशस्थापना सोहळ्यात ट्रस्टचे विश्वस्त श्री. अरविंद गारटकर, आरोग्य केंद्र प्रमुख श्री.महादेव चव्हाण, कोपिवरची शाळा प्रमुख श्री.भारत बोराटे, कार्यकर्ते श्री.हमीद अत्तार प्रमुख पाहुणे म्हणून उपस्थित होते. त्यांच्या हस्ते पूजाविधी पार पडला. यावेळी त्यांनी विद्यार्थ्यांच्या सर्जनशीलतेचे कौतुक केले आणि सांगितले की, "गणेशोत्सव हा समाजाला योग्य दिशा देणारा उत्सव आहे. पर्यावरणपूरक उत्सवाबरोबरच मोबाईल व्यसनमुक्तीचा महत्त्वपूर्ण संदेश दिला जात आहे. हा उपक्रम खरंच खूप प्रेरणादायी आहे."
या कार्यक्रमाला ट्रस्टचे इन्चार्ज श्री.दिपक जगताप, श्री.सागर कांबळे, जावेद हबीब विभाग प्रमुख श्री.अमोल राऊत, सौ.त्रिशला पाटील, सौ.रोहिणी जाधव, भारत माने उपस्थित होते
हा कार्यक्रम यशस्वी करण्यासाठी तसेच मूर्ती व डेकोरेशन यांचे काम करण्यात संस्थेच्या जावेद हबीब विभागातील विद्यार्थीश्रद्धा पवार, आदिती पवार, पुनम गवळी, सुरज जाधव, विजय दळवी, प्रीतम करगळ, विजय गोरे, आदित्य वाघमारे, जॅस्मिन बडकर, पवन नामदास, सपना गायकवाड, शितल राठोड, अथर्व सरोदे, समिक्षा कवितगे, वैष्णवी गुणवरे, जिनत सय्यद,सिंधू जाधव, साक्षी यादव, मंदा ढावरे , आरती कुंभार, अश्विनी बाबर या विद्यार्थ्यांनी मेहनत घेतली.
टिप्पण्या