इंदापूर
डॉ. संदेश शहा, इंदापूर उजनी धरण पाणलोट क्षेत्रातील माळवाडी नंबर दोन येथील दोन सख्या बहिणी पोलीस दलात सेवा बजावत आहेत. या दोघी बहिणी राष्ट्रीय खेळाडू असून देखील दोघींनी आपल्या कर्तृत्वावर पोलीस खात्यात प्रवेश मिळवून आपली प्रतिमा उजळवली व गावाचा मानसन्मान उंचावला.
लहू जाधव हे माळवाडी येथील शेतकरी असून त्यांची उजनी धरणासाठी पन्नास एकरहून जास्त जमीन गेली. ते उजनी धरणग्रस्त असून आठवी उत्तीर्ण तर त्यांची पत्नी सौ. संगीता ही दहावी उत्तीर्ण आहे. त्यांना दोन मुले व दोन मुली आहेत. दोन्ही मुलींची पहिल्यापासून पोलीस होण्याची लहू जाधव हे माळवाडी येथील शेतकरी असून त्यांची उजनी धरणासाठी पन्नास एकरहून जास्त जमीन गेली. ते उजनी धरणग्रस्त असून आठवी उत्तीर्ण तर त्यांची पत्नी सौ. संगीता ही दहावी उत्तीर्ण आहे. त्यांना दोन मुले व दोन मुली आहेत. दोन्ही मुलींची पहिल्यापासून पोलीस होण्याची इच्छा होती. त्यांना पालकांनी साथ दिली. त्यांचे स्वप्न साकार करण्यासाठी त्यांनी अहोरात्र कष्ट घेतले.
दोन्ही मुलींना त्यांनी दत्तात्रय व्यवहारे यांच्या इंदापूर येथील ज्युडो कराटे अकॅडमीमध्ये घातले. त्यानंतर भूतानमध्ये झालेल्या स्पर्धेत काजलने लक्षवेधी कामगिरी करून सर्वांचे लक्ष वेधून घेतले. त्यानंतर तिने ज्यूडो राज्यस्तरीय स्पर्धेत सिल्वर, कुराश नॅशनल स्पर्धेत ब्रांझ, हाफकिडो इंटरनॅशनल स्पर्धेत गोल्ड तसेच
बेल्टरेस्टिंग राज्यस्तरीय स्पर्धेत गोल्ड मेडल मिळवून आपली कामगिरी उंचावली. दोन वर्षांपूर्वी तिची पोलीस खात्यात निवड झाली. ती आता पिंपरी चिंचवड पोलीस ठाण्यांतर्गत दिघी येथे सेवा करत आहे.
शिवानी ही सुद्धा उत्तम ज्युडो खेळाडू आहे. बेल्ट रेसलिंग राज्यस्तरीय स्पर्धेत तिने गोल्ड, ज्युडो राज्य स्तरीय स्पर्धेत तिने गोल्ड पदक संपादन केले. थोरली बहीण काजल प्रमाणेच पोलीस खात्यात जाण्याचे तिने निश्चित केले. दोघींचे पोलीस होण्याचे स्वप्न पूर्ण करण्यासाठी श्री. जाधव यांनी त्यांना बारामती येथील सह्याद्री अकॅडमीमध्ये प्रवेश दिला. काजल हिची पोलीस दलात निवड झाली. तिच्या पावलावर पाऊल ठेवत शिवानी हिने देखील पोलीस बनण्यासाठी अपार कष्ट घेतले. आता शिवानी पोलीस भरती झाली.
सध्या तिचे मुंबई येथे प्रशिक्षण सुरू आहे. मध्यंतरी क्रीडा, युवक कल्याण व अल्पसंख्याक मंत्री दत्तात्रय भरणे, इंदापूर कृषी उत्पन्न बाजार समितीचे संचालक मधुकर भरणे, ज्युडो कराटे अकॅडमीचे अध्यक्ष दत्तात्रय व्यवहारे, शहा हेल्थ क्लबचे भरतशेठ शहा, बाळासाहेब गुंडेकर, यांनी दोघींचा सत्कार केला.
विशेष म्हणजे दोघांचे प्राथमिक शिक्षण माळवाडी येथील जिल्हा परिषद प्राथमिक शाळा, माध्यमिक शिक्षण श्री नारायणदास रामदास हायस्कूल, महाविद्यालयीन शिक्षण इंदापूर महाविद्यालयात झाले. माळवाडी नंबर दोन या छोट्या गावात पोलीस आले तर लोक घाबरत होते. मात्र या गावच्या दोन्ही लेकी पोलीस झाल्याने या गावात लोकांना कौतुक वाटत आहे. आपले स्वप्न पूर्ण झाल्यामुळे दोघी बहिणी आनंदी आहेत, तर मुलींचे स्वप्न पूर्ण करण्यास मदत केल्याने आई वडील समाधानी आहेत.
टिप्पण्या