*धनगर समाज बांधवाना एसटी प्रवर्गातून आरक्षणाची अमलबजावणी करणे बाबत हर्षवर्धन पाटील यांचे मुख्यमंत्र्यांना पत्र*

इंदापूर:-

 धनगर समाज बांधवाना एसटी प्रवर्गातून आरक्षणाची अमलबजावणी करणे बाबत..मा.ना.श्री. एकनाथ शिंदे, मुख्यमंत्री, तथा सामाजिक मंत्री, महाराष्ट्र राज्य.यांना मा.हर्षवर्धनभाऊ पाटील माजी मंत्री यांचे पत्र संपूर्ण महाराष्ट्रात धनगर समाज हा पिढ्यानपिढ्या पासून मेंढपाळाचा व्यवसाय करीत आलेला आहे. अत्यंत शांत, संयमी व काबाडकष्ट करणारा बहुतांश धनगर समाज हा महाराष्ट्रातील आर्थिक जडण घडणातील एक महत्वाचा घटक आहे. परंतु सध्या या समाज बांधवांच्या पाल्यांच्या शैक्षणिक प्रगतीसाठी या जमातीचा अनुसूचित जातीमध्ये समावेश होणेबाबत अनेक वर्षापासून तीव्रतेने मागणी होत आहे. व या अनुषंगाने विविध पद्धतीने शांततेच्या मार्गाने आंदोलने पुकारण्यात येत आहेत.

सध्या पंढरपूर येथे सकल धनगर समाजाचे मागील १३ दिवसापून आमरण उपोषण सुरु आहे. या समाजचे शैक्षणिक, सामाजिक व आर्थिक मागासलेपण लक्ष्यात घेता हि मागणी योग्य आहे. तरी महाराष्ट्र शासनाने धनगर समाजाच्या मागणीचा सहानुभूतीपूर्वक विचार करून त्यांना एसटी प्रवर्गातून आरक्षणाची अंमलबजावणी करण्याच्या अनुषंगाने हिताचा निर्णय तातडीने घ्यावा, आशी विनंती मा.हर्षवर्धनभाऊ पाटील यांनी पत्राद्वारे केली आहे. यावेळी पोपट नाना पवार,विलासराव वाघमोडे,महेंद्र दादा रेडके,दत्तात्रय पांढरे,नानासाहेब खरात सह इतर मान्यवर उपस्थित होते.