लक्ष्मी वैभव न्युज, शिवसृष्टी न्युज

साखरे वस्तीच्या शाळेत भरला आनंदी मेळावा आठवडे बाजार,या मुळे मुलांच्या अर्थिक ज्ञानात भर-सौ.अनिताताई नानासाहेब खरात 

 इंदापूर:- जि प शाळा साखरे वस्ती केंद्र रेडणी तालुका इंदापूर या ठिकाणी बाल आनंद मेळावा आयोजित करण्यात आला होता.

  या कार्यक्रमास साखरे वस्ती व परिसरातील नागरिक महिला पुरुष मोठ्या प्रमाणात सहभागी झाले,मेळावाचे उद्घाटन तेजपृथ्वी ग्रुपच्या संस्थापक अध्यक्षा अनिताताई खरात यांच्या हस्ते करण्यात आले.तसेच सावित्रीबाई फुले यांच्या फोटोचे पूजन अनिताताईंच्या हस्ते करण्यात आले.बाजारासाठी सर्व प्रकारचा भाजीपाला 

,खाऊ गल्ली, यांचीदुकाने लावली होती. बाजारामध्ये मुले आपला माल विकताना व्यवहारातील भाषा वापरत होते, विक्रेता व ग्राहक यांच्यामध्ये सुसंवाद होत

होता ,पालक आपल्या पाल्याकडून शेतीमाल विकत घेताना त्यांच्या चेहऱ्यावर अविस्मरणीय आनंद अनुभवल्यास मिळाला. या बाजारात मुले व्यवहारातील सुट्टी व बंदे पैसे याचा उत्तम वापर करताना दिसून आली. आजच्या बाजारामध्ये पालकांचा व ग्रामस्थांचा सहभाग खूप मोठ्या प्रमाणात होता, या आठवडी बाजाराच्या उपक्रमाला ग्रामस्थांनी प्रतिसाद तर दिलाच पण कौतुक ही केले सदर बाजाराची उलाढाल चार हजार 4944 रुपये झाली. कार्यक्रमाच्या शेवटी अध्यक्षा अनिताताई म्हणाल्या की साखरे वस्ती शाळेमध्ये आजच्या आठवड्या बाजाराचे नियोजन अतिशय सुंदर केले, साखरे वस्ती शाळेत जाधव गुरुजी व वच्चे गुरुजी यांच्या माध्यमातून नेहमीच सहशालेय उपक्रम लहान मोठ्या स्पर्धा असे वेगवेगळे उपक्रम घेऊन जाधव गुरुजी व वच्चे गुरुजी अतिशय चांगल्या प्रमाणात शाळेचे नियोजन करत असतात, तसेच शाळेचा पट हळूहळू वाढत आहे आणि खरंच मराठी शाळेत मुलांना जे शिक्षण मिळते त्याला तोड नाही आणि म्हणूनच मराठी शाळेंना शासनाने जास्तीत जास्त मदत करून त्या उत्कृष्ट कशा चालतील याचे धोरण आखावे आम्ही तेजप्रुथ्वी ग्रुपच्या माध्यमातून मराठी शाळेच्या भल्यासाठी नेहमीच प्रयत्न करत असतो मी जाधव गुरुजी,वच्चे गुरुजी तसेच अंगणवाडी सेविका कुंभार  व मुलानी  यांनी या आनंदी मेळाव्याचे अतिशय सुंदर नियोजन केल्याबद्दल सर्व ग्रामस्थांच्या वतीने त्यांचे आभार मानते.

यावेळी बोलताना मुख्याध्यापक जाधव गुरुजी यांनी शाळेच्या वेगवेगळ्या उपक्रमाबद्दल माहिती दिली.

तसेच शेवटी आभार प्रदर्शन करताना वच्चे गुरुजी म्हणाले की आम्ही शाळेच्या माध्यमातून वेगवेगळे उपक्रम घेत असतो अनिताताई याच शाळेच्या विद्यार्थिनी आहेत, त्या जरी आता इंदापूर मधे राहत असल्या तरी शाळेची सर्व छोट्या-मोठ्या गोष्टीची त्या आमच्याकडून नेहमी माहिती जाणून घेत असतात. त्यांचे शाळेला सर्व गोष्टीत खूप मोठे सहकार्य असते आम्हाला कधीही कसली अडचण आली तरी आम्ही अनिताताईंना हक्काने सांगतो. अनिताताई सारखे सामाजिक काम करण्यास इतरही महिलांनी पुढे यावे हीच आमची अपेक्षा आहे.

या आठवडी बाजारामध्ये जाधववस्ती शाळेचे विद्यार्थी व मनीषा आरडक  उपस्थित होत्या.

यावेळी शाळा व्यवस्थापन समितीचे अध्यक्ष गणेशजी साखरे इंदापूरचे विशाल म्हेत्रे तसेच ग्रामस्थ खूप मोठ्या प्रमाणात उपस्थित होते