लक्ष्मी वैभव न्युज, शिवसृष्टी न्युज

परीक्षा केंद्राबाहेर गुलाब पुष्प देऊन भावी वाटचालीसाठी शुभेच्छा,बारावी हा टप्पा विद्यार्थ्यांच्या आयुष्याला कलाटणी देणारा-नगराध्यक्षा अंकिताताई शहा 

इंदापूर :-आजपासून महाराष्ट्र राज्य माध्यमिक व उच्च माध्यमिक मंडळाकडून घेण्यात येणाऱ्या बारावी बोर्ड परीक्षेला सुरुवात,कोरोना महामारीनंतर पहिल्यांदाच बारावीची परीक्षा ऑफलाइन पद्धतीनं घेतली जात आहे . यावेळी विद्यमान नगराध्यक्षा सौ.अंकिताताई मुकुंद शहा व इंदापूर तालुका शिक्षण प्रसारक मंडळाचे सचिव मुकुंद शहा यांनी विद्यार्थ्यांना परीक्षा केंद्राबाहेर गुलाब पुष्प देऊन भावी वाटचालीसाठी शुभेच्छा दिल्या आहेत . यावेळी बोलताना नगराध्यक्षा अंकिता शहा म्हणाल्या की “ बारावी ” हा टप्पा विद्यार्थ्यांच्या आयुष्याला कलाटणी देणारा असून उज्वल भवितव्य घडविण्यासाठी आपण केलेल्या मेहनतीला यश मिळो अशा शुभेच्छा त्यांनी यावेळी दिल्या . यावेळी शाळेचे मुख्याध्यापक शिक्षक व शिक्षकेतर कर्मचारी उपस्थित होते .त्यानिमित्ताने इंदापूर तालुका शिक्षण प्रसारक मंडळाचे सचिव मुकुंद शहा व इंदापूर नगरपालिकेच्या नगराध्यक्ष अंकिता मुकुंद शहा यांनी इंदापूर शहरातील कला विज्ञान वाणिज्य महाविद्यालय व नारायणदास रामदास हायस्कूल व ज्युनियर कॉलेज इंदापूर येथे परीक्षा देणाऱ्या विद्यार्थ्यांना परीक्षा केंद्रावर उपस्थित राहात शुभेच्छा दिल्या आहेत .