लक्ष्मी वैभव न्युज, शिवसृष्टी न्युज

इंदापूर नगरपरिषदेच्या नगराध्यक्षा सौ.अंकिता मुकुंद शहा यांच्या हस्ते ध्वजारोहण

 इंदापूर:- भारतीय स्वातंत्र्यदिनाच्या अमृतमहोत्सवी 75व्या स्वातंत्र्यदिनानिमित्त आज इंदापूर नगर परिषद कार्यालयासमोरील प्रांगणात इंदापूर नगरपरिषदेच्या नगराध्यक्षा सौ.अंकिता मुकुंद शहा यांच्या हस्ते ध्वजारोहण करण्यात आले. याप्रसंगी श्री नारायणदास रामदास हायस्कूल चे शिक्षक श्री दादासाहेब जावीर, यशवंतराव केवारे, तानाजी गलांडे व ओंकार जौंजाळ या शिक्षकांच्या मार्गदर्शनाखाली शाळेतील विद्यार्थ्यांनी बँड पथकाद्वारे राष्ट्रगीत सादर केले. 

तद्नंतर महाराष्ट्र शासनाच्या माजी वसुंधरा अभियानांतर्गत सर्व  मान्यवरांना वसुंधरेची शपथ नगरपरिषदेचे कर्मचारी श्री अल्ताफ पठाण यांनी वाचन करून दिली. बँड पथकातील विद्यार्थ्यांनी ध्वज गीत सादर केले नंतर सर्वांना नगर परिषदेच्या कार्यालयात चहापानी करण्यात आले. यावेळी इंदापूर नगर परिषदेचे मुख्याधिकारी मा.श्री. रामराजे कापरे, नगर परिषदेचे सर्व पदाधिकारी ,अधिकारी कर्मचारी, शहरातील विविध राजकीय पक्षांचे सदस्य, सामाजिक कार्यकर्ते व मान्यवर या ध्वजारोहण समारंभास उपस्थित होते.