वैचारिक, अभ्यासू , दिलखुलास व्यक्तिमत्व, प्रामाणिक आणि सुसंस्कृत महिला नेतृत्व म्हणून समाजात ओळखल्या जाणाऱ्या प्रा. जयश्री गटकुळ या विश्व प्रतिष्ठान इंदापूर या शैक्षणिक संस्थेच्या संस्थापक- अध्यक्षा , जिजाऊ ब्रिगेड पुणे जिल्हा अध्यक्षा आणि इंदापूर महाविद्यालयांमध्ये प्रोफेसर म्हणून कार्यरत आहेत. दूरदृष्टी आणि अष्टपैलू व्यक्तिमत्व असलेल्या प्रा.डॉ जयश्री गटकुळ उर्फ माई महिलांसाठी नव्हे तर सर्व समाजासाठी एक प्रेरणास्थान आहे , विचारवंत आणि सामाजिक बांधिलकीची जाण ठेवणाऱ्या असून गरजूंना मदत करणे, अन्याय झाला तर आवाज उठविणे, अशावेळी आक्रमक भूमिका घेऊन न्याय मिळवून देणे, पारदर्शकता ठेवणे, गरीब विद्यार्थ्यांना सर्वोतोपरी मदत करून खूप मोठ्या पदापर्यंत जाण्यासाठी मार्गदर्शन करणे, कठीण काळात मदतीसाठी धावून जाणे हा त्यांचा स्थायीभाव आहे. सतत विधायक कामात राहून लहान-थोरांचा आदर करणे ही त्यांची गुणवैशिष्ट्ये आहेत.
त्यांचा अनेक विषयाचा दांडगा व्यासंग इतिहास, विज्ञान, सामाजिक, सांस्कृतिक घडामोडी या विषयावर त्यांचे कमालीचे प्रभुत्व आहे, एखादा विषय समजून घेण्यासाठी त्यांचा मोठा ध्यास असतो. महिला - युवा पिढी विकास आणि शिक्षण या विचारावर त्यांची नितांत निष्ठा आहे.
लहानपणापासूनच अत्यंत जिज्ञासू प्रवृत्ती, बुद्धिवान असल्यामुळे इयत्ता चौथी आणि सातवी मध्ये ग्रामीण भागात स्कॉलरशिप परीक्षा मध्ये प्रथम नंबर मिळवला. अशा लहान वयातच माढा तालुक्यात त्यांनी नावलौकिक मिळविला होता पुढील महाविद्यालयीन शिक्षण संगमेश्वर कॉलेज सोलापूर आणि शिवाजी विद्यापीठ कोल्हापूर येथून घेतले. पर्यावरण शास्त्र विषयातून मुक्त विद्यापीठ नाशिक येथून एम फिल पदवी घेतली आणि रसायनशास्त्र विषयांमध्ये पुणे विद्यापीठाची पीएचडी मिळविली.
प्रा.डॉ. जयश्री गटकुळ हे अत्यंत सुखवस्तू कुटुंबातून पुढे आलेले आहेत. त्यांना जसा संपत्तीचा वारसा लाभला आहे, तसाच सुसंस्कृतपणा, ज्ञान, कर्तृत्व, सामजिक बांधिलकी जपण्याचा देखील वारसा लाभला आहे. माहेर आणि सासर प्रगतशील बागायतदार आणि शेतकरी कुटुंब अशा मोठ्या घराण्यातून आल्याचा मोठेपणा नाही. अहंकार तर नाहीच पण त्यांच्याजवळ प्रचंड नम्रता, शांतता आणि संयम आहे. अन्याय विरुद्ध आक्रमक पवित्रा घेणाऱ्या आणि अन्यायग्रस्त शोषित महिलांना न्याय देणाऱ्या प्रा. डॉ जयश्री गटकुल इंदापूरच्या सामजिक क्षेत्रातील आयडॉल आहेत. त्यांना भावी आयुष्यात खुप मोठं यश आणि उदंड आयुष्य लाभो हीच सदिच्छा..वाढदिवसानिमित्त खुप खुप हार्दिक शुभेच्छा
शब्दांकन- प्राचार्य राजश्री जगताप
टिप्पण्या