इंदापूरः कोरोना होऊन गेलेल्या व्यक्तींना म्युकरमायकोसिस हा आजार होत असून यासाठी तालुक्यात सहा दिवसांचे शिबीर लावून त्यांची आरोग्य तपासणी करुन घ्यावी तसेच कोरोनाच्या तिसऱ्या लाटेत लहान मुलांना लागण होऊ नये म्हणून त्यांच्या पालकांना याबाबतची काळजी घेण्यासाठी माहिती पुस्तिका व पत्रके काढण्याचे आदेश राज्यमंत्री दत्तात्रय भरणे यांनी दिले. ते शनिवारी दि.29 रोजी जिल्हा बँकेच्या सभागृहात झालेल्या कोरोना आढावा बैठकीत बोलत होते.
यावेळी पुणे जिल्हाध्यक्ष प्रदीप गारटकर,तहसीलदार अनिल ठोंबरे, गटविकास अधिकारी विजयकुमार परीट, पंचायत समिती सभापती स्वाती शेंडे,उपसभापती संजय देहाडे,नगराध्यक्षा अंकिता शहा,इंदापूर तालुका शिक्षण प्रसारक मंडळाचे सचिव मुकुंद शहा,माजी जि.प.सदस्य प्रतापराव पाटील, वसंत आरडे सरचिटणीस राष्ट्रवादी काँग्रेस पुणे जिल्हा, श्रीधर बाब्रस मा.नगरसेवक इंदापूर, पुणे जिल्हा नियोजन समितीचे सदस्य सचिन सपकळ,पुणे जिल्हा कुस्तीगिर संघाचे सदस्य महेंद्र रेडके,अँड.राहुल मखरे,संजय सोनवणे, बाळसाहेब ढवळे,मुख्याधिकारी रामराजे कापरे,पोलिस निरिक्षक धन्यकुमार गोडसे,जीवन माने,दिलीप पवार,डाॅ.सुहास शेळके,डाॅ.नामदेव गार्डे,डाॅ.प्रशांत महाजन आदींसह पंचायत समिती सदस्य, नगरसेवक,प्रशासकीय अधिकारी,नागरिक उपस्थित होते.
राज्यमंत्री भरणे म्हणाले,की कोरोनाची लाट काहीशी अल्प प्रमाणात ओसरत चालली असली तरी मात्र धोका टळलेला नाही. ग्रामीण भागात संख्या जास्त आहे.सध्या तालुक्यात 943 रुग्ण बाधित असून पैकी ग्रामीण भागातील 881 तर शहरात 82 रुग्णांचा समावेश आहे.आतापर्यंत तालुक्यात 96 हजार 101 जणांना लसीकरण पूर्ण झालेले आहे.तालुक्यात सात व्यक्तींना म्युकरमायकोसिस आजाराची लागण झाली असून त्यापैकी एक रुग्ण बरा झाला आहे.
आमदार फंडातून 1 कोटी 17 लाखाची आरोग्य सुविधांयुक्त सामग्री मंजूर
लहान मुलांसाठी तालुक्यातील 11 खाजगी रूग्णालयात सर्व त्या सुविधा उपलब्ध करून देण्याच्या अधिकारी वर्गाला केल्या आहेत.भविष्यात देखील तालुक्यात आँक्सिजनची कमतरता भासणार नाही त्यादृष्टीने उपाययोजना करण्यावर भर आहे.इंदापूर तालुक्याला आमदार फंडातून 1 कोटी 17 लाखाची आरोग्य सुविधांयुक्त सामग्री मंजूर करण्यात आली आहे.त्यामध्ये सर्व सुविधांयुक्त रुग्णवाहीका, लहान मुलांसाठी 5 व्हेंटीलेटर,10 माॅनिटर आणि इतर आवश्यक साहित्याचा समावेश आहे.
सहा दिवसाच्या शिबीरासाठी व लहान मुलांना कोरोना होऊ नये म्हणून काढण्यात येणाऱ्या पुस्तिका व पत्रके दारोदारी जावून वितरीत करण्यात करण्यासाठी आशा वर्कर,अंगणवाडी सेविका,आरोग्य सेवक,आरोग्य दूत यांचे सहकार्य घ्यावे लागेल.शहरातील जबादारी नगरपरिषद पार पाडावी व या शिबीरात अधिकाधिक रुग्णांची आरोग्य तपासणी करावी असे आवाहन भरणे यांनी प्रशासनाला केलं आहे.
टिप्पण्या