लक्ष्मी वैभव न्युज, शिवसृष्टी न्युज

स्वातंत्र्यसेनानी नारायणदास रामदास शहा यांचे कार्य प्रेरणादायी - गोकुळदास(भाई) शहा

     वै.ह.भ.प.श्री. नारायणदास रामदास शहा यांच्या पुण्यतिथीनिमित्त आयोजित भव्य गायन स्पर्धेचा निकाल जाहीर

इंदापूर 

  इंदापूर येथील स्वातंत्र्यसेनानी वै. ह.भ.प. नारायणदास रामदास शहा यांच्या 32 व्या पुण्यतिथीनिमित्त श्री. नारायणदास रामदास चॅरिटेबल ट्रस्ट आयोजित तसेच श्री. नारायणदास रामदास संगीत विद्यालय इंदापूर यांच्या संयोजनाने भव्य गायन स्पर्धा 2021 चे आयोजन करण्यात आले होते. या स्पर्धेचा निकाल आज जाहीर करण्यातआला. लॉकडाऊन आणि कोरोना पार्श्वभूमीवर आज सकाळी नारायणदास रामदास शहा यांच्या प्रतिमेचे पूजन कर्मयोगी सहकारी साखर कारखान्याचे माजी उपाध्यक्ष गोकुळदास(भाई) शहा, इंदापूर तालुका शिक्षण प्रसारक मंडळाचे सचिव मुकुंद शहा, नगराध्यक्षा अंकिता शहा, वैशाली शहा यांनी केले. यावेळी उपस्थितांशी संवाद साधताना गोकुळदास शहा यांनी वरील मत व्यक्त केले.    

    इंदापुरातील नागरिक, विविध संस्थांनी लॉकडॉउनच्या पार्श्वभूमीवर व्हाट्सअप, फेसबुक यासारख्या सोशल माध्यमातून स्वातंत्र्यसेनानी वै. ह.भ.प. नारायणदास रामदास शहा यांना अभिवादन केले.

     महात्मा गांधी यांच्या आचार विचारांनी प्रेरित होऊन त्यांच्या मार्गदर्शनाखाली त्यांनी समाजसेवेचे वृत्त कायम अंगीकारले होते. स्वातंत्र्यवीरांना मदत करण्यापासून ते शैक्षणिक संस्थेची उभारणी करण्यापर्यंत वेगवेगळ्या सामाजिक उपक्रमात ते कार्यरत राहिले. त्यांचे हे कार्य जीवन प्रवासात नेहमी प्रेरणादायी ठरले असल्याचे गोकुळदास(भाई) शहा यांनी सांगितले.

    श्रीराम गीते, अभंग वाणी किंवा भक्तीगीते व्हिडिओच्या माध्यमातून ऑनलाइन भव्य गायन स्पर्धा 2021 स्पर्धेचे आयोजन करण्यात आले होते यातील विजेते पुढीलप्रमाणे

    मोठा गट - प्रथम -राजेंद्र पांडुरंग घाडगे बारामती, द्वितीय- राजू नामदेव वाघमारे इंदापूर, तृतीय- श्रीमती विद्या सुरेश ढोबळे नातेपुते, चतुर्थ- कोमल प्रकाश कुलकर्णी पळसदेव आणि गौरी मल्‍हारी घाडगे इंदापूर.

     मध्यम गट- प्रथम-अंजली सुनील जाधव इंदापूर, द्वितीय- अंकिता गणेश डांगे इंदापूर, तृतीय- साक्षी विनायक गुरव इंदापूर, चतुर्थ- शुभदा संतोष चिंचकर इंदापूर आणि अमृता अमोल भोज इंदापूर.

   लहान गट- प्रथम- कु. धनश्री मारुती भोंग निमगाव, द्वितीय- अर्णव अमोल भोज इंदापूर आणि जान्हवी विनायक गुरव भोडणी, तृतीय -वेदांत प्रभाकर झगडे इंदापूर, चतुर्थ- अक्षरा नवनाथ बनकर वरकुटे बु॥.

    मुख्याध्यापक विकास फलफले, दादासाहेब जावीर, शारदाताई नागपुरे, प्रमोद भंडारी, दिनकर गोसावी, भगवान मोरे, भारत सोमवंशी, ओंकार जौंजाळ या श्री. नारायणदास रामदास संगीत विद्यालयाच्या आयोजकांनी ही स्पर्धा यशस्वी करण्यासाठी प्रयत्न केले.