लक्ष्मी वैभव न्युज, शिवसृष्टी न्युज

संबंधित ठेकेदारावर मनुष्यवधाचा गुन्हा दाखल करा : इंदापूर तालुका प्रमुख शिवसेना नितीनदादा  शिंदे.

इंदापूर - बारामती रस्त्यावरील साईडपट्टया न भरल्याने चार निष्पाप नागरिकांना तसेच २ जनावरांना आपला जीव गमवावा लागला. त्यामुळे संबंधित ठेकेदारावर मनुष्यवधाचा गुन्हा दाखल करण्याची मागणी इंदापूर शिवसेनेच्या वतीने उपकार्यकारी अभियंता सार्वजनिक बांधकाम विभाग इंदापूर यांच्याकडे कडे केली असल्याची माहिती तालुकाप्रमुख नितीन शिंदे यांनी दिली.

ते म्हणाले की, इंदापूर बारामती रस्त्याचे नुकतेच काम झाले असून ते काम केल्यानंतर संबधित ठेकेदाराने साईडपट्ट्या भरणे गरजेच होते. मात्र ठेकेदाराने साईड पट्ट्या न भरल्यामुळे रस्ता १ ते १.५ फुट उचलून आला आहे. त्यामुळे या रस्त्यावरील अपघाताचे प्रमाण वाढले आहे. मागील दोन दिवसांपूर्वीच ४ निरपराध नागरिकांना तसेच २ जनावरांना आपला जीव गमवावा लागला असल्याचे सांगून संबंधित ठेकेदारावर मनुष्यवधाचा गुन्ह्याची तक्रार आपल्या खात्यामार्फत दाखल करण्यात यावी तसेच त्वरीत साईडपट्टया भरुन घेण्यात याव्यात. अन्यथा 

शिवसेना स्टाईलने तीव्र व उग्र आंदोलन करणार असल्याचा इशाराही दिला असल्याचे नितीन शिंदे यांनी सांगितले.