SHIVSRUSTHI NEWS मराठी

मुंबई प्रतिनिधी: (सतिश पाटील )डोंबिवलीमध्ये लोकल ट्रेनचा डबा रुळावरुन घसरल्याने मध्य रेल्वेची वाहतूक खोळंबली, आठवड्याच्या पहिल्याच दिवशी प्रवाशांचे हाल डोंबिवली स्थानकात रिकाम्या लोकलचा डबा रुळावरून घसरल्याने मध्य रेल्वेचे वेळापत्रक कोलमडले आहे. आठवड्याच्या पहिल्याच दिवशी मुंबईकरांचे हाल झाले असून कल्याण ते सीएसएमटी एसी लोकलवरही टांगती तलवार  ठाणे: मुंबईची जीवनवाहिनी मानली जाणारी लोकल सेवा आठवड्याच्या पहिल्याच दिवशी आज सोमवारी विस्कळीत झाली आहे. डोंबिवली स्थानकात लोकलचा एक डबा रुळावरून घसरल्याची धक्कादायक घटना घडली आहे. याचा मोठा फटका मध्य रेल्वेच्या वाहतुकीला बसला आहे. विशेषतः कल्याणच्या दिशेने जाणाऱ्या धिम्या मार्गावरील वाहतूक सध्या ठप्प झाली असून, कामावर निघण्यासाठी घराबाहेर पडलेल्या चाकरमान्यांचे प्रचंड हाल होत आहेत. कालही फलाट बंद होते कोपर आणि ठाकुर्ली स्थानकातील धीम्या मार्गावरील वाहतूक रविवारी फलाट रुंदीकरणासाठी बंद ठेवण्यात आल्याने प्रवाशांचे हाल झाले असताना आठवड्याचा पहिलाच दिवस रेल्वे प्रवाशासाठी डोकेदुखीचा ठरला. सकाळी ८.३० वाजताची कल्याणच्या दिश...

इंदापूर शहराच्या आरोग्य सेवेत मोठी भर पडत असून, 'डॉ. तांबिले आयकेअर सुपर स्पेशालिटी आय अँड डेंटल हॉस्पिटल'चा भव्य उद्घाटन समारंभ आज, रविवार दि. १९ एप्रिल २०२६ रोजी सायंकाळी ६:०० वाजता संपन्न होत आहे. या सोहळ्यासाठी महाराष्ट्र राज्यातील दिग्गज राजकीय नेते आणि वैद्यकीय क्षेत्रातील मान्यवर उपस्थित राहणार आहेत.या कार्यक्रमाचे   उद्घाटक मा. श्री. विजयसिंह मोहिते-पाटील (माजी उपमुख्यमंत्री, महाराष्ट्र राज्य).अध्यक्ष: डॉ. एम. के. इनामदार सर (सीनियर कार्डिओलॉजिस्ट, अकलूज).प्रमुख पाहुणे: मा. ना. श्री. दत्तात्रय (मामा) भरणे (कृषी मंत्री, महाराष्ट्र राज्य).मा. श्री. हर्षवर्धनजी पाटील (अध्यक्ष, राष्ट्रीय सहकारी साखर कारखाना महासंघ).  मा. खा. श्री. धैर्यशील मोहिते-पाटील (खासदार, माढा लोकसभा) या कार्यक्रमास प्रमुख उपस्थिती म्हणून श्री. प्रदीपदादा गारटकर (ज्येष्ठ नेते, भाजपा), श्री. भरतभाऊ शहा (नगराध्यक्ष, इंदापूर नगरपरिषद) आणि श्री. प्रवीणभैय्या माने (युवा नेते, भाजपा) उपस्थित राहणार आहेत. तसेच वैद्यकीय क्षेत्रातील डॉ. संतोष कुलकर्णी, डॉ. अनिल शिर्के आणि डॉ. संजय सिद यांसारख...

इंदापूर शहर विकास प्रतिष्ठान संचलित, श्री. रणछोडदास कल्याणदास शहा विद्यालय येथे वार्षिक स्नेहसंमेलन आणि बक्षीस वितरण समारंभ अत्यंत दिमाखात पार पडला. जल्लोष चिमुकल्यांचा, आविष्कार कलागुणांचा'या संकल्पनेवर आधारित या कार्यक्रमाने उपस्थितांची मने जिंकली. कार्यक्रमाचे उद्घाटन मा. डॉ. अविनाश पाणबुडे आणि प्राचार्य जीवन सरवदे यांच्या हस्ते दीपप्रज्वलनाने करण्यात आले. विद्यार्थ्यांनी नृत्य, संगीत आणि नाटिकांच्या माध्यमातून विविध कलागुणांचे सादरीकरण केले. चिमुकल्यांनी आपल्या सादरीकरणातून महत्त्वाचे सामाजिक संदेश दिले. शैक्षणिक वर्ष २०२५-२६ मधील क्रीडा, कला आणि शैक्षणिक क्षेत्रात विशेष प्राविण्य मिळवणाऱ्या गुणवंत विद्यार्थ्यांचा गौरव करण्यात आला. विद्यार्थ्यांना सन्मानचिन्ह व प्रशस्तीपत्रक देऊन गौरविण्यात आले.  या संपूर्ण कार्यक्रमाचे नियोजन इंदापूर शहर विकास प्रतिष्ठानचे संस्थापक अध्यक्ष ॲड. गिरीश शहा यांच्या मार्गदर्शनाखाली करण्यात आले होते. या सोहळ्याला अनेक मान्यवरांनी उपस्थिती लावून विद्यार्थ्यांचे कौतुक केले:प्राचार्य जीवन सरवदे (अध्यक्ष, आय कॉलेज), ॲड. गिरीश शहा...

जिममध्ये घाम गाळण्याऐवजी आता जिल्हा परिषदेच्या दारात उपोषणाचा 'परफॉर्मन्स'! इंदापूर १४ व्या वित्त आयोगातून उभारलेली गावाची हक्काची 'ओपन जिम' एका रात्रीत जेसीबी लावून भुईसपाट केली आणि आता त्या भ्रष्ट अधिकाऱ्यांना पाठीशी घालणाऱ्यांच्या विरोधात गावकऱ्यांनी पुणे जिल्हा परिषदेसमोर ठिय्या मांडला आहे. काळठण नंबर १ मध्ये नागरिकांच्या आरोग्यासाठी सुमारे २.६३ लाखांची ओपन जिम बसवण्यात आली होती. पण जिल्हा परिषद शाळेच्या नवीन बांधकामाचे 'वस्त्रहरण' होऊ नये म्हणून की काय, कनिष्ठ अभियंता वसंत शेंडे यांनी कोणालाही न सांगता, परस्पर जेसीबी लावून या जिमचा 'चक्काचूर' केला.चौकशीवर दबाव येऊ नये म्हणून बी.डी.ओ. सचिन खुडे आणि कनिष्ठ अभियंता शेंडे यांना तात्काळ सक्तीच्या रजेवर पाठवण्याची मागणी.कारवाई टाळण्यासाठी मोठी 'आर्थिक देवाणघेवाण' झाली असावी, असा गावकऱ्यांचा थेट संशय.लाखो रुपयांची सरकारी मालमत्ता जेसीबीने उद्ध्वस्त केल्याचा आरोप. या प्रकरणात फक्त शेंडे साहेबच नाहीत, तर त्यांना 'कव्हर' देणाऱ्यांची फौज मोठी आहे. कनिष्ठ अभियंत्यापासून ते गटविकास अध...

 इंदापूर  तालुका शिक्षण प्रसारक मंडळाच्या कला, विज्ञान आणि वाणिज्य महाविद्यालयाचा वार्षिक पारितोषिक वितरण सोहळा महाविद्यालयाच्या शाहीर अमर शेख सभागृहामध्ये पार पडला यावेळी बोलताना राष्ट्रीय सहकारी साखर कारखाना महासंघाचे अध्यक्ष, माजी मंत्री व संस्थेचे अध्यक्ष हर्षवर्धन पाटील यांनी वरील मत व्यक्त केले. यावेळी पिंपरी चिंचवड विद्यापीठाचे कुलगुरू डॉ. संतोष सोनवणे उपस्थित होते.     हर्षवर्धन पाटील म्हणाले की,' नवीन शैक्षणिक धोरणामुळे शिक्षण क्षेत्रात अमुलाग्र बदल झाले असून विद्यार्थ्यांनी नवनवीन कौशल्य आत्मसात केली पाहिजे. विविध भाषा, तंत्रज्ञान आणि संशोधन वृत्ती जोपासणे आवश्यक आहे.      कुलगुरू डॉ. संतोष सोनवणे म्हणाले की,' आजच्या स्पर्धेच्या युगात विद्यार्थ्यांसाठी मोठ्या संधी उपलब्ध आहेत. बहुराष्ट्रीय कंपन्यांच्या गरजा ओळखून कौशल्यधिष्ठित विद्यार्थी होण्यासाठी आपण प्रयत्नशील राहिले पाहिजे. माजी मंत्री हर्षवर्धन पाटील यांच्या माध्यमातून पिंपरी चिंचवड विद्यापीठ विद्यार्थ्यांना जागतिक संधी उपलब्ध करून देत आहे.एआय भीती नसून ती एक स...

इंदापूर उजणी धरणाचे पात्र सध्या शेतीसाठी पाणी नाही, तर वाळू माफियांसाठी 'सोन्याची खाण' बनले आहे. रात्रंदिवस धरणाच्या छाताडावर यंत्रे चालवून वाळूची चोरी सुरू असताना, याकडे जाणीवपूर्वक डोळेझाक करणाऱ्या नालायक' आणि 'लाचखोर' यंत्रणेला आता जनतेच्या संतापाचा सामना करावा लागणार आहे.  आज ज्या हातांनी कायद्याचे रक्षण करायचे, तेच हात जेव्हा वाळू माफियांकडून 'हप्ते' घेण्यासाठी पुढे सरसावतात, तेव्हा या व्यवस्थेची लक्तरे वेशीवर टांगली जातात. या हप्तेखोर अधिकाऱ्यांना आणि कर्मचाऱ्यांना एक प्रश्न विचारण्याची वेळ आली आहे ,  ज्या पैशांनी तुम्ही तुमच्या मुलांची स्वप्ने सजवत आहात, तो पैसा उजणीच्या काळजाला पडलेल्या जखमांचा आहे. निसर्गाचा हा ऱ्हास उद्या तुमच्याच लेकराबाळांच्या तोंडचे पाणी पळवल्याशिवाय राहणार नाही. भ्रष्टाचाराच्या पैशाने माजलेली ही श्रीमंती उद्याच्या वाळवंटाची नांदी आहे, याचे भान या 'लाज गहाण' ठेवलेल्या लोकांना राहिलेले नाही..!  नेत्यांनो लक्ष घाला, अन्यथा परिस्थिती हाताबाहेर जाईल .! तालुक्यातील राजकीय धुरंधर आणि वजनदार नेते कृषीमंत्री. दत्तात्...

वाल्हे प्रतिनिधी- सिकंदर नदाफ देशात वेगवेगळे धर्म, जाती,पोटजाती असून अनेक भाषा बोलल्या जातात तसेच सण उत्सव देखील गुण्यागोविंदाने साजरे केले जातात परंतु या सर्वांना एकत्र जोडण्याचे काम महामानव डॉ बाबासाहेब आंबेडकर यांच्या संविधानामुळे शक्य झाले आहे महापुरुषांनी केलेले महान कार्यआजच्या पिढीपर्यंत पोहचण्यासाठी महापुरुषांची जयंती डीजेच्या तालावर नव्हे तर त्यांचे विचार वाचून साजरी करायला हवी असे मत पुणे जिल्हा मध्यवर्ती सहकारी बँकेचे अध्यक्ष प्रा.दिगंबर दुर्गाडे यांनी व्यक्त केले. वाल्हे ( ता. पुरंदर ) येथील सिद्धार्थ नगरमध्ये डॉ. बाबासाहेब आंबेडकर यांचा जन्मोत्सव उत्साहात साजरा करण्यात आला यावेळी आयोजित कार्यक्रमात प्रा. दिगंबर दुर्गाडे हे बोलत होते.ते पुढे म्हणाले छत्रपती शिवाजी महाराज क्रांतिसूर्य महात्मा ज्योतिबा फुले तसेच डॉ. बाबासाहेब आंबेडकर यांच्या अतुलनीय कार्याची व त्याच्या प्रगल्भ विचारांची पारदर्शक माहिती आजच्या पिढीला असणे तितकेच गरजेचे आहे . या प्रसंगी वाल्हे गावचे सरपंच अतुल गायकवाड जिल्हा परिषदेच्या सदस्या प्राजक्ता दुर्गाडे उपसरपंच सागर भुजबळ आरपीआयचे अध्यक्ष शै...