SHIVSRUSTHI NEWS मराठी

 इंदापूर येथील मातोश्री रमाबाई आंबेडकर विद्यार्थी वसतिगृह ट्रस्ट संचलित प्राथमिक,माध्यमिक,उच्च माध्यमिक आश्रमशाळा तसेच मुलांचे व मुलींचे अनुदानीत वसतिगृह यांच्या वतीने डॉ.बाबासाहेब आंबेडकर शैक्षणिक संकुलात ( दि.२६) संविधान दिन उत्साहात साजरा करण्यात आला. यावेळी संविधान उद्देशिका, तथागत गौतम बुद्ध मूर्ती, भारतीय राज्यघटनेचे शिल्पकार डॉ.बाबासाहेब आंबेडकर व संस्थेचे दिवंगत अध्यक्ष रत्नाकर मखरे यांच्या प्रतिमांना संस्थेचे सचिव ॲड.समीर मखरे यांच्या हस्ते पुष्पहार अर्पण करुन अभिवादन करण्यात आले. यावेळी संविधान उद्देशिकेचे प्रकट वाचन कु.शुभांगी जाधव, दीक्षा कडवळे या विद्यार्थीनींनी केले. यावेळी प्रा. रेश्मा झेंडे, प्रा.जावेद शेख यांनी संविधानाची माहिती दिली. तसेच मुख्याध्यापक साहेबराव पवार यांनी मार्गदर्शन केले. यावेळी कार्यक्रमास प्राचार्या अनिता साळवे, अधिक्षक,शिक्षक - शिक्षकेतर कर्मचारी, विद्यार्थी उपस्थित होते.सूत्रसंचालन नानासाहेब सानप यांनी केले.

इंदापूर, डॉ. संदेश शहा. इंदापूर विधानसभा मतदार संघ निवडणुकी मध्ये महायुतीचे उमेदवार माजी मंत्री, आमदार दत्तात्रय भरणे यांनी महाविकास आघाडीचे उमेदवार माजी मंत्री हर्षवर्धन पाटील यांचा तिसऱ्यांदा पराभव करत विजयाची हॅटट्रिक केली. दत्तात्रय भरणे हे १९४१० मतांनी विजयी झाले. मतदारांनी त्यांना केलेल्या कामाची पोचपावती दिली. इंदापूर येथील शासकीय गोदामात शनिवार दिनांक २३ नोव्हेंबर रोजी सकाळी आठ वाजता निवडणूक निर्णय अधिकारी डॉ. कल्याण पांढरे, सहाय्यक निवडणूक अधिकारी जीवन बनसोडे यांच्या प्रमुख उपस्थितीत ११९ कर्मचाऱ्यांनी उमेदवार प्रतिनिधींच्या उपस्थितीत मतमोजणी स प्रारंभ केला. यावेळी पोलीस निरीक्षक सूर्यकांत कोकणे व सहकाऱ्यांनी चोख बंदोबस्त ठेवला होता. इंदापूर विधानसभा मतदार संघात १ लाख ७४ हजार ८३२ पुरुष, १ लाख ६६६३१ महिला, इतर २२ असे एकूण ३ लाख ४१ हजार ४३५ मतदार आहेत. त्यापैकी १३६१५२ पुरुष, १२६४७२ महिला असे एकूण २ लाख ६२ हजार ६३५ मतदारांनी आपला मताचा अधिकार बजावला होता. मतमोजणीस पंचवीस फेऱ्या ठेवण्यात आल्या होत्या. माजी मंत्री हर्षवर्धन पाटील यांनी राष्ट्रवादी काँग्रेस ...

इंदापूर,डॉ. संदेश शहा. इंदापूर विधानसभा मतदारसंघ निवडणुकीत उभे असणारे महायुतीचे उमेदवार, विद्यमान आमदार दत्तात्रय भरणे, महाविकास आघाडीचे उमेदवार तथा माजी मंत्री हर्षवर्धन पाटील, जिल्हा परिषदेचे माजी आरोग्य व बांधकाम सभापती तथा आंतरराष्ट्रीय प्रसिध्दी प्राप्त सोनाई दूध संघ व परिवाराचे संचालक प्रविण माने यांच्यासह इतर सर्व उमेदवारांचे भवितव्य कुलूपबंद झाले   आहे. दिनांक २३ नोव्हेंबर रोजी निकाल असून या निवडणुकीत कोण विजयी होणार यावरून समर्थकांमध्ये पैजा लागल्या आहेत. राज्यात महायुतीचे किंवा महाविकास आघाडीचे सरकार येणार या चर्चेबरोबरच राज्य मंत्रीमंडळात कोणाचा समावेश होणार याची देखील चर्चा इंदापूर तालुक्यात रंगली आहे. ही निवडणूक दत्तात्रय भरणे विरुद्ध हर्षवर्धन पाटील अशी असली तरी ही निवडणूक राजकारणातील महावस्ताद शरद पवार विरुद्ध वस्ताद अजित पवार यांच्यात रंगली आहे मात्र राष्ट्रवादी काँग्रेस शरदचंद्र पवार पक्षाचे बंडखोर अपक्ष उमेदवार प्रविण माने यांनी शिस्तबध्द प्रचार यंत्रणा राबवून प्रचारात प्रस्थापितांना मोठे आव्हान उभे केले. त्यामुळे दत्तात्रय भरणे, हर्षवर्धन पाटील वि...

इंदापूर, डॉ. संदेश शहा. इंदापूर विधानसभा मतदार संघात सायंकाळी पाच वाजे पर्यंत सुमारे ६४.४४ टक्के मतदान झाले असून अनेक ठिकाणी मतदारांच्या रांगा होत्या. रात्री उशिरा प्रशासनाने दिलेल्या माहिती नुसार इंदापूर तालुक्यात ७६.१० टक्के मतदान झाले. मागील निवडणुकीत ७६.३४ टक्के मतदान झाले होते. यंदा मागील निवडणुकीपेक्षा मतदानात पॉईंट २४ टक्के घट झाली आहे. तरी देखील या निवडणुकीतील चुरस वाढली आहे. त्यामुळे मतदान कुणाला तारणार व कुणाला पाडणार यासंदर्भात खमंग चर्चा सर्वत्र रंगली असून इंदापूर येथे धक्कादायक निकाल लागेल अशी सर्वत्र चर्चा आहे. नेते आता निकालासाठी घड्याळाकडे पहात आहेत तर कार्यकर्ते विजयासाठी तुतारी सज्ज ठेवत आहेत तर काही कार्यकर्ते किटली तील गरम चहा देवून निकालाची वाट पहात आहेत ! दरम्यान विद्यमान आमदार तथा महायुतीचे उमेदवार दत्तात्रय भरणे, माजी मंत्री तथा महाविकास आघाडीचे उमेदवार हर्षवर्धन पाटील, अपक्ष उमेदवार प्रविण माने यांनी आपल्या कुटुंबासह मतदान करून विजयाचा दावा केला. दत्तात्रय भरणे यांनी भरणेवाडी येथे पत्नी सौ. सारिका, पुत्र  श्रीराज, सर्व ...

वाल्हे प्रतिनिधी : सिकंदर नदाफ   पुरंदर  तालुक्यात राजकीय चळवळीचे उगमस्थान म्हणून ओळखल्या जाणाऱ्या वाल्हे गाव भागात विधानसभेच्या निवडणूकीसाठी एकूण ८ हजार ९३६ पैकी ६ हजार ९५ मतदारांनी मतदानाचा हक्क बजावल्याने ६८ % चुरशीचे मतदान झाले आहे यावेळी वाल्हे गावठाण येथील केंद्र्क्रमांक ३७१ मधून ११६६ पैकी ७५८ केंद्रक्रमांक ३७२ मधून ८७९ पैकी ५५४ केंद्र्क्रमांक ३७३ मधून ८५४ पैकी ५०३ तर केंद्र्क्रमांक ३७४ मधून १२१३पैकी ७७०जणांनी मतदानाचा हक्क  बजावला ,यासह कामठवाडी येथे ९४७ पैकी ६३० तर अंबाजीचीवाडी येथे ७२१ पैकी ५३८,वागदरवाडीत ६४२पैकी ४२४ , मोरुजीचीवाडी ८०० पैकी ५८० तर आडाचीवाडी येथे ९६४  पैकी ७२८ तसेच सुकलवाडी येथे ७५० पैकी ६१० मतदारराजांनी आपले मत इव्हिएम यंत्रात बंद केल्याने सरासरी ६८ % मतदान झाले आहे . यावेळी निवडणूक प्रक्रिया सुरळीत पार पडावी यासाठी जेजुरी पोलीस ठाण्याचे पोलीस निरीक्षक दीपक वाकचौरे  यांच्या नेतृत्वाखाली उपनिरीक्षक शिवाजी काटे हवालदार संदीप पवार लक्ष्मण करडे प्रशांत जाधव सुनील जाधव आदी पोलीस कर्मचाऱ्यांनी चोख बंदोबस्त ठेवला होता.

इंदापूर, डॉ. संदेश शहा. प्रवीणभैय्या हा जाती पातीचे राजकारणाला थारा न देता सर्वधर्म समभाव केंद्रस्थानी मानून काम करणारा नेता असून गरिबांच्या उपयोगी पडणारा, संकटकाळात धावून जाणारा कर्तबगार युवक आहे. तो माझा पोरगा असून तो तुमच्या स्वाधीन करतोय, त्याचा सांभाळ करायची जबाबदारी तुम्हा सर्वांवर आहे. सणसर येथील सभेत आमचे दैवत शरद पवार यांनी प्रविण भैय्या याचे नाव देखील न घेता ऊसाला कमी दर देणाऱ्या कारखानदारांना पाडा असा संदेश दिला आहे. त्यामुळे समजने वालो को इशारा काफी है असे म्हणत सोनाई परिवाराचे अध्यक्ष दशरथ माने यांनी प्रविण माने यास विजयी करून विधानसभेत पाठवा, तालुक्याचा सर्वांगीण विकास केल्याशिवाय स्वस्थ बसणार नाही असे सूतोवाच केले! परिवर्तन विकास आघाडीचे उमेदवार प्रवीण माने यांना मतदानरूपी आशीर्वाद देण्याचे आवाहन सोनाई परिवाराचे अध्यक्ष दशरथ माने यांनी केले. इंदापूर येथे परिवर्तन विकास आघाडीचे उमेदवार प्रवीण माने यांची सांगता सभा प्रियदर्शनी इंग्लिश मीडियम स्कूलच्या मैदानावर सोमवार दिनांक १८ नोव्हेंबर रोजी पार पडली, त्या वेळी विराट सभेत मार्गदर्शन करताना दशरथ मान...

पुणे, दि. १८:  मतदान प्रक्रिया सुलभ होवून मतदारांना मतदानाचा सुखद अनुभव यावा, मतदानाच्या टक्केवारीता वाढ व्हावी याकरीता निवडणुका निर्भय, भयमुक्त, निःपक्ष वातावरणात पार पाडण्यासाठी प्रशासन सज्ज आहे; याकरिता विविध राजकीय पक्षांनी जिल्हा प्रशासनास सहकार्य करावे, असे आवाहन जिल्हाधिकारी तथा जिल्हा निवडणूक अधिकारी डॉ. सुहास दिवसे यांनी केले आहे.  जिल्हाधिकारी कार्यालयात विविध राजकीय पक्षाच्या प्रतिनिधीसोबत आयोजित बैठकीत ते बोलत होते. यावेळी उप जिल्हा निवडणूक निर्णय अधिकारी मीनल कळसकर, तहसीलदार शीतल मुळे, राहूल सारंग यांच्यासह विविध राजकीय पक्षाचे प्रतिनिधी उपस्थित होते.  डॉ. दिवसे म्हणाले, विधानसभा सार्वत्रिक निवडणूक २०२४ च्या अनुषंगाने २० नोव्हेंबर रोजी मतदान आणि २३ नोव्हेंबर २०२४ रोजी मतमोजणी होणार असून याकरीता जिल्हाप्रशासनाच्यावतीने जय्यत तयारी करण्यात आली आहे. १८ नोव्हेंबर २०२४ रोजी सायंकाळी ६ वाजल्यापासून पुढील ४८ तास उमेदवारांना जाहीर प्रचारावर बंदी करण्यात आली आहे, यामध्ये मुद्रित, इलेक्ट्रानिक, समाजमाध्यमे, व्हॉट्सॲप, रेडिओ, फलके, राजकीय सभा आदी कोणत्याही म...

इंदापूर, डॉ. संदेश शहा. राज्याचे भवितव्य ठरविणाऱ्या या विधानसभा निवडणुकीत   महायुतीस पोषक वातावरण असल्याने महायुती पुन्हा सत्तेवर निश्चित येणार आहे. इंदापूर विधानसभा मतदारसंघ निवडणुकीत महायुतीचे लोकप्रिय कर्तबगार उमेदवार दत्तात्रय भरणे हे विजेतेपदाची निश्चित हॅटट्रिक करतील मात्र तुम्ही त्यांना रेकॉर्ड ब्रेक मताधिक्याने विजयी करा असे आवाहन राज्याचे उपमुख्यमंत्री अजित पवार यांनी केले. इंदापूर शहरातील जुन्या कृषी उत्पन्न बाजार समिती मैदानात झालेल्या महायुतीचे उमेदवार दत्तात्रय भरणे यांच्या विराट प्रचार सांगता सभेत ते बोलत होते. अजित पवार पुढे म्हणाले, महायुती मध्ये राष्ट्रवादी काँग्रेस अजित पवार पक्षाच्या वाट्यास विधानसभा निवडणुकी त ५८ जागा आल्या असून आपण त्यामधील २० टक्के ओबीसी, साडे बारा टक्के एसटी, मुस्लिम समाज १० टक्के, महिलांना १० टक्के प्रतिनिधित्व देत समतेचा, फुले शाहू आंबेडकर यांचा विचार पुढे नेत आहोत. दत्तात्रय भरणे यांनी सत्ता असो वा नसो, आपल्या आमदारकीच्या काळात दोन वर्ष कोरोना साथ सोडून केवळ तीन वर्षातच ६२६३ कोटी रुपयांची विकासकामे खेचून आणली आहेत. दत्ता मामा तसेच आप...