"युवकांनी विकसित भारताचे ब्रँड अंबेसिडर व्हावे : ना. रक्षाताई खडसे( राज्यमंत्री,क्रीडा ,युवक कल्याण मंत्रालय भारत सरकार)

इंदापूर,

डॉ. संदेश शहा. राज्यातील तरुणांनी माय पोर्टल व्दारे विकसित भारत या अभियानात सामील होणे गरजेचे आहे. युवा पिढीने विकसित भारताचे स्वप्न साकारण्या करता पुढे येवून विकसित भारताचे ब्रँड अँबेसेडर व्हावे,असे आवाहन केंद्रीय क्रीडा राज्यमंत्री नामदार रक्षाताई खडसे यांनी केले.

पुणे खडकी मधील टिकाराम जगन्नाथ महाविद्यालयात विकसित भारत अँम्बेसेडर युवा कनेक्ट उपक्रमातंर्गत आयोजित कार्यक्रमात त्या बोलत होत्या. यावेळी महाविद्यालय आवारात एक झाड आईच्या नावे ( एक पेड मां के नाम ) या केंद्रशासन प्रणित उपक्रमातंर्गत रक्षा खडसे यांचे हस्ते वृक्षारोपण करण्यात आले. यावेळी त्यांनी महाविद्यालयातील युवा यु ट्युबरर्सशी सुसंवाद साधला. यावेळी संस्थेचे अध्यक्ष कृष्णकुमार गोयल यांच्यासह मान्यवर उपस्थित होते. यावेळी रक्षा खडसे यांनी उपस्थित युवा पिढीस पंतप्रधान नरेंद्र मोदी यांनी सुरु केलेल्या भारत सरकारच्या विविध योजनांची माहिती दिली. विशेषत: त्यांनी 'माय भारत पोर्टल' विषयी माहिती देऊन यात सर्वांनी नोंदणी करण्याचे आवाहन त्यांनी केले. विकसित भारताचा आराखडा शिक्षण, आरोग्य, कौशल्य, क्रिडा आणि संस्कृती या पाच स्तरांवर आधारित असल्याचे रक्षा खडसे यांनी यावेळी आवर्जून सांगितले. यावेळी राष्ट्रीय नेमबाज पटु आश्विनी पाटील हिचा सत्कार रक्षा खडसे यांच्या हस्ते करण्यात आला.

 प्रारंभी ना. खडसे यांचा यथोचित सत्कार संस्थेचे अध्यक्ष कृष्णकुमार गोयल यांच्या हस्ते झाला. 

यावेळी संस्थेचे सचिव आनंद छाजेड, सर्व संस्था पदाधिकारी, सहायक आयुक्त सूरज महाजन,शासकीय अधिकारी, संस्थेचे सर्व शिक्षक, शिक्षकेतर कर्मचारी, विद्यार्थी वृंद मोठया संख्येने उपस्थित होते. प्राचार्य डॉ संजय चाकणे यांनी सर उपस्थितांचे स्वागत व प्रास्ताविक केले. या कार्यक्रमाचे समन्वयक डॉ. नीलेश काळे यांनी आयोजन केले. डॉ. शीतल रणधीर व प्रा. राजेंद्र लेले यांनी सूत्रसंचालन केले. सचिव आनंद छाजेड यांनी कार्यक्रमाचे आभारप्रदर्शन केले.