मुख्य सामग्रीवर वगळा

नीरा भीमा कारखान्याचा ऊस बिलाचा रु. 100 चा हप्ता- भाग्यश्री पाटील


-7 लाख मे.टन ऊस गाळपाचे उद्दिष्ट  
-वार्षिक सभा खेळीमेळीत संपन्न
इंदापूर : प्रतिनिधी दि.26/9/25
                         निरा भिमा सहकारी साखर कारखान्याकडून मागील सन 2024-25 च्या हंगामामध्ये गाळप झालेल्या ऊसाला दिवाळीपूर्वी प्रति टन रु. 100 प्रमाणे ऊस बिलाचा हप्ता येत्या दि. 10 ऑक्टोबर पूर्वी बँक खात्यामध्ये जमा केला जाणार आहे. कारखान्याने आगामी सन 2025-26 च्या गळीत हंगामामध्ये 7 लाख मे.टन ऊस गाळपाचे उद्दिष्ट ठेवले आहे, अशी माहिती कारखान्याच्या अध्यक्षा सौ.भाग्यश्री हर्षवर्धन पाटील यांनी शुक्रवारी (दि.26) दिली.
          शहाजीनगर (ता.इंदापूर ) येथील निरा भिमा सहकारी साखर कारखान्याची सन 2024-25 ची 27 वी वार्षिक सर्वसाधारण सभा कारखान्याच्या भाग्यरत्न सांस्कृतिक भवनमध्ये खेळीमेळीच्या वातावरणामध्ये संपन्न झाली. यावेळी सर्व विषयांना एकमताने मंजूरी देण्यात आली. सभेच्या अध्यक्षस्थानी कारखान्याच्या अध्यक्षा सौं.भाग्यश्री पाटील होत्या. 
       सौं.भाग्यश्री पाटील पुढे म्हणाल्या, माजी मंत्री हर्षवर्धन पाटील यांनी स्थापना केल्यानंतर कारखान्याने गेली 25 वर्षामध्ये नेत्रदीपक प्रगती केली आहे. कारखाना प्रतिदिनी 5 ते 5500 मे. टन क्षमतेने उसाचे गाळप करणार आहे. आपल्या कारखान्यास आजपर्यंत देश व राजपातळीवरील 13 पुरस्कार मिळाले आहेत. पाठीमागील काळात काही अडचणीमुळे उसाच्या पेमेंटला उशीर झालेबद्दल भाग्यश्री पाटील यांनी दिलगिरी व्यक्त केली. कारखान्याच्या कामगारांना दिवाळीनिमित्त एक पगार बोनस दिला जाईल, अशी घोषणाही भाषणामध्ये अध्यक्षा सौ.भाग्यश्री पाटील यांनी केली.
      यावेळी कारखान्याचे संस्थापक व राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील भाषणात म्हणाले, निरा भिमा कारखान्याची स्थावर मालमत्ता रु. 547 कोटी झाली आहे. पुणे जिल्हा मध्यवर्ती सहकारी बँकेने बैठकीत कर्ज प्रस्ताव मंजूर झालेला असतानाही कारखान्यास मे महिन्यात कर्ज दिले नाही. त्यामुळे ऊस बिल, कामगार पगार देण्यास अडचणी आल्या व विलंब झाला. कारखान्यास कर्ज का दिले नाही हे बँकेस या सभेच्या माध्यमातून सभासद विचारणार आहेत. तसेच कारखान्याकडून आगामी गळीत हंगामामध्ये पुणे जिल्हा बँकेची सोसायटीकडील शेतकऱ्यांच्या कर्जाची रक्कम ऊस बिलातून कपात केली जाणार नाही, असे भाषणात हर्षवर्धन पाटील यांनी जाहीर केले.
     कारखान्याकडून फेब्रुवारी महिन्यात गाळपास येणाऱ्या खोडवा उसास प्रति टन रु. 50 अनुदान दिले जाईल तसेच ऊसाच्या 86032 वाणाच्या लागणीस 30 रुपये अनुदान प्रति टन अनुदान दिले जाईल. तर आडसाली, सुरू, पूर्व हंगामी, निडवा उसासाठी प्रत्येकी 21, 15, 11 हजार रुपये प्रमाणे एकूण 15 पुरस्कार दिले जातील. त्याचप्रमाणे ऊस तोडणी वाहतुकीसाठी सर्वोत्कृष्ट ऊस पुरवठा करणाऱ्या ट्रॅक्टर, बैलगाडी, हार्वेस्टर साठी प्रत्येकी एक पुरस्कार दिला जाईल, अशी घोषणाही हर्षवर्धन पाटील यांनी केली. ऊस तोडणी प्रोग्रॅम शेतकीच्या नियमानुसार चालेल, ब्रिक्स प्युरिटी सॅम्पल तपासूनच ऊस तोडणी केली जाईल, त्यात कोणीही हस्तक्षेप करणार नाही, असा कडक इशाराही हर्षवर्धन पाटील यांनी भाषणात दिला आहे.
    नीरा भीमा कारखाना बायो-सीएनजी प्रकल्प आगामी काळात उभारणार आहे. तसेच कारखाना स्वखर्चाने कार्यक्षेत्रात 5 गटांमध्ये ए. आय. तंत्रज्ञानावरील ऊस शेतीसाठी हवामान केंद्र उभारणार आहे. प्रत्येक गटामध्ये किमान 100 एकर ऊस शेती ए. आय. ( कृत्रिम गुणवत्ता) तंत्रज्ञानावर शेतकऱ्यांनी घेण्याचे आहे. तसेच 10 वर्षासाठी साखर उद्योगाचे धोरण असावे, चालू वर्षी 25 लाख मे. टन साखर निर्यातीस केंद्राने परवानगी द्यावी, असा पाठपुरावा राष्ट्रीय सहकारी साखर कारखाना महासंघाच्या माध्यमातून केंद्र सरकारकडे सुरू असल्याचे हर्षवर्धन पाटील यांनी भाषणात नमूद केले. नीरा भीमा कारखान्यास चांगल्या गुणवत्तेचा ऊस देऊन सहकार्य करावे, असे आवाहनही यावेळी हर्षवर्धन पाटील यांनी केले.
    राष्ट्रीय सहकारी साखर कारखाना महासंघाचा अध्यक्षपदाच्या माध्यमातून साखरेची एम.एस.पी. प्रति किलो रु.40 करावी व इथेनॉलच्या दरवाढी संदर्भात केंद्राकडे पाठपुरावा सुरू असल्याचे हर्षवर्धन पाटील यांनी नमूद केले.
   या सभेत श्रद्धांजली ठराव कार्यालयीन अधीक्षक सुभाष घोगरे यांनी मांडला. तसेच सध्या दुर्गा नवरात्रोत्सव चालू असल्याने महिला अध्यक्षा म्हणून सौं.भाग्यश्री पाटील यांचा सन्मान शेतकरी संघर्ष समितीच्या वतीने पवनराजे घोगरे व इतरांनी केला.
 अहवाल वाचन कार्यकारी संचालक एन. ए. सपकाळ यांनी केले. या सभेस लालासाहेब पवार, विलासराव वाघमोडे, अँड. कृष्णाजी यादव, दत्तू सवासे, प्रतापराव पाटील, प्रकाश मोहिते, संजय बोडके, राजकुमार जाधव, विजय घोगरे, सुभाष गायकवाड, राजेंद्र देवकर, उमेश पाटील, महेशकुमार शिर्के, आनंदराव बोंद्रे, रामचंद्र नाईक, राहुल कांबळे, संगिता पोळ, कल्पना शिंदे, पदाधिकारी, सभासद, अधिकारी उपस्थित होते. आभार उपाध्यक्ष दादासाहेब घोगरे यांनी मानले. 
------------------------
नीरा भीमाचा चालु होणारा सन 2025-26 चा गळीत हंगाम हा रौप्यमहोत्सवी गळीत हंगाम आहे. कारखान्याचे संस्थापक हर्षवर्धन पाटील यांचे नेतृत्वाखाली उसाचे 7 लाख मे. टन गाळप व साखर उतारा 11.50 टक्के पूर्ण करण्याचे संचालक मंडळाचे उद्दिष्ट आहे. आगामी गळीत हंगामामध्ये उसाचे पेमेंट वेळेवरती होईल, त्यामध्ये कधीच विलंब होणार नाही, याची ग्वाही मी देते असे भाग्यश्री पाटील यांनी नमूद केले. तसेच कारखाना ऊस दरात मागे राहणार नाही, अशीही ग्वाहीही त्यांनी दिली.

====
------------------------------------ 
राष्ट्रीय सहकारी विकास निगम (एनसीडीसी) मार्फत पुढील वर्षी देशात 1 हजार हार्वेस्टर घेणेसाठी 6 टक्के व्याजदराने कर्ज देण्याचा निर्णय सहकार मंत्री अमित शाह यांनी घेतला आहे. या धोरणानुसार पुढील वर्षी नीरा भीमाच्या माध्यमातून 50 हार्वेस्टर घेण्याचे नियोजन असल्याची माहिती एन.सी.डी.सी.नवी दिल्लीचे संचालक असलेले हर्षवर्धन पाटील यांनी यावेळी दिली.

-------------------------------
 निरा भिमा कारखान्याने शेतकऱ्यांचा विश्वास केला आहे. त्यामुळे नुकतीच झालेली कारखान्याची निवडणूक बिनविरोध झाली. नीरा भीमा हा सलग 5 निवडणुका बिनविरोध होणारा एकमेव कारखाना आहे, असे गौरोदगार हर्षवर्धन पाटील काढले. या विश्वासास पात्र राहून कारखान्याचे कामकाज आगामी काळातही केले जाईल, अशी ग्वाही त्यांनी दिली.

टिप्पण्या

या ब्लॉगवरील लोकप्रिय पोस्ट

जय भवानीगड विकास प्रतिष्ठान मधील बालचिमुकल्यानी घेतला आठवडा बाजाराचा आनंद

  इंदापूर जय भवानी गड विकास प्रतिष्ठान संचलित, विद्या निकेतन स्कूल अ‍ॅण्ड जुनियर कॉलेज व प्रेसिडेंसी इंटरनॅशनल स्कूल, विद्या निकेतन कॉलेज ऑफ फार्मसी व विद्यानिकेतन इन्स्टिटय़ूट ऑफ इंजिनिअरिंग अ‍ॅण्ड टेक्नॉलॉजी यांच्या संयुक्त विद्यमाने दिनांक 05/12/2025 रोजी आठवडा बाजाराचे नियोजन करण्यात आले होते.  विद्यार्थ्यांंना बाजारातल्या व्यवहाराची माहिती देण्यासाठी आणि त्यांना प्रत्यक्ष अनुभव देण्यासाठी प्रशाले मध्ये आठवडा बाजार भरवला होता. बाजारातील खरेदी विक्रीची माहिती मिळावी, पैश्याचा वापर कसा करावा याची जाणीव असावी, या उद्देशाने या आठवडे बाजाराचे नियोजन करण्यात आले होते.विद्यार्थ्यांचा आत्मविश्वास वाढावा पैश्याचे महत्त्व समजावे . भाजीपाला विक्री सोबत फळभाज्या विविध फळे, विविध खाद्यपदार्थ यांच्या खवय्यांनी विद्यार्थ्यांनी मनसोक्त आनंद लुटला.  फळे , भाजीपाला विक्री करताना विद्यार्थ्यांच्या चेहर्‍यावरचा आनंद ओसंडून वहात होता.  बाजारातील उत्साह आणि लगबग पाहून संस्थेच्या उपाध्यक्षा चित्रलेखा ढोले यांनी विद्यार्थ्यांचे विशेष कौतुक केले. सदर कार्यक्रमा...

जिल्हा परिषदेच्या निवडणुकीत काँग्रेस बाजी मारणार - फडतरे

वाल्हे प्रतिनिधी- सिकंदर नदाफ आगामी जिल्हा परिषदेसह पंचायत समितीच्या निवडणुकीत जनशक्तीच्या जोरावर काँग्रेसच बाजी मारणार असल्याचा आशावाद काँग्रेस कमिटीचे नवनिर्वाचित तालुकाध्यक्ष साहेबराव फडतरे यांनी व्यक्त केला. वाल्हे ( ता. पुरंदर ) येथील महर्षी वाल्मीकी ऋषींच्या मंदिरात काँग्रेससह उध्दव बाळासाहेब ठाकरे तसेच आम आदमी पार्टीच्या कार्यकर्त्यांकडून साहेबराव फडतरे यांच्या निवडीबद्दल सत्कार सोहळ्याचे आयोजन करण्यात आले होते. यावेळी सत्काराला प्रतिउत्तर देताना फडतरे हे बोलत होते. ते पुढे म्हणाले आज मिळालेला सन्मान माझ्यासाठी खूप मोलाचा आहे. या सन्मानामुळे मला माझ्या कामाची जबाबदारी अधिक जाणवते. यापुढेही मी माझ्या कार्यातून समाजाची सेवा करण्याचा प्रयत्न करणार आहे. तसेच जिल्हा परिषदेसह पुरंदर पंचायत समितीच्या निवडणुकीत महाविकास आघाडीतील इच्छुक उमेदवारांच्या प्रचारार्थ पूर्ण ताकतीने रिंगणात उतरणार आहे. याप्रसंगी काँग्रेस ओबीसी सेलचे जिल्हाध्यक्ष राजेंद्र बरकडे शिक्षक काँग्रेसचे विभागीय अध्यक्ष सचिन दुर्गाडे तसेच किरण कुमठेकर माजी सभापती गिरीश पवार सामाजिक कार्यकर्ते अतिश...

चलो हिंगणगाव!" उजनी धरणग्रस्त शेतकऱ्यांच्या जमिनी बळकावण्याचा प्रयत्न? उद्या प्रशासनाविरुद्ध एल्गार!

इंदापूर/हिंगणगाव उजनी धरणग्रस्त शेतकऱ्यांच्या हक्काच्या जमिनींवर प्रशासनाकडून बळजबरीने ताबा मिळवण्याचा घाट घातला जात असल्याचा गंभीर आरोप करत, उद्या हिंगणगाव येथे शेतकरी एकत्र येऊन प्रशासकीय हुकूमशाहीविरुद्ध तीव्र संघर्ष पुकारणार आहेत. " शेतकऱ्यांच्या हक्कासाठी, एकजुटीची ताकद!" या घोषणेसह उद्या, गुरुवार दिनांक २१ मे २०२६ रोजी सकाळी ठीक ९:०० वाजता हिंगणगाव येथील 'मच्छबीज केंद्र' येथे मोठ्या प्रमाणावर जनआंदोलन छेडले जाणार आहे. मिळालेल्या माहितीनुसार, हिंगणगाव येथील मूळ उजनी धरणग्रस्त शेतकऱ्यांच्या जमिनी कायदेशीर प्रक्रियेला बगल देऊन, हुकूमशाही पद्धतीने आणि प्रशासनाचा वापर करून बळजबरीने मोजणी करून ताब्यात घेण्याचा प्रयत्न सरकार आणि संबंधित यंत्रणांकडून केला जात आहे. प्रशासनाच्या या मनमानी कारभारामुळे स्थानिक धरणग्रस्त शेतकऱ्यांमध्ये तीव्र असंतोष पसरला आहे. "पिढ्यानपिढ्या ज्या जमिनींवर शेतकऱ्यांचा हक्क आहे, त्या जमिनी प्रशासन सालगड्यासारखा वापर करून हिरावून घेऊ पाहत आहे," असा संताप आंदोलक शेतकऱ्यांकडून व्यक्त होत आहे. या अन्यायाविरुद्ध हिं...