श्री.संत जगद्गुरू तुकाराम महाराज पालखी सोहळ्यातील इंदापूर येथे वारकऱ्यांची मोफत आरोग्य तपासणी

इंदापूर

संत तुकाराम महाराज पालखी सोहळ्यातील इंदापूर येथे वारकऱ्यांची केली मोफत आरोग्य तपासणी आषाढी वारीच्या निमित्ताने पायी चालत असलेल्या वारकऱ्यांकरिता महाराष्ट्र राज्याचे उच्च व तंत्रशिक्षण मंत्री माननीय नामदार श्री चंद्रकांतदादा पाटील व श्री राजेशजी पांडे समर्थ युवा फाउंडेशन यांच्या माध्यमातून तसेच श्री सचिनआबा पवार यांच्या समर्थ सोशल फाउंडेशन यांच्या आयोजनातुन इंदापूर येथे सुमारे 370 वारकऱ्यांची निशुल्क आरोग्य तपासणी आज करण्यात आली. यामध्ये रक्तातील शुगर, बी पी, तपासून रिपोर्ट देण्यात आले. तसेच दातांची तपासणी व दात साफ करून गरज असेल तर सिमेंट भरून देण्यात आले तसेच डोळ्यांची मोतीबिंदू, काचबिंदू तपासणी करून नंबरचे चस्मे देण्यात आले. अशा विविध तपासण्या करण्यात आल्या यावेळी या आरोग्य शिबिराचे उदघाटन देहू संस्थाचे अध्यक्ष जगतगुरू श्री तुकाराम महाराज यांचे दहावे वंशज ह भ प श्री पुरषोत्तम महाराज मोरे यांच्या हस्ते करण्यात आले या कार्यक्रमाला वसईविरारचे उपजिल्हा अधिकारी  शेखर घाडगे, पुणे शहर भाजप उपाध्यक्ष सुनील पांडे,इंदापूर वारकरी संप्रदायीचे खुशाल कोकाटे,डॉ संजय शिंदे, प्रा शरद झोळ,कृषि अधिकारी सुधीर आवचर,सावता माळी संस्थानचे सुधीर माळी सर, माढा कृषी विभागचे  शरद पवार,गिरीश भिसे, गोरख शिंदे,सचिन महाजन, प्रसाद गारटकर इ मान्यवर उपस्थित होते तसेच या शिबीराला पुणे जिल्हा परिषद सदस्य प्रवीणभैय्या माने, तसेच समर्थ युवा फाउंडेशनच्या सौ सरोज पांडे यांनी यावेळी शिबीराला भेट दिली.