इंदापूर
काल नेहमीप्रमाणेच संध्याकाळी साडेआठ नऊ नंतर इंदापूर बस स्टॅन्ड हळूहळू शांत होत होतं दिवसभरांची लगबग गाड्यांची वर्दळ विद्यार्थी प्रवासी सुट्टीला आलेले,सुट्टीला जाणारे प्रवासी ड्रायव्हर कंडक्टर बस चे हॉर्नचा आवाज विक्रेत्यांच्या आरोळ्या यातून शांत शांत होत आयुष्याच्या उतर्तीच्या टप्प्यावर जसा आपण निवांत बसलेलो असतो त्याच पद्धतीने दमलेलं थकलेलं भागलेलं एसटी स्टँड शून्यात नजर हरवून बसलेला होता शेवटची बसची वाट पाहणारी मावशी तिची दोन लेकरं आता शेवटची बस हुकली म्हणून तिथेच कुठेतरी कोपऱ्यात पथहरी हाथरून आजची रात्र काढण्यासाठी झोपलेले प्रवासी यांची बस चुकली आहे पण उद्या सकाळी बस आहे हे एकीकडे आणि सार्वजनिक शौचालयाच्या कोपऱ्या दूरवर त्यांचे आयुष्याची बस चुकली आहे. नातीगोती जवळची माणसं आपली माणसं हरवलेल्या, बस स्टँड वर चुकलेल्या कावर बावर झालेल्या लहान लेकरासारखी आयुष्याच्या शेवटी एकाकी पडलेली.
डेपोत धक्क्याला लागलेल्या जीर्ण जुन्या बसेस सारखे किंवा जबरी अपघात होऊन भंगार अवस्थेत पडलेल्या वाहना सारखी दुर्लक्षित, नकोशी अडगळीची झालेली दहा पाच वर्ष महिने लांबलेलं नकोस झालेला आयुष्य जगणारी मग कोणी अपंग असेल ,एकाकी असेल ,व्यसनी असेल दिवसभर इंदापूरच्या बाजारपेठेत मिळेल ते मागायचं खायचं आणि परमेश्वराने वाढवून दिलेलं आयुष्य जगायचं अशी ही वाऱ्यावर जगणारी वयस्कर अपंग परमेश्वराची लेकरं झोपेला अंगाई गीत गात दुःखाची चादर ओढून सुखाची स्वप्न पाहत झोपायचं प्रयत्न करणारी काही अभागी ..
खिशात पैसे नाहीत म्हणून चालत्या बस मधून कंडक्टरने उतरून द्यावा तसं संसाराच्या प्रवासात निरोपयोगी नकोसा झालेले या लोकांना घरच्यांनी आपल्यांनी उतरवुन दिलेलं असतं
दरवर्षी दुर्लक्षतां च्या दिवाळीत यांना भेटून
त्यांना दिवाळीचा फराळ देऊन शुभेच्छा देऊन घरी जाणार का काही काम करणार का काही मदत हवी का आरोग्याच्या काहीच समस्या आहेत का किंवा स्टँडवर कोणी त्रास देते का याची चौकशी करतो.
धकाधकीच्या जीवनात आपणही आता फुलबाजी वाजवायला विसरतो काल त्यांच्या हातात फुलबाजे देऊन त्यांच्या चेहऱ्यावरचा आनंद डोळ्यात टिप ताना जे समाधान मिळाले जे सुख मिळाले ते शब्दातीत आहे
युवाक्रांती प्रतिष्ठान च्या वतीने दरवर्षी न चुकता या निराधार अनाथ वृद्ध लोकांना दीपावली शुभेच्छा देताना मी मनात विचार करतो यांची चुकलेली गाडी यांना परत मिळेल का? खरतर हे एक प्रकारचे वृद्धाश्रमच आहेत फरक येवदाच तिथंतर लोक आपलेपणाने येतात सामाजिक क्षेत्रातील दानशूर व्यक्ती मदत करतात पण इथे फक्त प्रवासी असतात बस स्टैंड वर पुढच्या प्रवासासाठी लगबग करत असताना कोणीतरी इथ राहिलेय चुकलय थांबलय वाट बघतोय हा विचारच मनात येत नाही म्हणून तर ही आगळी वेगळी दिवाळी या शेवटची एसटी चुकलेला लोकांसाठी
युवा क्रांती प्रतिष्ठानचे एडवोकेट मोरेश्वर कोकरे यांच्या वाढदिवसाच्या निमित्ताने काल दिवाळी अगोदरची दिवाळी या लोकांसोबत साजरी केली
दुर्लक्षतांची दिवाळी दुसरे चरण संपन्न
टिप्पण्या