लक्ष्मी वैभव न्युज, शिवसृष्टी न्युज

राजमाता जिजाऊ व स्वामी विवेकानंद जयंतीने योग सप्ताहाची सांगता 

 इंदापूर:- पतंजली योग परीवार व युवा भारत इंदापूर यांच्यावतीने आयोजित युवा योग सप्ताहातील योग शिबिराची सांगता राजमाता जिजाऊ आणि स्वामी विवेकानंद जयंती साजरी करून  करण्यात आली.संत सेवा मंडळ कुर्डुवाडीचे  डॉक्टर जयंत करंदीकर यांनी समारोपाच्या वेळी विज्ञानवादी जीवनात अध्यात्मिक योगाचे महत्त्व अनन्य साधारण असल्याचे सांगितले, जय इन्स्टिट्यूट नर्सिंगची विद्यार्थीनी कुमारी आकांक्षा दाभाडे या युवतीने 'मी जिजाऊ बोलते ' या विषयावर एकांकिका सादर केली तसेच तीन वर्षाची श्रीमई काटे ही राजमाता जिजाऊंची वेशभूषा करून आली होती, युवा भारत राज्य प्रभारी अतुलजी आर्य यांनी राष्ट्रीय युवा दिवसाच्या निमित्ताने दंड बैठका मगदूल संचलन करत युवकांना प्रेरित केले.

5 जानेवारी पतंजली ट्रस्ट व भारत स्वाभिमान स्थापना दिवस साजरा करून सुरू झालेला योगसप्ताह 12 जानेवारी राजमाता जिजाऊ आणि स्वामी विवेकानंद जयंती पर्यंत आयोजित करण्यात आला होता. या योगशिबीरामध्ये राज्याचे  माजी सहकार व संसदीय कार्यमंत्री हर्षवर्धन पाटील माजी राज्यमंत्री आमदार दत्तात्रय भरणे,नगराध्यक्ष अंकिता शहा सोनाई परीवाराचे अध्यक्ष दशरथ माने, राष्ट्रवादी जिल्हाध्यक्ष प्रदीप गारटकर , बी .एम.पी.चे राष्ट्रीय महासचिव अॅड. राहुल मखरे, डॉ. लक्ष्मण आसबे यांचे सह विविध राजकीय, सामाजिक, उधोग व्यवसाय क्षेत्रातील मान्यवर ,तसेच दिवाणी व फौजदारी न्यायालयातील मुख्य न्यायाधिश पी. एल. पाटील यांचेसह सर्व सहन्यायाधीश, मुख्याधिकारी रामराजे कापरे यांचे सह  इंदापूर नगरपरिषदेचे सर्व कर्मचारी ,शहरातील नामांकित डॉक्टर ,वकील,नगरसेवक सामाजिक कार्यकर्ते उद्योजक ,जय नर्सिंग इन्स्टिट्यूटच्या  सर्व युवती विविध महाविद्यालयातील युवक व युवती सहभागी झाल्या होत्या.त्यांना विविध आसने, प्राणायाम,दिनचर्या, आहार या विषयी तज्ञ मार्गदर्शकाकडून मार्गदर्शन करण्यात आले.

शिबिरादरम्यान युवा भारत च्या वतीने औद्योगिक प्रशिक्षण संस्था इंदापूर व गुरुकुल विद्या मंदिर गोखळी येथील विद्यार्थ्यांनाही योगाची प्रात्यक्षिके घेण्यात आली.

या योग शिबिरामध्ये इंटिग्रेटेड योगसाधना, यज्ञचिकित्सा रोगांनुसार योग ,प्राणायाम, एरोबिक योगा, सूर्यनमस्कार ,दंड बैठका ,अष्टांग योग ,पंचकर्म षटकर्मा विषयी माहिती सांगण्यात आली, संतुलित आहार, विषमुक्त शेती अशा विविध विषयांचे ज्ञान देण्यात आले .

यावेळी साधकांना दररोज सात्विक   अल्पोपहारही देण्यात आला.या योग सप्ताहातील योग शिबिर यशस्वी करण्यासाठी भारत स्वाभिमान ट्रस्टचे तहसील प्रभारी जयकुमार शिंदे,बिभिषन खबाले सचिन पवार यांचे सह पतंजली योग समितीचे प्रशांत गिड्डे ,मल्हारी घाडगे , रामेश्वर साठे , भालचंद्र भोसले , चंद्रकांत देवकर , काशीनाथ पारेकर , सायराभाभी आत्तार , जयश्रीताई खबाले यांनीअथक परिश्रम घेतले संपूर्ण सप्ताहात कार्यक्रमाचे सूत्रसंचालन रवींद्र परबत आणि शरद झोळ यांनी केले.आशी माहीती हमिदभाईआतार यांनी आज पत्रकारांना दिली.