SHIVSRUSTHI NEWS मराठी

बावडा ग्रामस्थांसमवेत हर्षवर्धन पाटील यांचा दसरा ऊत्सहात  इंदापूर:            बावडा ग्रामस्थांसमवेत भाजप नेते व माजी मंत्री हर्षवर्धन पाटील यांनी दसऱ्याचा सण आनंदी व उत्साही वातावरणात शुक्रवारी (दि.15) सायंकाळी साजरा केला. यावेळी हर्षवर्धन पाटील यांनी आपल्या रत्नाई निवासस्थानी परंपरेनुसार प्रतिवर्षीप्रमाणे  आयोजित कार्यक्रमात ग्रामस्थांना आपुलकीने आपट्याची पाने देत शुभेच्छा व्यक्त केल्या.                यावेळी हर्षवर्धन पाटील यांनी ग्रामस्थांशी संवाद साधत विविध विषयावरती गप्पा गोष्टी केल्या. कोरोनामुळे निर्माण झालेली परिस्थिती आता सुधारत असल्याचे त्यांनी सांगितले. परतीच्या पावसाने शेतकरी व नागरिकांना दिलासा मिळाल्याचे हर्षवर्धन पाटील यांनी नमूद केले. यावेळी बावडा ग्रामस्थांबरोबरच परिसरातील पदाधिकारी, कार्यकर्ते मोठ्या संख्येने उपस्थित होते. ___________________________

ज.मा. मोरे त्यांचा पार्थिवाचे दर्शन घेऊन हर्षवर्धन पाटील यांनी वाहीली भावपूर्ण श्रद्धांजली    इंदापूर:- पंचायत समितीचे माजी सभापती तालुक्याचे ज्येष्ठ मार्गदर्शक जगन्नाथ मारुतराव मोरे (आप्पा) यांचे आज सकाळी सहा वाजता निधन झाले. राज्याचे माजी मंत्री व भाजप नेते हर्षवर्धन पाटील यांनी त्यांचा पार्थिवाचे दर्शन घेऊन श्रद्धांजली वाहिली तसेच ते अंत्यसंस्कारासाठी उपस्थित होते.    कर्मयोगी शंकररावजी पाटील यांच्यासमवेत ज. मा.(आप्पा)मोरे यांनी कार्य केले असून तालुक्याच्या सामाजिक, राजकीय क्षेत्रात भरीव योगदान आहे. इंदापूर पंचायत समितीचे पहिले सभापती म्हणून त्यांची ओळख होती. तालुक्याच्या राजकीय, सामाजिक क्षेत्रात ज्येष्ठ मार्गदर्शक म्हणून त्यांचे कार्य होते.  मोरे कुटुंबीयांना या दुःखातून सावरण्याची परमेश्वराने शक्ती देवो अशी प्रतिक्रिया यावेळी त्यांनी व्यक्त केली.

वीज कोसळून नुकसान झालेल्या घराची हर्षवर्धन पाटील यांनी केली पाहणी जिवीतहानी नाही   इंदापूर प्रतिनिधी-    निमगाव केतकी येथील शेतकरी बबनराव पाटील यांच्या घरावरीत 1 ऑक्टोबर रोजी रात्री झालेल्या मुसळधार पावसात मोठा आवाज होऊन वीज कोसळल्याने घराचे मोठे नुकसान झाले होते आज राज्याचे माजी मंत्री व भाजप नेते हर्षवर्धन पाटील यांनी निमगाव केतकी येथील पाटील यांच्या घराची पाहणी करून त्यांना दिलासा दिला. सुदैवाने कोणतीही जीवितहानी झाली नाही मात्र विजेमुळे घराच्या स्लॅपचा काही भाग फुटून खाली आल्याने घराचे मोठे नुकसान झाले.    घरावर वीज कोसळल्याने बबनराव पाटील कुटुंबीय आणि परिसरातील नागरिक भयभीत झाले आहेत. राज्याचे माजी मंत्री हर्षवर्धन पाटील यांनी घराची पाहणी करून पाटील कुटुंबीयांना दिलासा दिला आहे.    यावेळी इंदापूर अर्बन बँकेचे चेअरमन देवराज जाधव आणि पाटील कुटुंबीय उपस्थित होते.