इंदापूर :पोलिस स्टेशनचे पोलिस निरीक्षक व त्यांचे काही सहकारी पोलिस कर्मचारी यांनी गेल्या वर्षात इंदापूर शहर व परिसरात धुमाकुळ घातला आहे. याचे अनेक व्हिडिओ व कागदोपत्री पुरावे वारंवार वरिष्ठ पोलिस अधिकाऱ्यांना पाठवून सुद्धा या गुन्हेगारी वृत्तीच्या पोलिसांच्यावर कारवाई होत नाही आसे मत निवेदनात राहुल मखरे यांनी व्यक्त केले आहे ,ते पुढे म्हणाले की,. दि. १९/१/२०२१ रोजी दुपारी ३ चे दरम्यान पोलिस वसीम नजीर शेख यांचे घरी त्यांची पत्नी व ७ वर्षाचा मुलगा अरहन घरात असताना घरी गेले. त्यौपकी मांडगे नावाच्या पोलिसाने एकट्याने घरात प्रवेश करुन आतुन दरवाजाची कडी लावली व तुझा नवरा कुठे आहे. व गुटख्याचा माल कुठे लपविला आहे हे सांग नाहीतर तुला उचलून घेऊन जाईन अशी धमकी दिली. आतुन कडी लावल्याने वसीम शेख च्या पत्नीने आरडा ओरडा सुरु केल्याने ते नंतर तेथुन निघून गेले. या संदर्भातील तक्रार देण्यासाठी अनेक महिला व कार्यकर्ते साधरपणे ४.३० पासून ते रात्री ८.३० वाजेपर्यंत पोलिस स्टेशनमध्ये थांबले होते. सहाय्यक पोलिस निरीक्षक धनवे व जाधव यांनी या प्रकाराबाबतीत महिलांची माफी मागितली, परंतु महिला तक्रार देण्यावर ठाम असल्याने रात्री ८.३० वा. पोलिसांनी तक्रार घेतली. हे सर्व प्रकरण आता अंगलट येणार आहे हे लक्षात आल्यावर पीआय सारंगकर, पोलिस कर्मचारी जितेंद्र मांडगे व चव्हाण यांनी त्याच रात्री १२.३६ ला सोहेल शेख यांच्याविरोधात गुन्हा दाखल केला.
त्या गुन्ह्याच्या एफआयआरमध्ये पोलिसांचे म्हणणे प्रमाणे सोहेल शेख व वसीम शेख पोलिसांनी हाक मारुन सुद्धा न थांबता पळून गेले असे नमुद केले आहे. हे पोलिसांचे म्हणणे धादांत खोटे आहे यासाठी आम्ही काही पुरावे देत आहोत आशी माहीती निवेदनात मा.अॅड. राहुल मखरे राष्ट्रीय महासचिव,बहुजन मुक्ती पार्टी यांनी दिली, ते पुढे म्हणाले की
१) पोलिसांचे म्हणणे प्रमाणे रेडची वेळ दुपारी असल्याने शेख मोहल्ला परिसरात पोलिसांनी हाका मारत असताना, वसीम शेख पळून जात असताना अनेक लोकांनी पाहिले असेल. पण वास्तविक पाहता अशी घटना घडलीच नसल्याने शेख मोहला व आसपासच्या परिसरात हि घटना पाहणारा एकही व्यक्ति मिळून येणार नाही.
२) याही पेक्षा महत्त्वाचा व काऊंटर पुरावा म्हणजे वसीम शेख व मी सकाळी ११.३० पासून रात्री ८.३० पर्यंत बरोबर होतो. सकाळी ११.३०ते १२.०० च्या सुमारास बामसेफ चे राष्ट्रीय महासचिव कुमार काळे साहेब यांचे बरोबर निमगांव केतकी येथील बहुजन मुक्ती पार्टीच्या निवडून आलेल्या सदस्यांचा सत्कार करण्यासाठी आम्ही एकत्रितपणे बोलेरो गाडीत निमगांव केतकी येथे गेलो . सत्काराच्या कार्यक्रमास साधारपणे १५० ते २०० लोक उपस्थित होते, व त्या ठिकाणी सामाजिक कार्यकर्ते म्हणुन वसीम शेख याचाही सत्कार करण्यात आला, त्यावेळीचे फोटो व व्हिडिओ शुर्टींग निमगांव केतकी येथील स्थानिक कार्यकर्त्यांच्याकडे उपलब्ध आहे. २.१५ चे सुमारास आम्ही निमगांव वरुन निघुन दुपारी २.३७ चे सुमारास मी वसीम शेख व इतर कार्यकर्त्यांसह घरी आलो. दुपारी ३ च्या सुमारास पत्रकार देवा राखुंडे व राहुल ढवळे हे माझ्या घरी आले. त्यांनी पुनम कडवळे या पुणे जिल्ह्यातून ग्रामपंचायत निवडणूकीत निवडून आलेल्या सर्वात तरुण ग्रामपंचायत सदस्याची मुलाखत माझ्या घरीच घेतली. त्याठिकाणी पत्रकारांच्या समोर वसीम शेख उपस्थित आहे. दि १९/१/२०२१ रोजी माझी अकलूज येथील डॉ. इनामदार यांच्याकडे अपॉयमेंट असल्याने मी, वसीम शेख व नानासाहेब घव्हाण यांना घेऊन दुपारी ४ च्या दरम्यान अकलूजला गेलो. अकलूजला निघतानाच वसीम शेख याने मला घरुन , पत्नीचा फोन आला होता. व पोलिसांनी जी असभ्य वर्तणुक केली त्याची माहिती दिली होती. व मला घरी जावे लागेल असे सांगितले परंतु पोलिस तुला खोट्या गुन्ह्यात आडकवतील, तू माझ्या बरोबर अकलूजला चल असे सांगितल्याने तो माझ्यावरोबर अकलूजला आला. अकलूज येथे मी, वसीम शेख व नानासाहेब चव्हाण सांयकाळी ६.३० च्या सुमारास इंदापूर पोलिस स्टेशमध्ये आलो. सकाळी ११.३० पासून वसीम शेख रात्री ८.३० पर्यंत माझ्याबरोबर होता. त्याबाबत निमगांव केतकी येशील कार्यकर्त्यांनी दुपारी १२,३०ते २.१५ पर्यंत काढलेले फोटो व व्हिडिओ दुपारी २.३० ते ४ च्या दरम्यान माझ्या घरचे सिसिटीव्ही फुटेज व त्यामध्ये मी, वसीम शैख, पत्रकार देवा राखुंडे व राहुल ढवळे, सुरज धाईजे, किशोर धाईंजे, नानासाहेब चव्हाण, पुनम कडवळे, संतोष ' कडवळे व अन्य लोक आहोत. त्याचे सिसिटिव्ही फुटेज आपणाकडे देत आहे. या सर्व गोष्टीवरुन हे सिद्ध होत आहे की, पीआय सारंगकर, पोलिस कर्मचारी अमित चव्हाण व मांडगे हे विकृत मनोवृत्तीने काम करीत आहेत. या मांडगे या पोलिस कर्मचाऱ्याने जे कृत्य केले त्यावर पडदा टाकण्यासाठी फिर्यादीमध्ये बनावट मजकूर टाकण्यात आला आहे. पोलिस निरीक्षक सारंगकर, पोलिस कर्मचारी चव्हाण व मांडगे यांनी त्याच्याकडील व्हिडिओ शुटींग कोर्टात दाखल करावे किंवा सार्वजनिक करावे. असे आवाहन आम्ही करीत आहोत. दि. २३/१/२०२१ पासून इंदापूर पोलिस स्टेशन समोर पिडीत महिलांचे बेमुदत धरणे आंदोलन सुरु होत आहे. पीआय सारंगकर व त्यांच्या पिटटू विषयी अनेक तक्रारी देऊन सुद्धा काहीच कारवाई होत नसल्याने शहर व परिसरातील नागरिकांच्यामध्ये असंतोष वाढत चालला आहे. या पीआयला वाचविण्यामध्ये राज्यमंत्री भरणे, पोलिस अधिक्षक, अभिनव देशमुख व अप्पर पोलिस अधिक्षक मोहिते यांचा हात असल्याने जर भविष्यात कायदा व सुव्यवस्था यांची काही परस्थिती निर्माण झाली तर या तीन लोकांना जबाबदार धरण्यात यावे. अशी मागणी गृहमंत्री व पोलिस महासंचालक यांच्याकडे करीत आहोत. पीआय सारंगकर व इतर कर्मचारी यांच्या वरगुन्हे दाखल करण्यात यावेत म्हणुन दि. १९/१/२०२१ रोजी गणपत बाबर यांनी उच्च न्यायालयात याचिका दाखल केली आहे. याचाही या पीआयवर कारवाईसाठी उपयोग करावा ' ही मागणी अॅड. राहुल मखरे राष्ट्रीय महासचिव, बहुजन मुक्ती पार्टी यांनी केली आहे,
===============================आम्ही इंदापूर पोलिस स्टेशनचे पोलिस निरीक्षक नारायण सारंगकर यांना त्यांची बाजू मांडण्याची संधी उपलब्ध करून दिली होती त्या साठी यांच्याशी भ्रमणदूरध्वनीसंचाच्या वतीने संपर्क साधला असता त्यांनी आमचा भ्रमणदूरध्वनी घेतला नाही,
============================
एकिकडे महीला सबलीकरण झाले पाहिजे म्हणून शासणाने अनेक महत्त्वपूर्ण निर्णय घेतले आहेत पण महीला इंदापूर तालुक्यात तरी सुरक्षित नाहीत याचे उदाहरण म्हणजे च वरिल घडलेली घटना. यावर महीला आयोग काय पवित्रा घेणार का मुग गिळून गप्प बसून मजाच बघणार आहेत.....
टिप्पण्या