एकिकडे कोरोना चे संकट दुसरीकडे पाण्याचे संकट
उजनी धरण मायनस मध्ये पातळी खालावली
इंदापुर:महाराष्ट्र राज्यावर एकिकडे कोरोना चे संकट आ वासून उभा आसताना पाण्याचे नविन संकट उभा राहणार आसल्याची कुनकुन लागली आहे, पाण्याची पातळी खालावली आहे.आसताना ,खाली पाणी सोडण्यात यावी आशी मागणी वाढत आहे, आशी सर्वत्र चर्चा आहे.
पाऊस नाही….नाही ….म्हणत गतवर्षी उजनी धरण १११% म्हणजे १२३ टीएमसी झाले होते. पण आज त्यातील पाण्याचा उपयुक्त साठा संपल्याने उजनीने तळ गाठला असुन वरदायनी उजनी धरणाचा प्लस मधुन मायनसमध्ये (दि.१४) रात्री प्रवेश झाला आहे.
गतवर्षी उजनीचा पाणीसाठा मार्च महिन्यात प्लस मधुन मायनस गेला होता, तर यंदा मे महिन्याच्या मध्यात झाला आहे. मागील वर्षी १५ मे रोजी उजनी धरण उणे ३८ टक्के होते. तर पाणीसाठा ४३.१६ टीएमसी होता. त्या तुलनेत या वर्षी गुरूवार १५ मे रोजी धरणात अचल पाणीसाठा ६३.०० टीएमसी आहे. पावसाळा सुरू होईल इतपत समाधानकारक पाणीसाठा धरणात असल्याने सिंचनाचा व पाणीपुरवठ्याचा प्रश्न उद्भवणार नसला तरी सध्या मुख्य कालव्यातुन ३२०० क्युसेक तर दहिगाव उपसा सिंचन १०५ क्युसेक ने विसर्ग धरणातुन चालू आहे. त्यामुळे पावसाळा चालू होईपर्यंत आणखी किती पाणीसाठा खालावणार याकडे सर्वांचे लक्ष लागले आहे. उजनी धरणाच्या १२३ टीएमसी पाणीसाठ्यापैकी ५४ टीएमसी पाणी उपयुक्त तर ६३ टीएमसी हा मृतसाठा धरला जातो, तर ६ टीएमसी पाणी अतिरिक्त पाणी आहे. कारण उजनी धरण १००% भरते त्यावेळी ११७ टीएमसी पाणी असते आणि १११% पाणी साठवले जाते त्यावेळी पाणीसाठा १२३ टीएमसी होते. सध्या उजनी धरणातील ६३ टीएमसी पाणी संपले आहे.
उजनी धरणातील पाण्यावर किमान ४५ साखर कारखाने, व दहा औद्योगिक वसाहती चालतात. तसेच सोलापूर शहरासह शेकडो गावांचा पाणीपुरवठा याच धरणाद्वारे होतो, तर हजारो हेक्टर शेतीला सिंचनाची सोय ही होते. यामुळे उजनी धरणाला राजकीय, अर्थिक व सामाजिक क्षेत्रात अनन्यसाधारण महत्त्व असल्याने जिल्ह्यासह राज्याचे लक्ष उजनीच्या पाण्यावर लागून असते.
सध्या उजनी धरणातील पाणीपातळी
*एकूण पाणीपातळी – ४९०.९९० मीटर
*एकूण क्षेत्रफळ – १९६.८१ चौ. कि. मी.
*एकूण पाणीसाठा – १७९४. ९३ दलघमी
*उपयुक्त साठा – – (उणे)०७.८८ दलघमी
*एकुण पाणीसाठा – ६३.३८ टी.एम.सी.
*उपयुक्त साठा – – (उणे)०. २८ टी.एम.सी.
*टक्केवारी – – (उणे) ०.५२ टक्के
आशी माहिती आम्हाला मिळाली आहे.
टिप्पण्या