लक्ष्मी वैभव न्युज शिवसृष्टी न्युज

इंदापूर तालुक्यातील कुक्कुटपालन व्यवसाय करणारा शेतकरी कोरोनामुळे मोठ्या आर्थिक संकटात शासनाकडे मदतीची हाक ; 

इंदापूर :तालुक्यातील सराफवाडी, पिटकेश्वर, घोरपडवाडी , निरवांगी , निमगांव केतकी अशा अनेक गावांमध्ये अनेक शेतकरी शेतीला जोडधंदा म्हणून कक्कुटपालन व्यवसाय करतात. काही शेतकऱ्याकडे कंपनीने दिल्याले पक्षी म्हणजे कोंबड्या काही शेतकऱ्यांनी असून काही शेतकऱ्यांचा स्वतःचा कुक्कुटपालनाचा व्यवसाय करतात .कोरोना आजारामुळे अफवा पसरली की कोंबडी पासून कोरोना आजार होतो यामुळे कोणी चिकन , कोंबडी खरेदी करायला तयार नाही याचा फटका कुक्कुटपालन करणाऱ्या शेतकऱ्याला खूप मोठा बसला आहे . शेतकऱ्याचं कंबरडेच मोडलं आहे . देशात संचारबंदी असल्याने आणि वाहतूक बंद आसल्याने व्यापारी यांनी कोंबडी खरेदीकडे पाठ फिरवल्याने आणि अफवेमुळे अतिशय भयंकर इंदापूर तालुक्यातील कुक्कुटपालन करणाऱ्या शेतकऱ्यांची परिस्थिती आहे .आमचे प्रतिनिधी कुक्कुटपालन करणाऱ्या शेतकऱ्याच्या पोल्ट्री फार्मवर भेट देऊन माहिती घेतली असता ४० दिवसात कोंबडीचा लाँट घेऊन जाणारी कंपनी आणि व्यापारी ८५ दिवस झाले तरी शेतकऱ्यांचा माल नेहण्यास नकार दिला आहे. कोंबडीचे वजन दोन ते अडीच किलोच्या आसपास झाले कि खरेदी-विक्रीसाठी कंपनी व व्यापारी घेऊन जातात . सध्या जवळजवळ कोंबडीचे वजन तीन किलो ते साडेचार किलो झालं आहे . अनेक कोबंड्या (पक्षी ) मरू लागले आहेत . कंपनीने हात वर केल्याने शेतकऱ्याला स्वतःचं खाद्य द्यावे लागत आहे. काही शेतकऱ्याला खाद्य व कुक्कुटपालन साठी जे तुस खत लागतं हे सुद्धा परवडतं नाही .

 तुस ह्या खताचा व्यापार करणाऱ्या व्यापारी ही अतिशय मोठं संकटात सापडला आहे . अनेक टन माल खरेदी केल्याला एका जागेवर पडून असल्यामुळे तो मालाचा नुसकान होत आहे . अक्षरशः शेतकऱ्यांच्या डोळ्यात पाणी आलं नेमक काय करावं. अवकाळी पावसाचा तडाखा आणि दररोज शेकडो कोंबड्या मरतात त्याची विल्हेवाट लावतानां शेतकऱ्यांच्या डोळ्यात पाणी येत आहे. तीन-साडेतीन हजार कोबंडी (पक्षी ) यांच्यापासून तीन ते चार लाख रुपये उत्पन्न मिळणार होते . आता झालेला खर्चही निघणार नाही. काही शेतकऱ्यांना या व्यवसायामध्ये सहा ते सात लाख रुपये उत्पन्न भेटणार होते तेथे एक पट खर्चसुद्धा निघणार नाही अशी स्थिती निर्माण झाली आहे . वीस रुपयाला एक पक्षी( कोंबडी ) या दराने व्यापारी मागतात ८० रुपये किलो चिकन व्यापारी विकतात. दोनशे रुपये किलोनी मार्केटमध्ये चिकन विकत होते ते आता ८० रुपयांवर आले. फुकट कोणी कोबंडी (पक्षी ) नेह्याला तयार नाही . सराफवाडी येथील कुक्कुटपालन व्यवसाय करणारे शेतकरी बंडु जाधव, विजय जाधव आणि हिराचंद घाडगे यांनी आमच्या प्रतिनिधीला आपले दुःख भरी व्यथा त्यांनी सांगितली . कोबंडी (पक्षी) मरतात त्याचं काय करायचं खूप गंभीर प्रश्न निर्माण झाला आहे रात्रभर झोप येत नाही. चार चार, पाच हजार कोंबड्या ( पक्षी ) आहेत . हजारो-लाखो कोंबड्याचं करायचं काय हा मोठा गंभीर प्रश्न निर्माण आमच्यापुढे झाला आहे. आमची सरकारकडे एक मागणी आहे की , सरकारी यंत्रणेनी तालुका लेवला सर्वे करून , जिल्हा, मंत्रालयात सरकारकडे पाठपुरावा करून तात्काळ आम्हाला मदत करावी. आमचा खर्च तरी भेटावा यासाठी काही तरी लवकरात लवकर प्रयत्न करावेत. 

आधीचं अनेक वर्ष दुष्काळ , परत ओला दुष्काळ नंतर आता अवकाळी पावसाचा तडाखा यात पिकांचं नुसकान व शेतकऱ्यांच्या माला भाव नाही . शेतकरी आत्महत्या सारख्या गंभीर प्रश्न निर्माण होतो . परत कुक्कुटपालन व्यवसायावरती एवढं मोठं संकट नेमकं शेतकऱ्यांनी कोणाकडे हात पसरावा. जगाचा पोशिंदा यांच्या जिवनांचा गंभीर प्रश्न निर्माण झाला आहे .

सरकार व आणि राज्यकर्त्यांनी तात्काळ कुक्कुटपालन व्यवसायाला मदत जाहीर करावी आशी मागणी केली आहे . हजारो बॉयलर व कलपक्षी कोंबड्यांचं नेमकं करायचं काय ? हा शेतकऱ्यानं पुढे प्रश्न पडलाय . कोरोना आजारामुळे कुणी कोंबडी , चिकन घ्यायला तयार नाही. संचारबंदीमुळे महाराष्ट्रात कुक्कुटपालन व्यवसाय करणाऱ्या शेतकऱ्यांवर अतिशय अस्मानी संकट ओढावलं आहे . याची सरकारनी दखल घेऊन मदत करावी आशी शेतकऱ्यांनी सरकारला मदतीची हाक दिली आहे. त्या हाकेला सरकार कशी साथ देईल याकडे शेतकरी वर्गाचे लक्ष लागलं आहे . शेतकऱ्याला लवकरात लवकर मदत करावी असे अनेक शेतकऱ्यांची मागणी आहे. 

********************************************

विलासराव गाढवे 9423212127

धनंजय कळमकर 9860976747