मुख्य सामग्रीवर वगळा

या स्वार्थी दुनियेत अजुनही माणुसकी जिवंत.हरवलेले पैसे, परत..!

 इंदापूर:-हरवलेले पैसे, मोबाईल,सोने, बँग, कागदपत्रे, शक्यतो परत मिळत नाहीत.पण ते परत मिळाले तर माणुसकीचे एक उत्तम उदाहरण आहे व या जगात अजुनही प्रमाणिक लोक आहेत.अशीच एक घटना घडली आहे.
महाराष्ट्र राज्यांचे माजी मुख्यमंत्री स्वर्गीय लोकनेते विलासरावजी देशमुख  यांच्या मौजे बाभळगाव ता. जि. लातूर येथे दिनांक.16 / 10 /2025 रोजी दुपारी 2. वाजता प्रथमेश टि हाऊस चे मालक श्री शैलेश (शालिक) नाडागुडे हे घराकडे जात असताना त्यांना त्यांच्या समोर रोडवर एक पाकीट दिसले व त्यामध्ये पाहिलं असता रोख रक्कम 5000/-हजार रुपये व एक व्यक्ती,एक महिला,दोन लहान मुलांचे मुळ आधार कार्ड, आभा कार्ड, मतदार ओळखपत्र, ड्रायव्हिंग लायसन्स व इतर ओरिजनल कागदपत्रे असलेले पाकिट त्यांना सापडले.त्या मध्ये कोणाचाही मोबाईल नंबर नसल्याने कोणालाही फोन पण लावता येत नव्हता. व आधार कार्ड वरील पत्ता पुणे जिल्ह्यातील इंदापूर तालुक्यातील असल्यामुळे काही संपर्क साधता येत नव्हता त्यामुळे बराच वेळ त्या ठिकाणी थांबले मागे किंवा पुढे कोणी गेले असेल त्याचे असावे परत कोणीतरी येईल असं त्यांना वाटले.बराच वेळ वाट पाहूनही कोणीही आलं नाही.परत ते हाँटेलमध्ये आल्यानंतर आपले मित्र शिवानंद गिफ्ट सेंटरचे मालक श्री महेश जाधव यांना सर्व घटना क्रम व हाकिकत सांगितले त्यांनी आधार कार्ड वरील नाव आयुब गफ्फूर शेख पत्ता सरडेवाडी ता. इंदापूर जि. पुणे असा पत्ता होता कोठेही कुणाचाही मोबाईल नंबर नसल्याने त्या व्यक्तीला संपर्क साधने अवघड झाले होते. त्या वेळी त्या दोघांनी आपल्या गावचे म्हणजे बाभळगावचे पोलीस पाटील श्री मुक्ताराम पिटले यांना सर्व घटना क्रम सांगितले व ते पाकीट ज्या व्यक्तीचे आहे त्यांना ते आपणास परत करायचे आहे असं सांगितले त्यांनी लगेच पुणे जिल्हा पोलिस पाटील संघटनेचे अध्यक्ष श्री भरत मारकड पाटील व इंदापूर तालुक्यात पोलीस पाटील संघटनेला संपर्क साधून इंदापूर तालुक्यातील श्री प्रदीप पौळ पाटील यांना संपर्क साधला त्यावेळी पोलीस पाटील यांनी सांगितले की आधार कार्ड वरील नावांचे गाव इंदापूर पासून जवळ आहे व त्या गावाचे पोलीस पाटील पद रिक्त आहे त्यामुळे त्या गावात पोलीस पाटील नाहीत तेथील सरपंच माझे मित्र आहेत.त्यांनी त्या गावच्या सरपंच यांचा मोबाईल नंबर संपर्क साधला. व त्यांना आधार कार्ड वरील व्यक्ती तुमच्या गावातील रहिवासी आहे का असं विचारलं त्या वेळी सरपंच यांनी तो व्यक्ती आमच्या गावातील रहिवासी आहे व तो ट्रॅक्टर ड्रायव्हर आहे व तो अत्यंत गरिब कुटूंबातील आहे असं सांगितले आहे.व त्या व्यतीचा मोबाईल नंबर बाभळगावचे पोलीस पाटील मुक्ताराम पिटले यांना दिला.व त्या व्यक्तीस मोबाईल वरून संपर्क साधला असता त्यांनी सांगितले की मी लातूरला ट्रॅक्टर मालका सोबत आलो होतो व ट्रॅक्टर ची ट्रायल मारण्यासाठी लातूर -बाभळगाव - शिरूर अनंतपाळ असे जाणे- येणे केलो आहे. व मी लातूर पासून 40 किलोमीटर अंतरावर गेल्यावर मी पाणी बाँटल घेण्यासाठी पाकिट काढण्यासाठी पाहतो तर पाकिट पण नाही व पैसे पण नाहीत.ते पाकीट कुठे हरवल हे पण मला आठवत नव्हते ऐण दिवाळीच्या तोंडावर असताना पैसे हरवले खुप वाईट वाटतं होते व आता ते परत मिळणार नाही म्हणून मी सर्व आशा सोडली होती असं आयुब शेख यांनी मोबाईल वरून सांगितले* .*बाभळगावचे पोलीस पाटील श्री मुक्ताराम पिटले त्या व्यक्तीचे पाँकीट लातूर -पुणे बसमध्ये ड्रायव्हर जवळ देऊन इंदापूर येथील पोलीस स्टेशन इंदापूर येथे जमा करून पोलीस निरीक्षक श्री सुर्यकांत कोकणे साहेब यांच्या हस्ते श्री आयुब शेख यांच्या ताब्यात दिले या वेळी पोलीस पाटील संघटनेचे अध्यक्ष भारत मारकड पाटील, पोलीस पाटील संघटनेचे इंदापूर तालुका अध्यक्ष श्री सुनील राऊत पाटील, सुरेश देवकर पाटील यांच्या उपस्थितीत ते पैशाचे पाँकीट मिळाल्याबद्दल आयुब शेख यांनी आनंद व्यक्त केला. त्यांनी सर्वांचे आभार व्यक्त करून त्यांना आंनद अश्रू आले व माझी दिवाळी तुमच्या मुळे गोड झाली अशी भावना व्यक्त केली . या कृतीमुळे शैलेश नाडागुडे व मित्रांचे व पोलीस पाटील यांचे सर्व स्तरातून अभिनंदन होतं आहे.*
*श्री शैलेश नाडागुडे यांच्या सारख्या माणसांमुळे आजही माणुसकी जिवंत आहे यांचे ताजे उदाहरण आहे.

टिप्पण्या

या ब्लॉगवरील लोकप्रिय पोस्ट

जय भवानीगड विकास प्रतिष्ठान मधील बालचिमुकल्यानी घेतला आठवडा बाजाराचा आनंद

  इंदापूर जय भवानी गड विकास प्रतिष्ठान संचलित, विद्या निकेतन स्कूल अ‍ॅण्ड जुनियर कॉलेज व प्रेसिडेंसी इंटरनॅशनल स्कूल, विद्या निकेतन कॉलेज ऑफ फार्मसी व विद्यानिकेतन इन्स्टिटय़ूट ऑफ इंजिनिअरिंग अ‍ॅण्ड टेक्नॉलॉजी यांच्या संयुक्त विद्यमाने दिनांक 05/12/2025 रोजी आठवडा बाजाराचे नियोजन करण्यात आले होते.  विद्यार्थ्यांंना बाजारातल्या व्यवहाराची माहिती देण्यासाठी आणि त्यांना प्रत्यक्ष अनुभव देण्यासाठी प्रशाले मध्ये आठवडा बाजार भरवला होता. बाजारातील खरेदी विक्रीची माहिती मिळावी, पैश्याचा वापर कसा करावा याची जाणीव असावी, या उद्देशाने या आठवडे बाजाराचे नियोजन करण्यात आले होते.विद्यार्थ्यांचा आत्मविश्वास वाढावा पैश्याचे महत्त्व समजावे . भाजीपाला विक्री सोबत फळभाज्या विविध फळे, विविध खाद्यपदार्थ यांच्या खवय्यांनी विद्यार्थ्यांनी मनसोक्त आनंद लुटला.  फळे , भाजीपाला विक्री करताना विद्यार्थ्यांच्या चेहर्‍यावरचा आनंद ओसंडून वहात होता.  बाजारातील उत्साह आणि लगबग पाहून संस्थेच्या उपाध्यक्षा चित्रलेखा ढोले यांनी विद्यार्थ्यांचे विशेष कौतुक केले. सदर कार्यक्रमा...

जिल्हा परिषदेच्या निवडणुकीत काँग्रेस बाजी मारणार - फडतरे

वाल्हे प्रतिनिधी- सिकंदर नदाफ आगामी जिल्हा परिषदेसह पंचायत समितीच्या निवडणुकीत जनशक्तीच्या जोरावर काँग्रेसच बाजी मारणार असल्याचा आशावाद काँग्रेस कमिटीचे नवनिर्वाचित तालुकाध्यक्ष साहेबराव फडतरे यांनी व्यक्त केला. वाल्हे ( ता. पुरंदर ) येथील महर्षी वाल्मीकी ऋषींच्या मंदिरात काँग्रेससह उध्दव बाळासाहेब ठाकरे तसेच आम आदमी पार्टीच्या कार्यकर्त्यांकडून साहेबराव फडतरे यांच्या निवडीबद्दल सत्कार सोहळ्याचे आयोजन करण्यात आले होते. यावेळी सत्काराला प्रतिउत्तर देताना फडतरे हे बोलत होते. ते पुढे म्हणाले आज मिळालेला सन्मान माझ्यासाठी खूप मोलाचा आहे. या सन्मानामुळे मला माझ्या कामाची जबाबदारी अधिक जाणवते. यापुढेही मी माझ्या कार्यातून समाजाची सेवा करण्याचा प्रयत्न करणार आहे. तसेच जिल्हा परिषदेसह पुरंदर पंचायत समितीच्या निवडणुकीत महाविकास आघाडीतील इच्छुक उमेदवारांच्या प्रचारार्थ पूर्ण ताकतीने रिंगणात उतरणार आहे. याप्रसंगी काँग्रेस ओबीसी सेलचे जिल्हाध्यक्ष राजेंद्र बरकडे शिक्षक काँग्रेसचे विभागीय अध्यक्ष सचिन दुर्गाडे तसेच किरण कुमठेकर माजी सभापती गिरीश पवार सामाजिक कार्यकर्ते अतिश...

चलो हिंगणगाव!" उजनी धरणग्रस्त शेतकऱ्यांच्या जमिनी बळकावण्याचा प्रयत्न? उद्या प्रशासनाविरुद्ध एल्गार!

इंदापूर/हिंगणगाव उजनी धरणग्रस्त शेतकऱ्यांच्या हक्काच्या जमिनींवर प्रशासनाकडून बळजबरीने ताबा मिळवण्याचा घाट घातला जात असल्याचा गंभीर आरोप करत, उद्या हिंगणगाव येथे शेतकरी एकत्र येऊन प्रशासकीय हुकूमशाहीविरुद्ध तीव्र संघर्ष पुकारणार आहेत. " शेतकऱ्यांच्या हक्कासाठी, एकजुटीची ताकद!" या घोषणेसह उद्या, गुरुवार दिनांक २१ मे २०२६ रोजी सकाळी ठीक ९:०० वाजता हिंगणगाव येथील 'मच्छबीज केंद्र' येथे मोठ्या प्रमाणावर जनआंदोलन छेडले जाणार आहे. मिळालेल्या माहितीनुसार, हिंगणगाव येथील मूळ उजनी धरणग्रस्त शेतकऱ्यांच्या जमिनी कायदेशीर प्रक्रियेला बगल देऊन, हुकूमशाही पद्धतीने आणि प्रशासनाचा वापर करून बळजबरीने मोजणी करून ताब्यात घेण्याचा प्रयत्न सरकार आणि संबंधित यंत्रणांकडून केला जात आहे. प्रशासनाच्या या मनमानी कारभारामुळे स्थानिक धरणग्रस्त शेतकऱ्यांमध्ये तीव्र असंतोष पसरला आहे. "पिढ्यानपिढ्या ज्या जमिनींवर शेतकऱ्यांचा हक्क आहे, त्या जमिनी प्रशासन सालगड्यासारखा वापर करून हिरावून घेऊ पाहत आहे," असा संताप आंदोलक शेतकऱ्यांकडून व्यक्त होत आहे. या अन्यायाविरुद्ध हिं...