पुण्यातील सर्व म्हणजे २८ जैन मंदिर विश्वस्त यांचा "आगाज २०२५" अंतर्गत सकल दिगंबर जैन समाज पुणे व पिंपरी चिंचवड तर्फे एच. एन. डी. जैन बोर्डिंग तसेच भगवान महावीर मंदिर वाचविण्यासाठी संघटित एल्गार, पुणे शहरात या कार्यक्रमाने घडविला इतिहास.

इंदापूर, डॉ. संदेश शहा.

सहसंपादक, मो. ९९२२४१९१५९

पुणे येथील एच. एन. डी. जैन बोर्डिंग तसेच बोर्डिंग मधील श्री. १००८ तीर्थंकर भगवान महावीर मंदिर हे दिगंबर जैन समाजातील पुणे येथे शिक्षणासाठी येणाऱ्या युवकांची अस्मिता असून ही समाजाची संपत्ती आहे. त्यामुळे बोर्डिंग व मंदिर वाचविण्यासाठी सर्वांनी संघटित प्रयत्न करण्याचा ऐतिहासिक निर्णय श्री १०८ दिगंबर आचार्य गुप्तीनंदी महाराज व सहकारी साधूंच्या प्रमुख उपस्थितीत घेण्यात आला. विशेष म्हणजे यासाठी पुणे शहरातील सर्व म्हणजे २८ दिगंबर जैन मंदिरच्या विश्वस्तांनी संघटित एकत्रित येऊन हजारो नागरिकांच्या उपस्थितीत निर्णय घेतल्याने इतिहास घडला.

आगाज म्हणजे सुरुवात, शुभारंभ, मंगलाचरण होत आहे. या आरंभ साठी पुणे शहर व पिंपरी चिंचवड येथील २८ दिगंबर जैन मंदिर विश्वस्त यांनी एकत्र येऊन भगवान महावीर प्रतिपादीत जिनवाणी तसेच जगा व जगू द्या असा एकतेचा संदेश दिला. त्यामुळे हा दिवस दिगंबर जैन समाजामध्ये सुवर्ण अक्षरांमध्ये लिहिला जाईल, असा आशीर्वाद आचार्य श्री १०८ गुप्तिनंदीजी महाराज यांनी दिला. 

सकल दिगंबर जैन समाज पुणे व पिंपरी चिंचवड यांच्या वतीने पुणे शहराच्या इतिहासात पहिल्यांदाच सर्व दिगंबर जैन मंदिर व त्यांच्या विश्वस्त कमिटी यांना एकत्र आणणारा हा आगाज कार्यक्रम पुणे कर्वेनगर येथील महालक्ष्मी लॉन्स वर मोठ्या उत्साहात संपन्न झाला.

दीपप्रज्वलन अरविंद जैन, आशिष शहा, शितल दोशी, उदंग शहा, मिलिंद लगडे, अविनाश पाटील, पद्मकुमार अजमेरा, प्रीतम शहा यांच्या हस्ते संपन्न झाले.

 यावेळी सर्व दिगंबर जैन मंदिरांनी विविध नृत्य व नाटिकाचे सादरीकरण करत जैन संस्कृतीचा संदेश दिला.

यामध्ये माणिकबाग जैन मंदिर तर्फे "जैन धर्माचा प्रचार, सुसगाव जैन मंदिर तर्फे "जैनम् जयती शासनम्" या "जैन धर्म व जिन शासनाचा मार्ग", तर विमाननगर जैन मंदिर तर्फे "मंदिर एक संकल्पना, एक स्वप्न" या नृत्यांनी सांस्कृतिक कार्यक्रमाची रंगत वाढली. यावेळी एलईडी स्क्रीनवर पुणे शहरातील सर्व दिगंबर जैन मंदिर यांची फोटो सहित माहिती दिगंबर जैन श्रावकांना दाखवण्यात आली.

एच.एन.डी. जैन बोर्डिंग व श्री १००८ भगवान महावीर दिगंबर जैन मंदिर हे जैन समाजा द्वारे, जैन समाजासाठी बनवले गेले आहे. ते एका महान दाताराने दान केले असून ते वसतिगृह किंवा मंदिर तोडण्याचा किंवा विकण्याचा कोणालाही अधिकार नाही असे आवर्जून गुरु महाराज यांनी स्पष्ट केले. क्षमा वाणी दिवस हा "विश्व मैत्री दिवस" म्हणून गणला जात असून क्षमावाणी पूर्ण जगाला महाविनाशापासून वाचवणार आहे. जैनम जयतू शासनम या तत्वाप्रमाणे सर्वांनी एकमेकाला सहकार्य करून जैन धर्म व संस्कृती संवर्धित करावी असे आग्रही आवाहन आचार्य गुप्तीनंदी महाराज यांनी केले. 

यानिमित्त दिगंबर जैन समाजातील प्रतिभाशाली व्यक्ती, गुणवंत विद्यार्थ्यांचा गौरव समारंभ संपन्न झाला. 

संध्याकाळी आबालवृद्धांच्या आकर्षणाचा केंद्रबिंदू असलेले इंडियन आयडॉल फेम शिवम सिंग आणि त्यांच्या आर्केस्ट्रा बँड ची भक्ती संगीत संध्या व दांडिया नाईट संपन्न झाली.

यामध्ये वैष्णवी ग्रुपने प्रथम क्रमांक पटकावला. यानिमित्त जैन समाजातील नागरिकांनी बनवलेल्या वस्तूंचे प्रदर्शन तसेच विक्री स्टॉलला देखील नागरिकांचा अभूतपूर्व प्रतिसाद मिळाला.

या संपूर्ण कार्यक्रमाचे संयोजन व सूत्रसंचालन स्वप्निल पाटणी यांनी केले तर कार्यक्रम यशस्वी होण्यासाठी मनीष जैन, महावीर शहा, सुरेंद्र गांधी, सुकमल जैन, सोनल जैन, ममता जैन, वीरेंद्र शहा, ॲड. शितल लोहाडे, सुजाता शहा, रितेश जैन, प्रीतम मेहता, महेंद्र गंगवाल, देवेंद्र बाकलीवाल, विनय चुडीवाल, प्रसून गोयल, शिल्पा शहा, क्षमा अजमेरा, प्रतिमा शहा तसेच सर्व दिगंबर जैन मंदिर चे विश्वस्त कमिटी यांनी विशेष परिश्रम घेतले.

यावेळी रमेश वडुजकर, डॉ. श्रेणीक शहा, मिहीर गांधी, किरण शहा आदी मान्यवर उपस्थित होते.