इंदापूर
महाविद्यालय येथे रसायनशास्त्र विभागाच्या वतीने अमर शेख हॉल येथे "सेफ हँडलिंग ऑफ केमिकल्स" या विषयावर सेमिनार आयोजित करण्यात आला. कार्यक्रमाचे प्रास्ताविक रसायनशास्त्र विभागप्रमुख डॉ. जयश्री गटकुळ यांनी केले
आणि प्रा. श्वेता खोपडे खोपडे, प्रा.रोहित घाटगे यांनी कार्यक्रमाचे सूत्रसंचालन केले. संस्थाध्यक्ष मा. हर्षवर्धन पाटील यांच्या हस्ते प्रमुख वक्ते अनिकेत भुजबळ यांचा पुष्पगुच्छ आणि शाल देऊन सत्कार करण्यात आला.औद्योगिक क्षेत्र रसायनशास्त्र विषयावर अवलंबून असून या क्षेत्रात विद्यार्थ्यांना नाविन्यपूर्ण भवितव्य आहे. विद्यार्थ्याच्या सुरक्षिते साठी या सेमिनारचे आयोजन करण्यात आले आहेअसे मत डॉ जयश्री गटकुळ यांनी व्यक्त केले. रसायनशास्त्र विषयाच्या विद्यार्थ्यांना केमिकल आणि फार्मास्युटिकल कंपनी मध्ये मोठ्या प्रमाणावर रोजगार उपलब्ध आहेत. रसायन ज्वलनशील आणि विषारी असतील तर विद्यार्थांनी केमिकल्स हाताळताना संरक्षणात्मक हातमोजे, चष्मा आणि मास्कचा वापर करावा असे आवाहन अनिकेत भुजबळ यांनी केले.डॉ.जीवन सरवदे,डॉ.राजेंद्र भोसले,डॉ.एम.पी. शिंदे,प्रा.योगेश झगडे, सचिन खरात प्रा.प्रांजली माने, प्रा.कविता देवकाते, प्रा.फर्जना शेख आदी मान्यवर उपस्थित होते.कार्यक्रम साठी सारिका चव्हाण आणि संतोष खाडे यांनी अथक परिश्रम घेतले, प्रा सचिन खरात यांनी आभारप्रदर्शन केले.
टिप्पण्या