*जेबिव्हीपीतील बालचमुंचा पक्षी संवर्धनासाठी एक अनोखा उपक्रम* - *

 इंदापूर:

- जय भवानी गड विकास प्रतिष्ठान मध्ये विद्यार्थ्यांनी पक्षांना होणारा त्रास व पक्षांप्रती असलेली भावना समजून प्रशालेतील विद्यार्थी रोज चिऊचा घास, काऊचा घास या उक्तीप्रमाणे रोज पक्षांना चारा पाणी देत होते.परंतु पक्षांना खाण्यासाठी पाण्यासाठी लागलेली आशेची निराशा होऊ नये म्हणून ज्याप्रमाणे मानव आपल्या उदरनिर्वाहासाठी कार्य करतो आपले पोट भरतो आपली तृष्णा भागवतो परंतु हेच पक्षांना आपली भावना व्यक्त करता येत नाही हीच भावना समजून ; 5 मे 2024 रोजी शालेय विद्यार्थ्यांचा चालू वर्षातील अखेरचा दिवस असल्यामुळे विद्यार्थ्यांना उन्हाळ्याच्या लागणाऱ्या सुट्ट्यांमुळे आपल्या या कार्यात खंड पडू नये म्हणून संस्थेचे अध्यक्ष श्रीमंत ढोले सर यांच्या संकल्पनेतून या पक्षांची अन्नधान्याची, पाणी पिण्याची गैरसोय होऊ नये यासाठी प्रशालेतील विद्यार्थ्यांनी ट्विंकल देशमुखे  पूनम धांडोरे  ,ज्योती वाघमारे , प्रियंका यादव  यांनी विद्यार्थ्यांना कृत्रिम घरटे बनवण्यासाठी मार्गदर्शन करून विद्यार्थ्यांनी बॉटल नारळाचे करवंटी डबे इत्यादी साहित्याचा वापर करून अतिशय सुंदर कृत्रिम घरटे बनवून कलाविष्काराचे सादरीकरण केले व प्राण्याचे संगोपन करणे हेच यांच्या कलेतून निष्पन्न होते. टाकाऊ वस्तू पासूनअतिशय सुंदर घरटे बनवून यांना पाणी पिण्याची व धान्याची सोय केली. जेणे करून या तीव्र उन्हाळ्यात या पक्ष्यांना अन्नासाठी व पाण्यासाठी भटकंती करू नये; या बालचमुंचा या पक्ष्यांना जीवदान देण्यात खारीचा वाटा उचलत आहे . प्रशालेतील प्रत्येक झाडावर, उद्यानातील झाडावर कृत्रिम घरटे बांधून एक सामाजिक बांधिलकी जपण्याचा विडा हे बालचमू उचलत आहेत . पक्षी ही आपली नैसर्गिक संपत्ती असून तिचे आपण सर्वांनी जतन केले पाहिजे मनात उदात्त भावना ठेवून विद्यार्थ्यांनी आपल्या घराच्या भोवती झाडांवर पक्ष्यांसाठी कृत्रिम घरटे बांधून पक्ष्यांची दाणा पाण्याची सोय करावी .